JENESIS 15:14 - Khasi CL Bible (BSI)

¹⁴ Hynrei ngan pynshitom ïa ka jaitbynriew kaba teh mraw ïa ki, bad haba kin ïamihnoh na kata ka ri nongwei, kin da kit ruh shibun ka spah.

KA BAIBL

¹⁴ bad ïa kata ka jaid bynriew ruh, ïa kaba ki kin ïashakri, ngan da bishar: bad hadien kata, kin ïamih noh bad ka spah shibun.

JENESIS 15:14 ပူးပေါင်းရင်းမြစ်များ

JENESIS 48:21

Nangta u Jakob u ong ha u Joseph, “Kumba phi ïohi, nga la jan ïap, hynrei U Blei un don ryngkat bad me, bad un sa ïalam pat ïa me sha ka ri ki kpa tymmen jong me.

JENESIS 50:24

Te u Joseph u ong ha la ki hynmen, “Nga la jan ïap, hynrei U Blei un ri un da ïa phi, bad un ïalam noh ïa phi na kane ka ri sha kata ka ri kaba u la kular skhem ha u Abraham, ha u Isaak, bad ha u Jakob.”

SALM 105:42

U la kynmaw ïa ka jingkular bakyntang jong u ïa u Abraham u shakri jong u.

SALM 135:14

U Trai un kyrshan ïa la ki briew; un sngewsynei ïa la ki shakri.

SALM 135:9

Hangta u la leh ïa ki kambah bad ki kamphylla ban pynshitom ïa u syiem bad ïa ki rangbah synshar jong u baroh.

SALM 51:4

Nga la leh pop pyrshah ïa me — pyrshah tang ïa me hi — bad leh ïa kaei kaba me ñiew kaba bymman. Te me la leh kaba dei ha ka jingbishar jong me; me lehhok haba me pynrem ïa nga.

EKSODOS 12:29

Hamar shiteng synñia U Trai u la pynïap ïa u khun nyngkong baroh ha Ijipt, naduh u khun nyngkong jong u Pharaoh, u ban sa kiew khet, haduh u khun nyngkong jong u koidi uba ha ïingbyndi; ïa baroh kiba la kha nyngkong na ki mrad ruh la pynïap.

EKSODOS 3:10

Mynta nga phah ïa me sha u Pharaoh khnang ba men ïalam noh ïa ki Israel, ki briew jong nga, na Ijipt.”

KI KAM 7:7

Hynrei ngan sa bishar ïa kata ka jaitbynriew ïa kaba kin shakri, bad hadien kata ki khun ki ksiew jong me kin mihnoh na kata ka ri bad kin mane ïa nga ha kane ka jaka.’

DEUTERONOMI 4:20

Hynrei phi, phi dei ki briew kiba u la pyllait im na Ijipt, ka pajwa kaba klang da ka ding. U la wan ïalam ïa phi ban pynlong ïa phi ki briew jong u hi, kumne kumba phi long mynta.

DEUTERONOMI 6:22

Ngi la ïohi da la ki khmat ba u la leh ïa ki kamphylla bad ïa kiei kiei kiba ishyrkhei pyrshah ïa ki Ijipt, ïa u syiem jong ki, bad ïa ki rangbah synshar jong u baroh.

JOSHUA 24:17

U Trai U Blei jong ngi u la wallam ïa ki kpa jong ngi bad ïa ngi ruh na ka jinglongmraw ha Ijipt, bad ngi la ïohi ïa ki kambah ba u la leh. U la ri pynim ïa ngi shano shano shaba ngi leit hapdeng ki jaitbynriew baroh ba ngi la ïaid lyngba.

1 SAMUEL 12:8

Haba u Jakob bad ka ïing jong u ki leit sha Ijipt, bad ki nong Ijipt ki banbeiñ ïa ki, ki kpa tymmen jong phi ki kyang ban ïoh jingïarap sha U Trai, bad U Trai u phah ïa u Moses bad u Aaron, kiba la wan ïalam noh ïa ki na Ijipt bad pynshong pynsah ïa ki ha kane ka ri.