JENESIS 13:10 - Khasi CL Bible (BSI)

¹⁰ U Lot u la khmih sawdong bad u la ïohi ba ka them Jordan baroh kawei haduh Soar, ka don kyrhai ka um, kum ka Kper jong U Trai lane kum ka ri Ijipt. (Kane ka long ha shuwa ba U Trai un pynjot ïa ka Sodom bad ka Gomorrah.)

KA BAIBL

¹⁰ Te u Lot u la khmied ïa la ki khmat, bad u la ïohi ïa ka ri madan baroh ka wah Jordan, ba ka la long baroh kylleng ïa kaba la don um bha, mynshuwa ba U Trai u la pynjot noh ïa ka Sodom bad ïa ka Gomorra, kum ka kper U Trai ne kum ka ri Ijipt katba me leit shaphang Soar.

JENESIS 13:10 ပူးပေါင်းရင်းမြစ်များ

JENESIS 11:27

Kine ki long ki khun ki ksiew jong u Terah, uba long u kpa jong u Abram, u Nahor, bad u Haran. U Haran u dei u kpa jong u Lot,

JENESIS 13:11

Kumta u Lot u jied ïa ka them Jordan baroh na ka bynta ïa lade bad u leit noh shaphang mihngi. Da kumta keiñ kine ar ngut ki la ïakhlad.

JENESIS 13:9

Kumta te to ngin ïakhlad noh. Jied ïa kano kano ka bynta jong ka ri kaba me mon. Me leit shawei, bad nga ngan leit shawei pat.”

JENESIS 14:2

ki la leit ïaleh thma pyrshah ïa ki san ngut kiwei pat ki syiem: u Bera jong ka Sodom, u Birsha jong ka Gomorrah, u Shinab jong ka Admah, u Shemeber jong ka Seboiim, bad u syiem jong ka Bela (lane Soar).

JENESIS 14:8

Nangta ki syiem jong ka Sodom, ka Gomorrah, ka Admah, ka Seboiim, bad ka Bela ki la khreh ïa la ki shipai na ka bynta ka thma ha ka them Siddim bad ki la ïaleh pyrshah

JENESIS 3:6

Ka briew ka la ïohi haduh katno uta u dieng u long uba itynnat bad haduh katno u soh jong u, u long uba ibang, bad ka la pyrkhat ruh haduh katno kan long kaba phylla ban long kaba stad. Kumta ka la shim ïa u soh bad ka la bam. Nangta ka la ai lem ha u tnga jong ka, bad u ruh u la bam ïa uta u soh.

JENESIS 47:6

Ieh kin ïashong ïasah ha Goshen, ka jaka kaba bha tam ha ka ri. Bad lada don napdeng jong ki, ki briew kiba tbit, buh ïa ki ban peit ïa ki jingri jong nga.”

JENESIS 6:2

katto katne na ki jingthaw ba kynja bneng ki la ïohi ba kine ki samla kynthei ki long kiba bhabriew, kumta ki la shim ïa kita kiba ki la mon.

1 SYIEM 7:46

U syiem u phah shna ïa ki baroh ha ka jaka saiñ nar kaba hapdeng Sukkoth bad Sarethan, ha Them Jordan.

Ka Kitab U Job 40:23

Um sheptieng ïa ka wah kaba tuid stet; u long jai jai haba ka Jordan ka tynrah ïa ka durkhmat jong u.

SALM 107:34

U pynlong ïa ka khyndew basboh ban kylla ri khlaw mluh namar ka jingbymman jong kito kiba shong hangta.

ISAÏAH 15:5

Ka dohnud jong nga ka kyang jam namar ka Moab! Ki briew ki la phet sha ki shnong jong ka Soar, bad sha ka Eglath Shelishiyah. Katto katne ki kiew ïa ka surok sha Luhith, ki da ïam haba ki leit; katto katne ki lait phet sha Horanaim, ki da ïam sngewsih jam.

ISAÏAH 51:3

“Ngan pyn-i ïa ka jinglehisynei ïa ka Jerusalem, sha kito baroh kiba shong halor ki jingpra jong ka. Wat la ka jaka jong ka, ka long kum ka ri shyiap, ngan pynlong ïa ka, ka kper, kum ka kper kaba nga la thung ha Eden. Ka jingkmen bad ka jinglehkmen kin don hangta, bad ki jingrwai jong ka jingïaroh bad jingainguh ïa nga.

JEREMAÏAH 48:34

“Ki briew jong ka Heshbon bad ka Elealeh ki kyang, bad ïa ka jingkyang jong ki lah ban ïohsngew shaduh sha Jahas; lah ban ïohsngew da ki briew ha Soar, bad la ïohsngew shaduh sha Horonaim bad sha Eglath Shelishiyah. Wat ka wahduid Nimrim ka la rngad noh.

ESEKIEL 16:46

“Ka hynmen jong pha, ka dei ka Samaria ha ka phang bashatei, ryngkat bad ki nongrit jong ka. Ka para jong pha lem bad ki nongrit jong ka, ka dei ka Sodom ha ka phang bashathie.

ESEKIEL 16:49

Ma ka bad ki khun kynthei jong ka ki la sngewsarong namar ki la don kyrhai ban bam bad im ha ka jingsuk bad ka jingjar jar, hynrei kim shym la sumar ïa kiba duk bad ïa kiba rangli.

ESEKIEL 28:13

Me la shong ha Eden, ka kper jong U Blei, bad me deng ïa ki mawlynnai ba bun jait: ki Rubi bad ki Diamond; u Topas, u Beryl, u Karnelian bad u Jasper; ki Sapphir, ki Emerald, bad ki Garnet. Me don ki jingdeng da ka ksiar. Ïa ki la shna na ka bynta jong me ha ka sngi ba la thaw ïa me.

ESEKIEL 31:8

Ym don dieng Kedar ha ka kper U Blei uba lah ban ïanujor bad u, ym don dieng Kseh uba la ju don kum kita ki tnat, bad ym don u dieng ha madan uba don kum kita ki tnat, ym don u dieng ha ka kper jong U Blei uba itynnat katta katta.

ESEKIEL 31:9

Nga la pynlong ïa u, uba itynnat, da ka jingpyiar ki tnat. U la long ka jingpihuiñ jong ki dieng baroh ha Eden, ka kper U Blei.

ESEKIEL 47:18

“U pud mihngi u ïaid shaphang shathie na ka bynta kaba hapdeng ka ri jong ka Damaskos bad ka Hauran, bad ka wah Jordan ka pynlong ïa u pud hapdeng ka ri Israel ha ka bynta shaphang sepngi bad ka Gilead shaphang mihngi, haduh Tamar ha ka Duriaw Baïap.

JOEL 2:3

Kum ka ding ki bam duh ïa ki jingthung. Ha khmat jong ki ka ri ka long kum ka Kper Eden, hynrei sha lyndet jong ki ka long ka ri shyiap shrah. Ym don kano kano kaba lait im na ki.

DEUTERONOMI 34:3

ka bynta bashathie jong ka ri Judah; bad ka ri thor kaba ïar naduh Soar haduh Jerikho, ka shnong ki dieng Tlai.