JENESIS 15:9 - Khasi CL Bible (BSI)

⁹ U te u ong ha u, “Wanrah kawei ka masi, kawei ka blang, uwei u langbrot, kawei pa kawei na ki ka dei ban long kaba lai snem ka rta, bad kawei ka paro, bad kawei ka lyngdkhur.”

KA BAIBL

⁹ Bad U Trai u la ong ha u, “To shim ïa nga ka masi lud kawei kaba lai snem ka rta, bad ïa ka blang kaba lai snem ka rta, bad u langbrot uba lai snem ka rta, bad ïa ka lyngdkhur kawei, bad i khun paro ruh iwei.”

JENESIS 15:9 ပူးပေါင်းရင်းမြစ်များ

JENESIS 15:10

U Abram u la wallam ïa kine ki mrad sha U Blei, u ot ïa ki ar lyngkhot, bad u buh ïa ki lyngkhot doh marpyrshah kawei ïa kawei pat ha ki ar laiñ; hynrei ïa ki sim um shym la ot lyngkhot.

JENESIS 15:8

Hynrei U Abram u ong, “Ko Trai Nongsynshar, kumno keiñ nga lah ban tip ba kan long ka jong nga?”

JENESIS 22:13

U Abraham u khmih sawdong bad u la ïohi ïa u langbrot uba la sahkut ki reng ha ka bniap. U leit ban shim ïa u, bad kñia ïa u kum ka jingainguh thang ha ka jaka u khun jong u.

SALM 50:5

U ong, “To ïalumlang ha nga ïa ki briew baïaineh jong nga, kito kiba la pynlong ïa ka jutang bad nga da kaba ainguh da ka jingkñia.”

JINGRWAI SOLOMON 2:12

ha ka rudnong ki syntiew ki phuh. Kane ka dei ka por ban rwai; ïa ka jingrwai ka lyngdkhur la ïohsngew ha ki lyngkha.

ISAÏAH 15:5

Ka dohnud jong nga ka kyang jam namar ka Moab! Ki briew ki la phet sha ki shnong jong ka Soar, bad sha ka Eglath Shelishiyah. Katto katne ki kiew ïa ka surok sha Luhith, ki da ïam haba ki leit; katto katne ki lait phet sha Horanaim, ki da ïam sngewsih jam.

LEBITIKOS 1:10

Lada uta u briew u wallam ïa ka jingainguh da uwei na ki blang ne ki langbrot jong u, u dei ban long da u shynrang uba khlem kano kano ka jingduna.

LEBITIKOS 1:14

Lada uta u briew u ai jingkñia da ka sim kum ka jingainguh thang, ka dei ban long ka paro ne ka lyngdkhur.

LEBITIKOS 1:3

Lada u ainguh da uwei na ki masi kum ka jingainguh thang, u dei ban wallam da u shynrang uba khlem don kano kano ka jingduna. U dei ban wan ai ïa u ha ka jingkhang jong ka Ïingjaiñ ka Jingdon Ryngkat U Trai khnang ba U Trai un pdiang ïa u.

LEBITIKOS 12:6

Ynda ka por pynkhuid ïa ka, ka la kut, la ka long na ka bynta u khun ne ka khun, ka dei ban wallam sha u lyngdoh ha ka jingkhang jong ka Ïingjaiñ ka Jingdon Ryngkat U Trai ïa u khunlangbrot uba shisnem kum ka jingainguh thang bad ïa ka lyngdkhur ne ka paro kum ka jingainguh namar ka pop.

LEBITIKOS 12:8

Lada kata ka kynthei kam lah ban ai ïa u khunlangbrot, kan wallam ar tylli ki lyngdkhur ne ar tylli ki paro, kawei na ka bynta ka jingkñia ainguh thang bad kawei pat na ka bynta ka jingkñia ainguh namar ka pop bad u lyngdoh un pynlong ka jinglehniam ban shim noh ïa ka jingbymkhuid jong ka, bad kan sa long kaba la pynkhuid.

LEBITIKOS 14:22

Un wallam ruh ar tylli ki paro ne ki lyngdkhur, kawei na ka bynta ka jingkñia namar ka pop, bad kawei pat na ka bynta ka jingkñia ainguh thang.

LEBITIKOS 14:30

Nangta un kñia ïa kawei na kita ki paro lane ki lyngdkhur

LEBITIKOS 3:1

Haba uno uno u ai jingkñia ïa uwei na ki masi jong u kum ka jingainguh ïasyllok, ka dei ban long da u shynrang ne ka kynthei ki bym don kano kano ka jingduna.

LEBITIKOS 3:6

Lada u wallam ïa u langbrot ne u 'langsohmoh kum ka jingainguh ïasyllok, u lah ban long da u shynrang ne ka kynthei kiba khlem kano kano ka jingduna.

LEBITIKOS 9:2

U ong ha u Aaron, “Shim ïa uwei u masi lyngraw bad uwei u langbrot ki bym don kano kano ka jingduna bad kñia ïa ki ha U Trai, ïa u masi lyngraw kum ka jingkñia namar ka pop bad ïa u langbrot kum ka jingkñia ainguh thang.

LEBITIKOS 9:4

bad sa uwei u masi bad uwei u langbrot ban pynlong ka jingkñia ainguh ïasyllok. Dei ban kñia ïa ki ha U Trai ryngkat bad ka jingainguh bam ba la khleh bad ka umphniang. Ki dei ban leh ïa kane namar U Trai un wanpaw ha ki mynta ka sngi.”

LOUKAS 2:24

Ki la leit ruh ban ai jingkñia da shi jur ki lyngdkhur lane ar tylli ki khun paro, kumba la dawa da ka aiñ jong U Trai.