JENESIS 13:18 - Khasi CL Bible (BSI)

¹⁸ Kumta u Abram u kynriah noh ïa la ka dara, bad u wan shong wan sah hajan ki dieng kyntang jong u Mamre ha Hebron, bad hangta u tei ka duwan ha U Trai.

KA BAIBL

¹⁸ Te u Abram u la pynkynriah noh ïa la ka ïingtrep, bad u la wan shong sah hajan ki dieng Sning u Mamre, kiba ha Hebron, bad u la tei hangta ïa ka duwan ha U Trai.

JENESIS 13:18 ပူးပေါင်းရင်းမြစ်များ

JENESIS 13:4

U la poi ha kata ka jaka hapdeng ka Bethel bad ka Ai ha kaba u la sher dara mynshuwa, bad ba u la lah tei ïa ka duwan. Hangta u la mane ïa U Trai.

JENESIS 14:13

Te uwei uba la ïohlait u wan ïathuh ïa kane baroh ha u Abram, u Hebru, uba la shong la sah hajan ki dieng kyntang jong u Mamre u kynja Amor. U Mamre bad ki para shynrang jong u, u Eshkol bad u Aber, ki dei ki paralok u Abram.

JENESIS 18:1

U Trai u la mihpaw ha u Abraham harud ki dieng kyntang jong u Mamre. Katba u Abraham u dang shong ha ka jingkhang ka ïingjaiñ jong u ha ka por ba dang shit kyr-ang mynsngi, u la khmied bad u la ïohi lai ngut ki rangbah kiba ïeng hangta.

JENESIS 22:9

Haba ki la poi ha kata ka jaka kaba U Blei u la ïathuh ha u, u Abraham u tei ïa ka duwan bad u pynbeit ïa kita ki dieng halor jong ka. U la khum ïa la u khun bad pynthiah ïa u halor ka duwan, hajrong kita ki dieng.

JENESIS 23:2

Ka la ïap ha Hebron ha ka ri Kanaan, bad u Abraham u ïam sngewsih namar jong ka.

JENESIS 26:25

U Isaak u la tei ka duwan hangta bad mane ïa U Trai. Nangta u sher ïa la ka dara hangta, bad ki shakri jong u ki ïatih sa kawei pat ka pukri.

JENESIS 35:27

U Jakob u la leit sha u Isaak u kpa jong u ha Mamre, hajan Hebron, ha kaba u Abraham bad u Isaak ki la ju shong ju sah.

JENESIS 37:14

U Kpa jong u, u ong ïa u, “Khie leit khmih la ki hynmen shynrang jong me ki suk ki saiñ bad la ki kynhun jingri ki bit ki biang ne em, nangta sa wan phai noh bad ïathuh ïa nga.” Kumta u kpa jong u, u la phah ïa u na ka them Hebron.

JENESIS 8:20

Te u Noah u tei ïa ka duwan ha U Trai; u shim na kawei kawei ka jait ki mrad bad ki sim ïa kiba la ñiew ba ki long kiba khuid, bad u thang tylli ïa ki kum ka jingkñia ainguh halor kata ka duwan.

2 SAMUEL 2:1

Hadien kane, u Dabid u kylli na U Trai, “Hato ngan leit bad shimti noh ïa kawei na ki nongrit jong ka Judah?” “Ho-oid,” U Trai u jubab. “Ïa kano?” U Dabid u kylli. “Ka Hebron” U Trai u ong.

SALM 16:8

Nga tip borabor ïa ka jingdon ryngkat jong U Trai; u don hajan, yn ym don kano kano kaba lah ban pynkhih ïa nga.

JINGKHEIÑ 13:22

Nyngkong ki la leit sha ka bynta kaba shathie jong kata ka ri bad ki poi haduh Hebron, ha kaba shong ba sah ki kur ki jait u Ahiman, u Sheshai, bad u Talmai, kiba hiarpateng na kawei ka jait ki ramhah ïa kaba la khot Anakim. (Ïa ka Hebron la tei hynñiew snem shuwa ïa ka Soan ha Ijipt.)

1 TIMOTHI 2:8

Ha man la ka jingshakri ha ka balang, nga kwah ba ki rangbah kin duwai, ki briew kiba la pynkyntang sha U Blei bad kiba lah ban rah ïa la ki kti ha ka jingduwai khlem jingbitar lane ka jingïakajia.

HEBRU 11:9

Da ka jingngeit u la im kum u nongwei ha ka ri ha kaba U Blei u la kular ïa u. U la shong ha ki ïingjaiñ, kumta ruh u Isaak bad u Jakob, kiba la ïohpdiang ïa kajuh ka jingkular na U Blei.

JOSHUA 14:13

U Joshua u la kyrkhu ïa u Kaleb u khun jong u Jephunneh bad u la ai ha u ïa ka nongbah Hebron kum ka jingïohkynti jong u.

JOSHUA 15:13

Kumba U Trai u la hukum ïa u Joshua, la ai shi bynta na ka jaka jong ka Judah ha u Kaleb u khun jong u Jephunneh, na ka jait Judah. U la ïohpdiang ïa ka Hebron, ka nongbah kaba dei jong u Arba, u kpa jong u Anak.