JENESIS 15:18 - Khasi CL Bible (BSI)

¹⁸ Hangta hangta hi, U Trai u pynlong ka jutang bad u Abram. U ong, “Nga kular ban ai ha ki khun ki ksiew jong me ïa kane ka ri, naduh ka khappud Ijipt haduh ka Wah Ïuphratis,

KA BAIBL

¹⁸ Ha kata ka sngi, U Trai u la teh ka jutang bad u Abram, u da ong, “Ha u symbai jong me nga la ai ïa kane ka ri, naduh ka wah ka ri Ijipt haduh ka wah bah, kaba ka wah Ïuphratis:

JENESIS 15:18 ပူးပေါင်းရင်းမြစ်များ

JENESIS 12:7

U Trai u la mihpaw ha u Abram bad u ong ha u, “Kane ka dei ka ri kaba ngan ai ha ki khun ki ksiew ong me.” Nangta u Abram u la tei hangta ïa ka duwan ha U Trai, uba lah mihpaw ha u.

JENESIS 13:15

Ngan ai ha me bad ha ki khun ki ksiew jong me ïa ka ri baroh kat kaba me ïohi, bad kan long ka jong me junom.

JENESIS 2:14

Ka wah kaba lai ka dei ka Tigris, kaba tuid shaphang mihngi jong ka Assyria. Bad ka wah kaba saw ka dei ka Ïuphratis.

JENESIS 24:7

U Trai, U Blei jong ka bneng, u la ïalam noh ïa nga na ka ïing u kpa jong nga bad na ka ri ki kur ki jait jong nga, bad u la kular skhem ha nga ba un ai ïa kane ka ri ha ki khun ki ksiew jong nga. Un phah ïa u angel jong u ha shuwa jong me, ba me lah ban pynïoh hangta ka tnga ïa u khun jong nga.

JENESIS 26:4

Ngan ai ha me ïa ki khun ki ksiew kat ki khlur ha ka sahit bneng, bad ngan ai ha ki ïa kane ka ri baroh. Ki jaitbynriew baroh kin kyrpad ïa nga ba ngan kyrkhu ïa ki kumba nga la kyrkhu ïa ki khun ki ksiew jong me.

JENESIS 28:4

To un kyrkhu ïa me bad ïa ki khun ki ksiew jong me kumba u la kyrkhu ïa u Abraham, bad ai ba men shim kynti ïa kane ka ri ha kaba me la shong la sah bad ïa kaba U Blei u la ai ha u Abraham!”

JENESIS 35:12

Ngan ai ha me ïa ka ri kaba nga la ai ha u Abraham bad ha u Isaak, bad ngan ai ïa ka ruh ha ki khun ki ksiew hadien jong me.”

JENESIS 50:24

Te u Joseph u ong ha la ki hynmen, “Nga la jan ïap, hynrei U Blei un ri un da ïa phi, bad un ïalam noh ïa phi na kane ka ri sha kata ka ri kaba u la kular skhem ha u Abraham, ha u Isaak, bad ha u Jakob.”

2 SAMUEL 23:5

Bad kata ka long kumno ba U Blei un kyrkhu ïa ki khun ki ksiew jong nga namar u la pynlong bad nga ka jutang ka ban neh junom, ka jingïateh kular ka ban ym lah pynkheiñ ka jingkular ka ban ym kylla. Kata baroh ka dei kaba nga angnud; kata kan long ka jingjop jong nga, bad U Blei da kaba thikna un pynurlong ïa ka.

2 SAMUEL 8:3

Nangta u la jop ïa u khun jong u Rehob, u Hadadeser, u syiem ka hima Sobah jong ka Syria, katba u Hadadeser u dang don ha lynti ban pynïoh pat ïa la ka bor synshar halor ka ri harud ka wah Ïuphratis kaba shaneng.

1 SYIEM 4:21

Ka hima u Solomon ka kynthup ïa baroh ki ri naduh ka wah Ïuphratis haduh ka ri ki Philistia bad ka pud Ijipt. Ki la siew khajna ïa u bad ki la hap hapoh jong u katba u dang im.

1 SYIEM 5:1

U Hiram, u syiem Tyros u la ju long u paralok jong u Dabid, bad haba u la ïohsngew ba u Solomon u la long syiem hadien jong u Dabid, u kpa jong u, u la phah ki nongkit 'tiensyiem sha u.

1 KHRONIKL 16:16

ka jutang kaba u la pynlong bad u Abraham, ka jingkular kaba u la pynlong bad u Isaak.

1 KHRONIKL 5:9

Ki don shibun ki kynhun masi ha ka ri Gilead, bad kumta ki la dakhol ïa ka ri kat haduh ka phang mihngi ha ka ri shyiap kaba ïar ter ter shaduh ka wah Ïuphratis.

2 KHRONIKL 7:8

U Solomon bad baroh ki paid Israel ki la rakhe ïa ka Jingkhawai Niam Ki Ïingtrep hynñiew sngi. La don u paidbah uba bun naduh ka Khim Hamath na shatei haduh ka khappud Ijipt na shathie.

