JENESIS 15:13 - Khasi CL Bible (BSI)

¹³ U Trai u ong ha u, “Ki khun ki ksiew jong me kin long ki nongwei ha ka ri nongwei; kin long ki mraw hangta, bad kin shah pynshitom beiñ haduh sawspah snem.

KA BAIBL

¹³ Bad U Trai u la ong ha u Abram, “To tip shisha ba u symbai jong me un long nongwei ha ka ri ka bymdei ka jong ki, bad kin shakri ruh ïa ki; bad kita kin ïa-pynshitom ïa ki, sawspah snem;

JENESIS 15:13 ပူးပေါင်းရင်းမြစ်များ

JENESIS 15:16

Kan shim por saw pateng bynriew shuwa ba ki khun ki ksiew jong me kin wan phai pat shane; namar ngan ym pat beh noh ïa ki Amor tad ynda ki la long bymman haduh katta katta kat haduh ba ki dei ban shah pynshitom.”

JENESIS 17:8

Ngan ai ha me, bad ha ki khun ki ksiew jong me, ïa kane ka ri ha kaba mynta me long u nongwei. Ka ri Kanaan baroh kawei kan long ka jingïohkynti junom jong ki khun ki ksiew jong me; bad nga ngan long U Blei jong ki.”

JENESIS 47:4

“Ngi la wan ban sah ha kane ka ri, namar ha Kanaan ka don ka 'nemsniew kaba jur katta katta haduh bym don phlang shuh ïa ki jingri jong ngi. Sngewbha ai jingbit ïa ngi ban shong ban sah ha ka thain Goshen.”

SALM 105:42

U la kynmaw ïa ka jingkular bakyntang jong u ïa u Abraham u shakri jong u.

EKSODOS 1:11

Kumta ki nong Ijipt ki thung ïa ki nongpyntrei mraw kiba pynsaja ïa ki da kaba pynbor ba kin trei ïa ki kam kiba shitom sat. Ki Israel ki tei ïa ki nongbah Pithom bad Rameses ba kin long ki jaka kynshew jingbam u Pharaoh.

EKSODOS 1:13

Te ki nong Ijipt ki la sdang ban sheptieng ïa ki Israel, bad kumta ki pynsaja sat ïa ki da kaba pynlong mraw jubor ïa ki ban trei ha ki kam dewbyrtha bad shna maw-it, bad ha ki lyngkha jong ki, bad kim don jingisynei ïa ki.

EKSODOS 2:24

Kata ka jingud jong ki ka kiew sha U Blei, uba la ïohsngew ïa ka jingud jong ki bad kynmaw ïa la ka jutang bad u Abraham, u Isaak bad u Jakob.

EKSODOS 22:21

“Wat lehbeiñ ne pynshitom beiñ ïa u nongwei; kynmaw ba phi ruh phi la long ki nongwei ha Ijipt.

EKSODOS 23:9

“Wat lehbeiñ ïa u nongwei; phi tip kumno phi sngew ban long u nongwei, naba phi la ju long ki nongwei ha ka ri Ijipt.

EKSODOS 3:10

Mynta nga phah ïa me sha u Pharaoh khnang ba men ïalam noh ïa ki Israel, ki briew jong nga, na Ijipt.”

EKSODOS 3:17

Nga la kular ba ngan ïalam noh ïa ki na Ijipt ha kaba ki shah lehbeiñ, sha kata ka ri kaba tuid da ka dud bad ka ngap — ka ri jong ki Kanaan, ki Hit, ki Amor, ki Peris, ki Hib bad ki Jebus.

EKSODOS 3:8

bad kumta nga la wan ban pyllait ïa ki na ki nong Ijipt bad ban ïalam noh ïa ki na ka ri Ijipt sha kata ka ri kaba ïar bad kaba seisoh, kaba tuid da ka dud bad ka ngap, ha kaba ki Kanaan, ki Hit, ki Amor, ki Peris, ki Hib bad ki Jebus ki shong mynta.

LEBITIKOS 19:34

Leh ïa ki kumba phi leh ïa la u para Israel, bad ieit ïa ki kumba phi ieit ïa lade. Kynmaw ba phi ruh shisien phi la long ki nongwei ha ri Ijipt. Nga long U Trai U Blei jong phi.

JINGKHEIÑ 20:15

kumno ba ki kpa tymmen jong ngi ki la leit sha Ijipt, ha kaba ngi la shong la sah hangta bun bun snem. Ki nong Ijipt ki la lehbeiñ ïa ki kpa tymmen jong ngi bad ïa ngi ruh,

KI KAM 7:17

“Haba ka por ka la nang jan na ka bynta U Blei ban bat ïa ka kular kaba u la kular ha u Abraham, ka jingdon jong ki briew jong ngi ha Ijipt ka la roi bun shah.

GALATIA 3:17

Kaei kaba nga mut ka long ba U Blei u la pynlong ïa ka jutang bad u Abraham bad u la kular ban bat ïa ka. Ka hukum, ïa kaba la ai hadien sawspah laiphew snem, kam lah ban pynkheiñ ïa ka jutang bad pyndam noh ïa ka jingkular U Blei.

DEUTERONOMI 10:19

Namar kata, ieit ïa kita ki nongwei, namar phi ruh phi la long ki nongwei ha ka ri Ijipt.

DEUTERONOMI 5:15

Phi dei ban kynmaw ba phi la long ki mraw ha Ijipt, bad ba nga, U Trai U Blei jong phi, nga la pyllait im ïa phi da ka borbah jong nga. Dei namar kata ba nga hukum ïa phi ban rakhe ïa ka Sabbaton.