JENESIS 13:17 - Khasi CL Bible (BSI)

¹⁷ Mynta, khie leit bad khmih ïa ka ri baroh kawei, naba ngan ai ïa ka baroh ha me.”

KA BAIBL

¹⁷ To khie noh, to ïaid lyngba ïa kata ka ri, ïa ka lynter jong ka, bad ïa ka pyngkiang jong ka; naba ha me keiñ ngan sa ai ïa ka.”

JENESIS 13:17 ပူးပေါင်းရင်းမြစ်များ

JENESIS 12:7

U Trai u la mihpaw ha u Abram bad u ong ha u, “Kane ka dei ka ri kaba ngan ai ha ki khun ki ksiew ong me.” Nangta u Abram u la tei hangta ïa ka duwan ha U Trai, uba lah mihpaw ha u.

JENESIS 13:15

Ngan ai ha me bad ha ki khun ki ksiew jong me ïa ka ri baroh kat kaba me ïohi, bad kan long ka jong me junom.

JENESIS 15:7

Te U Trai u ong ha u, “Nga long U Trai, uba la wan ïalam ïa me na ka shnong Ur kaba ha ka ri Babilonia, ban ai ha me ïa kane ka ri kum ka jong me hi.”

JENESIS 17:8

Ngan ai ha me, bad ha ki khun ki ksiew jong me, ïa kane ka ri ha kaba mynta me long u nongwei. Ka ri Kanaan baroh kawei kan long ka jingïohkynti junom jong ki khun ki ksiew jong me; bad nga ngan long U Blei jong ki.”

JENESIS 28:13

Bad hangta la don U Trai uba ïeng hajan jong u. “Nga long U Trai, U Blei jong u Abraham bad u Isaak,” u ong. “Ngan ai ha me bad ha ki khun ki ksiew jong me ïa kane ka jaka ha kaba me thiah.

JENESIS 50:24

Te u Joseph u ong ha la ki hynmen, “Nga la jan ïap, hynrei U Blei un ri un da ïa phi, bad un ïalam noh ïa phi na kane ka ri sha kata ka ri kaba u la kular skhem ha u Abraham, ha u Isaak, bad ha u Jakob.”

2 SYIEM 13:23

hynrei U Trai u long uba bha bad leh-isynei ïa ki. Um shah ba yn pynjot ïa ki, hynrei u ïarap ïa ki, namar ka jutang jong u bad u Abraham, u Isaak, bad u Jakob. Um pat ju klet ïa la ki briew.