2 KHRONIKL 8:7

U Solomon u pyndonkam ha kaba pyntrei jubor ïa baroh ki khun ki ksiew jong ki briew ka Kanaan kiba ki Israel kim shym la pynïap mynba ki knieh ïa ka ri jong ki. Kine ki kynthup ïa ki Hit, ki Amor, ki Peris, ki Hib, bad ki Jebus, kiba ki khun ki ksiew jong ki, ki dang long ki mraw haduh mynta.

2 KHRONIKL 9:26

U long u nongsynshar uba hakhlieh tam na ki syiem baroh ha ka thain naduh ka wah Ïuphratis haduh ka ri Philistia bad haduh khappud ka Ijipt.

ESRA 4:20

Ki syiem bakhlaiñbor ki la synshar hangto bad ki la synshar ïa ka probins jong ka Ïuphratis Sepngi baroh kawei, ki da lum khajna bad ki jingmih.

NEHEMAÏAH 9:8

Me shem ba u ïaineh ha me, bad me pynlong ka jingïateh kular bad u. Me kular ban ai ha u ïa ka ri ki Kanaan, ka ri jong ki Hit bad ki Amor, ka ri ki Peris, ki Jebus bad ki Girgash, kan long ka ri ha kaba ki khun ki ksiew jong u kin shong kin sah. Me bat ïa la ka kular, namar me long uba ïaineh.

SALM 105:11

“Ngan ai ha phi ïa ka ri Kanaan,” u ong. “Kan long ka jingïohkynti jong phi hi.”

EKSODOS 13:11

“U Trai un wallam ïa phi sha ka ri ki Kanaan ïa kaba u la kular skhem ha phi bad ha ki kpa tymmen jong phi.

EKSODOS 2:24

Kata ka jingud jong ki ka kiew sha U Blei, uba la ïohsngew ïa ka jingud jong ki bad kynmaw ïa la ka jutang bad u Abraham, u Isaak bad u Jakob.

EKSODOS 23:23

U angel jong nga un leit ha shuwa jong phi bad un ïalam ïa phi sha ka ri jong ki Amor, ki Hit, ki Peris, ki Kanaan, ki Hib, bad ki Jebus; bad ngan pynjot ïa ki.

EKSODOS 3:8

bad kumta nga la wan ban pyllait ïa ki na ki nong Ijipt bad ban ïalam noh ïa ki na ka ri Ijipt sha kata ka ri kaba ïar bad kaba seisoh, kaba tuid da ka dud bad ka ngap, ha kaba ki Kanaan, ki Hit, ki Amor, ki Peris, ki Hib bad ki Jebus ki shong mynta.

EKSODOS 32:13

Kynmaw ïa u Abraham, u Isaak, bad u Jakob, ki shakri jong me. Kynmaw ïa ka jingkular bakyntang kaba me la pynlong bad ki ban ai ha ki ïa ki khun ki ksiew kiba bun kat ki khlur ha sahit bneng, bad ban ai ha ki khun ki ksiew jong ki ïa kata ka ri baroh kaba me la kular ba kan long ka jingïohkynti jong ki junom.”

EKSODOS 34:11

Kohnguh ïa ki hukum kiba nga ai ha phi mynta ka sngi. Ngan beh noh ïa ki Amor, ki Kanaan, ki Hit, ki Peris, ki Hib, bad ki Jebus, katba phi nang tur sha khmat.

EKSODOS 34:24

Hadien ba nga la beh noh ïa kita ki jaitbynriew na khmat jong phi, bad pynïar ruh ïa ki pud jong phi, yn ym don mano mano u ban pyrshang ban jop ïa ka ri jong phi haba phi rakhe ïa kita ki lai tylli ki Jingkhawai Niam.

EKSODOS 6:4

Nga la pynlong ruh ka jutang bad ki, da kaba kular ban ai ha ki ïa ka ri Kanaan, ka ri ha kaba ki la shong la sah kum ki sohshnong.

EKSODOS 6:8

Ngan ïalam ïa phi sha ka ri kaba nga la kular skhem ban ai ha u Abraham, ha u Isaak, bad ha u Jakob; bad ngan ai ïa ka ha phi kum ka nongkynti jong phi hi. Nga long U Trai.’ ”

ISAÏAH 27:12

Ha kata ka sngi, na Ïuphratis shaduh u pud ka ri Ijipt, U Trai un ïalum ïa uwei pa uwei na ki briew jong u, kum uba pynkhlad ïa u kew na u stait.

ISAÏAH 55:3

“To shahshkor mynta, ko ki briew jong nga, bad to wan sha nga; to wan sha nga, bad phin ïoh jingim! Ngan pynlong ka jutang baneh bad phi bad ngan ai ha phi ïa ki jingkyrkhu kiba nga la kular ha u Dabid.

JEREMAÏAH 32:22

Me la ai ha ki ïa kane ka ri kaba tuid da ka dud bad ka ngap, kumba me la kular ha ki kpa tymmen jong ki.

