JENESIS 13:9 - Khasi CL Bible (BSI)

⁹ Kumta te to ngin ïakhlad noh. Jied ïa kano kano ka bynta jong ka ri kaba me mon. Me leit shawei, bad nga ngan leit shawei pat.”

KA BAIBL

⁹ Ka khyndew baroh kam long ha khmat jong me? Te nga kyrpad ïa me, to da khlad noh na nga: lada men phai sha kadiang, nga te ngan leit phai sha kamon; ne lada men phai sha kamon, nga te ngan leit phai sha kadiang.”

JENESIS 13:9 ပူးပေါင်းရင်းမြစ်များ

JENESIS 13:10

U Lot u la khmih sawdong bad u la ïohi ba ka them Jordan baroh kawei haduh Soar, ka don kyrhai ka um, kum ka Kper jong U Trai lane kum ka ri Ijipt. (Kane ka long ha shuwa ba U Trai un pynjot ïa ka Sodom bad ka Gomorrah.)

JENESIS 13:8

Kumta u Abram u ong ha u Lot, “Ki briew jong me bad ki briew jong nga kim dei ban ïakajia, namar ngi ïalong shi ïing shi sem.

JENESIS 20:15

U ong ha u Abraham, “Kane baroh ka dei ka ri jong nga; to shong to sah kat ha kaba me kwah.”

JENESIS 34:10

Nangta phi lah ban shong ban sah hangne ha ka ri jong ngi; phi lah ban shong ban sah hangno hangno kat ha kaba phi kwah, phi lah ban khaïi laitluid, bad ban don la ka jong ka jaka ka puta.”

SALM 120:7

Haba nga kren ïa ka jingsuk; ki pat ïa ka thma.

JEREMAÏAH 40:4

Mynta, ngan law noh ïa ki kynjri na ki ryndang-kti jong phi bad pyllait noh ïa phi. Lada phi kwah ban leit sha Babilonia ryngkat bad nga, phi lah ban leh kumta, bad ngan sumar ïa phi. Hynrei lada phim kwah ban leit, phi lah ban ym leit. Phi don ïa ka ri baroh kawei ban jied, phi lah ban leit shano shano ba phi kwah.”

Ka Shithi U Paul Sha Ki Nong Rom 12:18

To leh ïa kiei kiei baroh katba phi lah ban im ha ka jingïasuk bad ki briew baroh.

1 KORINTH 6:7

Ka jingshisha ba phi ïadon ki jingïakajia hapoh ka aiñ hapdeng jong phi hi, ka pyn-i phi la rem nadong shadong. Hato kam kham bha ïa phi ban shah bymdei? Hato kam kham bha ba phin shah lute noh?

HEBRU 12:14

Ïaleh ban ïashongsuk bad ki briew baroh, bad pyrshang ban im ka jingim kaba khuid, namar khlem kata uno uno un ym lah ban ïohi ïa U Trai.