JENESIS 14:16 - Khasi CL Bible (BSI)

¹⁶ U wan ïalam pat ruh ïa u Lot, u pyrsa jong u lem bad ïa ki jingdon jingem jong u, ryngkat ruh bad ïa ki kynthei bad ïa kiwei pat ki koidi.

KA BAIBL

¹⁶ Bad u la wallam pat ïa kata ka spah baroh, bad ïa u Lot ruh u khunruid jong u, bad ïa ka spah jong u ruh, u la wallam pat keiñ, bad ïa ki kynthei ruh de, bad ïa u paidlang.

JENESIS 14:16 ပူးပေါင်းရင်းမြစ်များ

JENESIS 12:2

Ngan ai ïa me bun ki khun ki ksiew, bad kin sa long ka jaitbynriew kaba khraw. Ngan kyrkhu ïa me bad ngan pyndonnam ïa ka kyrteng jong me, ba kumta men sa long ka jingkyrkhu.

JENESIS 14:14

Haba u Abram u la ïohsngew ba la kem koidi ïa u pyrsa jong u, u khot lang ïa ki nongïapom kiba don hapoh ka dara jong u, baroh ki long laispah khatphra ngut, bad u la thwet ïa ki saw ngut ki syiem haduh Dan.

JENESIS 50:7

Kumta u Joseph u la leit ban tep ïa la u kpa. Baroh ki rangbah synshar jong u syiem, ki bakhraw batri na ka ïing jong u, bad ki bakhraw batri jong ka ri Ijipt, ki ïaleit ryngkat bad u Joseph.

ISAÏAH 41:2

“Uei uta uba wanrah ïa u nongjop na sha mihngi, bad pynlong ïa u ban leh risa kat shaba u leit? Mano ba ai jingjop ïa u halor ki syiem bad ki jaitbynriew? Ka waitlam jong u ka mait ïa ki la kumba ki long ka pui pui, ki khnam jong u ki pynsaphred ïa ki kum u phlangïap ha khmat ka lyer.

1 SAMUEL 30:8

U Dabid u kylli na U Trai, “Ngan leit beh ne em ïa kine ki nonglute? Ngan lap ne em ïa ki?” U jubab, “Khie leit beh ïa ki; men lap ïa ki, bad men pyllait ïa kiba la shah ringmraw.”