JEREMAÏAH 32:40

Ngan pynlong ïa ka jutang bymjukut bad ki. Ngan ym sangeh lano lano ruh ban leh ïa kiei kiei kiba bha na ka bynta jong ki, bad ngan pynlong ïa ki ban tiengburom ïa nga da ka dohnud jong ki baroh, khnang ba kin ym phai dien shuh na nga.

LEBITIKOS 26:42

ngan sa kynmaw ïa la ka jutang ba nga la pynlong bad u Jakob bad u Isaak bad u Abraham, bad ngan sa pynthymmai ïa la ka kular ban ai ïa kata ka ri ha ki briew jong nga.

LEBITIKOS 26:45

Ngan pynthymmai ïa ka jutang ba nga la pynlong bad ki kpa tymmen jong ki mynba nga la pynpaw ïa la ka bor ha ki jaitbynriew baroh da kaba ïalam noh ïa la ki briew na ka ri Ijipt, khnang ba ma nga, U Trai, nga lah ban long U Blei jong ki. Nga long U Trai.”

JINGKHEIÑ 34:5

ha kaba un phai sha ka them ha ka pud jong ka Ijipt bad un kut ha ka Mediterranian.

KI KAM 7:5

U Blei, mynkata, um shym la ai ha u Abraham ïa kano kano ka bynta jong ka kum ka jong u hi, ym wat shi mitar sawdong jong ka khyndew, hynrei U Blei u la kular ban ai ïa ka ha u, bad ba kan long ka jong u bad ka jong ki khun ki ksiew jong u. Ha ka por ba U Blei u la pynlong ïa kane ka jingkular, u Abraham um pat don khun.

DEUTERONOMI 11:24

Ka khyndew baroh ha kaba phin ïuhkjat kan long ka jong phi. Ka ri jong phi kan ïar naduh ka ri shyiap shaphang shathie haduh ki lum Lebanon shaphang shatei, bad naduh ka wah Ïuphratis shaphang mihngi haduh ka Duriaw Mediterranian shaphang sepngi.

DEUTERONOMI 12:20

“Ynda U Trai U Blei jong phi u pynïar ïa ka ri jong phi, kumba u la kular, lada phi kwah bam doh phi lah ban bam katba phi mon.

DEUTERONOMI 19:8

“Bad lada U Trai U Blei jong phi u pynïar ïa ka ri jong phi, kumba u la ïathuh ha ki kpa tymmen jong phi, bad u ai ha phi ïa kata ka ri baroh ïa kaba u la kular,

DEUTERONOMI 34:4

Nangta U Trai u ong ha u Moses, “Kane ka long kata ka ri ba nga la kular ïa u Abraham, u Isaak, bad u Jakob ban ai ha ki khun ki ksiew jong ki. Nga la shah ïa me ban ïohi ïa ka, hynrei ngan ym shah ba men leit shata.”

DEUTERONOMI 7:1

“U Trai U Blei jong phi un wan ïalam ïa phi sha kata ka ri kaba phin ïohkynti, bad un beh noh nangta ïa ki jaitbynriew kiba bun. Katba phi nang ïaid sha khmat, un beh noh ïa ki hynñiew ki jaitbynriew kiba kham bun paid bad kham khrawbor ban ïa phi. Kita ki dei ki Hit, ki Girgash, ki Amor, ki Kanaan, ki Peris, ki Hib, bad ki Jebus.

HEBRU 13:20

U Blei uba la pynmihpat na ka jingïap ïa U Jisu uba U Trai jong ngi, uba long u Nongaplangbrot uba khraw jong ki langbrot da kata ka jingïap ha kaba la kñia ïa u, da kaba la pynskhem ïa ka jutang bymjukut. To ai ba U Blei ka jingsuk un pyndap ïa phi da kaei kaei kaba bha baroh kaba phi donkam khnang ban leh ïa ka mon jong u, bad ai ba ma u, da U Jisu Khrist, un leh ha ngi ïa kaei kaei kaba pynsngewbha ïa u. Bad ha U Khrist to long ka burom junom la junom, Amen.

JOSHUA 13:3

kumjuh ruh ka ri jong ka Abbim ha ka phang bashathie (ka jaka naduh ka wahduid Shihor ha ki khappud jong ka Ijipt haduh khappud Ekron ha ka phang bashatei, ïa kaba la ñiew ba ka dei ka jong ki Kanaan; ki syiem Philistia ki la shong ha Gasa, Ashdod, Ashkelon, Gath, bad Ekron).

JOSHUA 15:4

ter ter sha Asmon, bad ka bud ïa ka wahduid ha ka pud jong ka Ijipt sha ka Duriaw Mediterranian, ha kaba kut u. Kata ka long ka pud kaba shaphang shathie jong ka Judah.

JINGPYNPAW 9:14

Kata ka sur ka la ong ha uta u angel uba hynriew, “To pyllait noh ïa ki saw ngut ki angel kiba la shah khum ha ka wahbah Ïuphratis!”