JENESIS 15:7 - Khasi CL Bible (BSI)

⁷ Te U Trai u ong ha u, “Nga long U Trai, uba la wan ïalam ïa me na ka shnong Ur kaba ha ka ri Babilonia, ban ai ha me ïa kane ka ri kum ka jong me hi.”

KA BAIBL

⁷ U la ong ruh ha u, “Nga long U Trai uba la wallam noh ïa me na ka Ur jong ki Khaldi, ïa ka ban ai ha me ïa kane ka ri ban ïoh pateng ïa ka.”

JENESIS 15:7 ပူးပေါင်းရင်းမြစ်များ

JENESIS 12:1

U Trai u ong ha u Abram, “Mihnoh na la ka ri, na la ki ba-ha-ïing ha-sem, bad na ka ïing u kpa jong me, bad leit sha ka ri kaba ngan sa pyn-i ha me.

JENESIS 12:7

U Trai u la mihpaw ha u Abram bad u ong ha u, “Kane ka dei ka ri kaba ngan ai ha ki khun ki ksiew ong me.” Nangta u Abram u la tei hangta ïa ka duwan ha U Trai, uba lah mihpaw ha u.

JENESIS 28:4

To un kyrkhu ïa me bad ïa ki khun ki ksiew jong me kumba u la kyrkhu ïa u Abraham, bad ai ba men shim kynti ïa kane ka ri ha kaba me la shong la sah bad ïa kaba U Blei u la ai ha u Abraham!”

JENESIS 50:24

Te u Joseph u ong ha la ki hynmen, “Nga la jan ïap, hynrei U Blei un ri un da ïa phi, bad un ïalam noh ïa phi na kane ka ri sha kata ka ri kaba u la kular skhem ha u Abraham, ha u Isaak, bad ha u Jakob.”

SALM 105:11

“Ngan ai ha phi ïa ka ri Kanaan,” u ong. “Kan long ka jingïohkynti jong phi hi.”

SALM 105:42

U la kynmaw ïa ka jingkular bakyntang jong u ïa u Abraham u shakri jong u.

SALM 105:44

U la ai ha ki ïa ki ri jong kiwei pat ki jaitbynriew bad u la shah ïa ki ban shim noh ïa ki pyntha jong ki,

EKSODOS 32:13

Kynmaw ïa u Abraham, u Isaak, bad u Jakob, ki shakri jong me. Kynmaw ïa ka jingkular bakyntang kaba me la pynlong bad ki ban ai ha ki ïa ki khun ki ksiew kiba bun kat ki khlur ha sahit bneng, bad ban ai ha ki khun ki ksiew jong ki ïa kata ka ri baroh kaba me la kular ba kan long ka jingïohkynti jong ki junom.”

JINGKHEIÑ 33:53

Kam kynti ïa ri bad shongsah hangta, namar nga ai ïa ka ha phi.

Ka Shithi U Paul Sha Ki Nong Rom 4:13

Mynba U Blei u la kular ïa u Abraham bad kiba hiarpateng na u ba ka pyrthei kan long ka jong u, u la leh kumta, ym namar ba U Abraham u la kohnguh ïa ka Hukum, hynrei namar u la ngeit bad la ñiew ïa u, uba hok da U Blei.

DEUTERONOMI 3:18

“Nangta nga ai ruh ha ki ïa kine ki jingbthah: ‘U Trai U Blei jong ngi u la ai ïa kane ka ri kaba sha mihngi na Jordan ba phin ïohkynti ïa ka. Mynta pat, pynkieng atiar ïa ki rangïapom jong phi bad phah ïa ki sha shiliang ka Jordan ha shuwa kiwei pat ki jait Israel ban ïarap ïa ki ban ïohkynti ïa ka bynta jong ki de.

DEUTERONOMI 9:5

Ym dei namar ka hok jong phi ne ka jinglong beit ha ka dohnud ba phin ïohkynti ïa ka ri jong ki, hynrei ka long namar ka jingbymman jong kita ki jaitbynriew ba U Trai U Blei jong phi u la beh krad ïa ki na khmat jong phi; ba un pynskhem ïa la ka kular ba u la ai ha ki kpa tymmen jong phi, u Abraham, u Isaak, bad u Jakob.