JENESIS 13:13 - Khasi CL Bible (BSI)

¹³ bad u la sher dara hajan ka Sodom, kaba ki briew jong ka, ki la long kiba bymman bad kiba la leh pop pyrshah ïa U Trai.

KA BAIBL

¹³ Hynrei, ki Sodom ki la long ki bymman bad kiba leh pop shikatdei eh ha khmat U Trai.

JENESIS 13:13 ပူးပေါင်းရင်းမြစ်များ

JENESIS 10:9

Da ka jingïarap U Trai u la long u nongbeh mrad uba khraw; ba kumta sa mih ka jingong, “Ai ba U Trai un pynlong ïa me u nongbeh mrad uba khraw kat u Nimrod.”

JENESIS 15:16

Kan shim por saw pateng bynriew shuwa ba ki khun ki ksiew jong me kin wan phai pat shane; namar ngan ym pat beh noh ïa ki Amor tad ynda ki la long bymman haduh katta katta kat haduh ba ki dei ban shah pynshitom.”

JENESIS 18:20

Te U Trai u ong ha u Abraham, “Ki don ki jingkynnoh pyrshah kiba jur ïa ka Sodom bad ka Gomorrah, bad ka pop jong ki ka long kaba khraw katta katta.

JENESIS 19:13

U Trai u la ïohsngew ïa ka jingkynnoh pyrshah kaba jur ïa kine ki briew bad u la phah ba ngin pynjot thiaw ïa ka Sodom.”

JENESIS 38:7

Ka rukom im jong u Er ka long bymman, bad kata ka la pynsngewsih ïa U Trai, kumta U Trai u la pynïap noh ïa u.

JENESIS 39:9

Ha kane ka ïing, nga don kajuh ka iktiar kumba u don, bad um shym la tyngkai ei ei shuh na nga lait noh tang ïa phi. Kumno keiñ nga lah ban leh kat ïa kata ka kam runar, bad ban leh pop pyrshah ïa U Blei?”

JENESIS 6:11

U la im ha ka jingïasyllok bad U Blei, hynrei baroh kiwei pat, ki la long kiba sniew ha khmat U Blei, bad ka jingleh jubor ka la saphriang kylleng.

2 SYIEM 21:6

U kñia ïa la u khun kum ka jingainguh thang. U khan bad u leh myntor, bad u ïasyllok bad ki nongpeit kti bad ki nongleh byrtong. U la leh pop palat pyrshah ïa U Trai bad pynkhih bitar ïa u.

ISAÏAH 1:9

Lada U Trai Badonbor Baroh um shym ailad ïa ki katto katne ki briew ban lait im, yn jin da la pynjot hi thiaw ïa ka Jerusalem, kumba long ïa ka Sodom bad Gomorrah.

JEREMAÏAH 23:14

Hynrei ha ki nongïathuhlypa ka Jerusalem nga la ïohi ba ki leh kaba kham sniew: ki klim bad ki kren lamler; ki pynshlur ïa ki briew ban leh ïa ka bymdei, kumta ba ym don ba sangeh noh ïa kaei kaba sniew. Ha nga, ki long baroh kiba sniew kum ki briew ka Sodom, bad ka Gomorrah.

JEREMAÏAH 23:24

Ym don uba lah ban rieh ha kaba ngam lah ban ïohi ïa u. Hato phim tip ba nga don ha ki jaka baroh ha bneng bad ha khyndew?

JINGKHEIÑ 32:23

Hynrei lada phim bat ïa la ka kular, nga maham ïa phi ba phi leh pop pyrshah ïa U Trai. Wat bakla ïa kane; phin shah pynshitom namar ka pop jong phi.

MATHAÏOS 9:10

Katba U Jisu u dang bam ha ka ïing u Matthaïos, shibun ki nonglum khajna bad kiwei pat kiba la shah kyntait ki la ïawan bad shong bad U Jisu lem bad ki synran jong u ha ka miej bam.

MATHAÏOS 9:13

Khie leit bad to wad kaei ka jingmut ha ka Jingthoh Bakhuid kaba ong: ‘Dei ïa ka jingsbun ba nga kwah, ym ki jingkñia ïa ki mrad.’ Ngam shym la wan ban khot ïa ki briew badonburom, hynrei ïa kiba la shah kyntait.”

ÏOANNIS 9:24

Ha ka sien kaba ar ki la khot biang ïa uta u briew ïa uba la kha matlah, bad ki la ong ha u, “To kular ha khmat U Blei ba men ïathuh ïa ka jingshisha! Ngi tip ba une u briew uba la pynkoit ïa me u dei u nongpop.”

ÏOANNIS 9:31

Ngi tip ba U Blei um ju shahshkor ïa ki nongpop; u shahshkor ïa ki briew kiba burom ïa u bad ba leh ïa kaei kaba u kwah ïa ki ban leh.

Ka Shithi U Paul Sha Ki Nong Rom 1:27

Ha kajuh ka rukom ki shynrang ki la iehnoh ïa ka jingshongkurim bad ki kynthei kat kum ba dei ka rukom bad ki la ïa ing da ka jingkwah brai para ma ki hi. Ki shynrang ki leh kiei kiei kiba khlemrain para ma ki, bad ka jingmih ka long ba ki wallam halor lade hi ïa ka jingpynshitom kaba ki don hok ban ïoh na ka bynta ka jingleh bym dei jong ki.

HEBRU 4:13

Ym don kaei kaei ïa kaba lah ban buhrieh na U Blei; ïa kiei kiei kiba don ha ki jingthaw baroh la pynpaw bad pyn-i shynna ha ki khmat jong u. Bad ka dei sha u ba ngi dei ban ai jingkheiñ ïa lade.

2 PETROS 2:10

Kine ki nonghikai balamler ki long kiba shlur bad kiba kyr-eit, bad kim pyn-i jingñiewburom ïa ki jingthaw ba kynja bneng; pynban ki krenbeiñ ïa ki.

JUDAH 1:7

To kynmaw ïa ka Sodom bad Gomorrah, bad ki shnong ba-marjan, ha kaba ki briew ki leh kumba la leh kito ki angel bad ki kyrsum ha ki jingleh nuti bad bajakhlia: Ki shah ïa ka jingpynshitom ha ka ding bymjukut kum ka jingmaham ïa baroh.

1 SAMUEL 15:18

bad u la phah ïa phi lem bad ka hukum, ban pynjot ïa ki Amalek, ki briew bymman. U la ong ïa phi ban ïaleh haduh ba phin da pynïap ïa ki baroh.

1 SAMUEL 2:17

Kumta ka pop jong ki khun u Eli ka long kaba la shyrkhei palat ha khmat U Trai, namar ba ki la ñiew khlem ka jingburom ïa ki jingainguh ha U Trai.