JENESIS 14:12 - Khasi CL Bible (BSI)

¹² U Lot, u pyrsa jong u Abram, u la shong la sah ha Sodom, kumta ki la shim ïa u lem bad ïa ki jingdon jingem jong u baroh.

KA BAIBL

¹² Bad ïa u Lot, uba shong ha Sodom, u khunruid jong u Abram, bad ïa ka spah jong u ruh, ki la ïashim noh, hadien kata, ki la ïaleit noh.

JENESIS 14:12 ပူးပေါင်းရင်းမြစ်များ

JENESIS 11:27

Kine ki long ki khun ki ksiew jong u Terah, uba long u kpa jong u Abram, u Nahor, bad u Haran. U Haran u dei u kpa jong u Lot,

JENESIS 11:31

U Terah u shim ïa u Abram u khun jong u, ïa u Lot u ksiew jong u, uba long u khun jong u Haran, bad ïa ka pyrsa kurim jong u ka Sarai, ka tnga jong u Abram, bad ki ïamih lang noh na ka shnong Ur kaba ha ka ri Babilonia ban leit sha ka ri Kanaan. Ki la leit haduh ha Haran bad ki la ïashong ïasah noh hangta.

JENESIS 12:5

U Abram u la shim ïa ka Sarai ka tnga jong u, bad ïa u Lot u pyrsa jong u, bad ïa ka spah ka phew baroh, bad ïa ki mraw baroh ba ki la lah ïoh ha Haran, bad ki la ïamihnoh ban leit sha ka ri Kanaan.

JENESIS 14:11

Kita ki saw ngut ki syiem ki la shim lut khoit kat kaba don ha Sodom bad Gomorrah, kaba kynthup ruh ïa ka jingbam bad ki la leit noh.

JENESIS 14:14

Haba u Abram u la ïohsngew ba la kem koidi ïa u pyrsa jong u, u khot lang ïa ki nongïapom kiba don hapoh ka dara jong u, baroh ki long laispah khatphra ngut, bad u la thwet ïa ki saw ngut ki syiem haduh Dan.

JENESIS 14:16

U wan ïalam pat ruh ïa u Lot, u pyrsa jong u lem bad ïa ki jingdon jingem jong u, ryngkat ruh bad ïa ki kynthei bad ïa kiwei pat ki koidi.

Ka Kitab U Job 9:23

Haba uba lui lui u ïap kynsan, U Blei u rkhie.

JINGKHEIÑ 16:26

U ong ha uta u paidbah, “Kynriah na ki ïingjaiñ jong kine ki riewbymman bad wat ktah ïa kaei kaei kaba dei ka jong ki, ïoh phi shah pynjot lang bad ki namar ki pop jong ki.”

JINGPYNPAW 18:4

Nangta nga la ïohsngew ïa kawei pat ka sur na bneng, ka da ong, “To mihnoh, ko ki briew jong nga! To mihnoh na ka! Phim dei ban ïashim bynta ha ki pop jong ka; phim dei ban ïoh bynta ha ka jingshah pynshitom jong ka!

JINGPYNPAW 3:19

Nga sneng bad sympat ïa baroh kiba nga ieit. Long kaba thrang eh, te, bad phai noh na ki pop jong pha.