JENESIS 15:17 - Khasi CL Bible (BSI)

¹⁷ Haba ka sngi ka la sep, bad ba ka la dum, u khiew uba mih tdem bad ka dongmusa kaba mehding ki paw kynsan bad ïaid napdeng kita ki lyngkhot doh.

KA BAIBL

¹⁷ Ka la jia ruh, ba haba la sep ka sngi, bad ba ka la dum tliw tliw, ha khmih ka lawar ba-mih tdem, bad ka sharak ba-meh ding ka khih hapdeng kita ki dkhot.

JENESIS 15:17 ပူးပေါင်းရင်းမြစ်များ

NONGBISHAR 6:21

Nangta u angel jong U Trai u kner bad u pyndei ha ka doh bad u kpu da ka tduh jong u diengduh ba u bat. Ka ding ka la mih na u mawsiang bad ka la thang ïa kata ka doh bad ïa u kpu. Nangta u angel u jah noh jar.

JEREMAÏAH 11:4

Ka dei ka jutang kaba nga la pynlong bad ki kpa tymmen jong ki mynba nga la wallam noh ïa ki na Ijipt, ka ri kaba long kum ka lawar ding baklang ïa ki. Nga la ong ïa ki ban kohnguh ïa nga bad ban leh ïa kiei kiei baroh kiba nga la lah hukum. Nga la ong ïa ki ba lada ki kohnguh, kin ïoh long ki briew jong nga bad ngan ïoh long U Blei jong ki.

1 KHRONIKL 21:26

U la tei hangta ïa ka duwan ha U Trai bad u la ai ki jingainguh thang bad ki jingainguh ïasyllok. U la duwai, bad U Trai u la jubab ïa u da kaba phah ïa ka ding na bneng ban thang ïa ki jingainguh halor ka duwan.

ISAÏAH 62:1

Ngan kren jam ban pynshlur ïa ka Jerusalem; ngan ym sngap jar haduh ba yn pynim ïa ka, bad ka jingjop jong ka kan tyngshaiñ kum ka jingshai ha ka por mynmiet.

2 SAMUEL 22:9

Ka tdem ka mih na ki thliew khmut jong u, bad ka ding ba bam duh bad ki rnga kiba rhem na ka shyntur jong u.

NONGBISHAR 13:20

Katba ki thylliej ding ki dang kiew shajrong na ka duwan, u Manoah bad ka tnga jong u ki ïohi ïa u angel U Trai ba u kiew sha bneng ha ki thylliej ding. U Manoah hangta u sngewthuh ba uta u briew u dei u angel jong U Trai, bad ma u lem bad ka tnga jong u ki dem khrup ha khyndew. Kim shym ïohi shuh ïa u angel.

DEUTERONOMI 4:20

Hynrei phi, phi dei ki briew kiba u la pyllait im na Ijipt, ka pajwa kaba klang da ka ding. U la wan ïalam ïa phi ban pynlong ïa phi ki briew jong u hi, kumne kumba phi long mynta.

JENESIS 15:10

U Abram u la wallam ïa kine ki mrad sha U Blei, u ot ïa ki ar lyngkhot, bad u buh ïa ki lyngkhot doh marpyrshah kawei ïa kawei pat ha ki ar laiñ; hynrei ïa ki sim um shym la ot lyngkhot.

EKSODOS 19:18

Ïa u Lum Sinai baroh uwei la tap da ka tdem, namar U Trai u la wan hiar ha u ha ka ding. Ka tdem ka kiew kum kaba mih na ka lawar ding, bad ki briew baroh ki la kyiuh shibun eh.

1 SYIEM 18:38

U Trai u phah ïa ka ding najrong, bad ka thang duh ïa ka jingkñia, ïa ki diengthang bad ïa ki maw; ka pyningkhong ïa ka khyndew bad pynrngad lut ïa ka um ha ka kharai.

EKSODOS 20:18

Haba ki paidbah ki la ïohsngew ïa ka jingtied u pyrthat bad ïa ka jingsawa ka turoi, bad ïohi ïa ka leilieh bad ïa uta u lum uba mih tdem, ki la kyiuh da ka jingsheptieng bad ki la ïeng noh sha jngai.