JENESIS 16:13 - Khasi CL Bible (BSI)

¹³ Ka Hagar ka kylli ïa lade, “Hato nga da ïohi shisha ïa U Blei bad ba nga dang im ban ïathuh ïa kata?” Kumta ka la khot ïa ka kyrteng U Trai uba la kren ha ka, “U Blei uba ïohi.”

KA BAIBL

¹³ Ka te ka la khot ïa ka kyrteng U Trai uba la kren ha ka, “Ma me, A Blei, me ïohi ïa nga”: naba ka la ong, “Shisha te nga dang ïohi hangne ruh ïa uta ynda u la paw ha nga?”

JENESIS 16:13 ပူးပေါင်းရင်းမြစ်များ

JENESIS 16:7

U angel jong U Trai u la ïashem ïa ka Hagar harud ka umpohliew ha ka ri shyiap ha ka lynti sha Shur bad u ong,

JENESIS 22:14

U Abraham u khot kyrteng ïa kata ka jaka “U Trai U Pynbiang.” Bad haduh kane ka sngi ruh, ki briew ki dang ong, “Ha u lum jong U Trai u pynbiang.”

JENESIS 28:17

U la sheptieng bad u ong, “Kane ka jaka kaba da sngewphieng! Kan dei ban long ka ïing jong U Blei, ka dei ban long ka khyrdop ba plie sha bneng.”

JENESIS 31:42

Lada U Blei jong ki kpa jong nga, U Blei jong u Abraham bad u Isaak um shym la don ryngkat bad nga, phin jin da la phah thylli ïa nga. Hynrei U Blei u la ïohi ïa ka jingjynjar jong nga bad ïa ka jingtrei ba nga la pyndep, bad hynne mynmiet u la ai ïa ka jingbishar jong u.”

JENESIS 32:30

U Jakob u la ong, “Nga la ïohi ïa U Blei markhmat, bad nga dang im hi.” Kumta u la khot kyrteng ïa kata ka jaka, Ka Peniel.

JENESIS 32:31

Ka sngi ka la mih haba u Jakob u mihnoh na Peniel, u da ïaid dkoh namar kata ka skhep.

EKSODOS 24:11

U Blei um shym pynmynsaw ïa kine ki rangbah bapawkhmat jong ki Israel; ki la ïohi ïa U Blei, bad hadien kata ki la ïabam bad ïadih.

PROBERB 15:3

U Trai u ïohi kaei kaba jia ha ki jaka baroh; u khmih halor jong ngi, la ngi leh ïa kaba bha ne kaba sniew.

PROBERB 5:21

U Trai u ïohi ïa baroh kaba phi leh, kat shaba phi leit, u peit ïa phi.

NONGBISHAR 6:24

U Gideon u tei hangta ka duwan ïa U Trai bad u khot kyrteng ïa ka, “U Trai u long ka Jingsuk.” (Ka dang ïeng ha Ophrah, kaba dei jong ki kur jong u Abieser.)