JENESIS 12:7 - Khasi CL Bible (BSI)

⁷ U Trai u la mihpaw ha u Abram bad u ong ha u, “Kane ka dei ka ri kaba ngan ai ha ki khun ki ksiew ong me.” Nangta u Abram u la tei hangta ïa ka duwan ha U Trai, uba lah mihpaw ha u.

KA BAIBL

⁷ Bad U Trai u la mihpaw ha u Abram, u da ong, “Ha u symbai jong me ngan ai ïa kane ka ri”: bad hangta u la tei ïa ka duwan ha U Trai uba la lah mihpaw ha u.

JENESIS 12:7 ပူးပေါင်းရင်းမြစ်များ

JENESIS 12:8

Hadien kata, u la leit shaphang shathie sha ka ri lum ha ka phang mihngi jong ka Bethel bad u la pynïeng ïa ka dara hapdeng ka Bethel shaphang sepngi bad ka Ai shaphang mihngi. Hangta ruh u la tei ïa ka duwan bad u la mane ïa U Trai.

JENESIS 13:15

Ngan ai ha me bad ha ki khun ki ksiew jong me ïa ka ri baroh kat kaba me ïohi, bad kan long ka jong me junom.

JENESIS 13:17

Mynta, khie leit bad khmih ïa ka ri baroh kawei, naba ngan ai ïa ka baroh ha me.”

JENESIS 13:18

Kumta u Abram u kynriah noh ïa la ka dara, bad u wan shong wan sah hajan ki dieng kyntang jong u Mamre ha Hebron, bad hangta u tei ka duwan ha U Trai.

JENESIS 13:4

U la poi ha kata ka jaka hapdeng ka Bethel bad ka Ai ha kaba u la sher dara mynshuwa, bad ba u la lah tei ïa ka duwan. Hangta u la mane ïa U Trai.

JENESIS 15:18

Hangta hangta hi, U Trai u pynlong ka jutang bad u Abram. U ong, “Nga kular ban ai ha ki khun ki ksiew jong me ïa kane ka ri, naduh ka khappud Ijipt haduh ka Wah Ïuphratis,

JENESIS 17:1

Haba u Abram u la dap khyndaiphew khyndai snem ka rta, U Trai u la mihpaw ha u bad u ong, “Nga long U Blei Badonbor Baroh. Kohnguh ïa nga bad ïai leh ïa kaba dei.

JENESIS 17:3

U Abram u dem ngon haduh khyndew; bad U Blei u ong,

JENESIS 17:8

Ngan ai ha me, bad ha ki khun ki ksiew jong me, ïa kane ka ri ha kaba mynta me long u nongwei. Ka ri Kanaan baroh kawei kan long ka jingïohkynti junom jong ki khun ki ksiew jong me; bad nga ngan long U Blei jong ki.”

JENESIS 18:1

U Trai u la mihpaw ha u Abraham harud ki dieng kyntang jong u Mamre. Katba u Abraham u dang shong ha ka jingkhang ka ïingjaiñ jong u ha ka por ba dang shit kyr-ang mynsngi, u la khmied bad u la ïohi lai ngut ki rangbah kiba ïeng hangta.

JENESIS 22:9

Haba ki la poi ha kata ka jaka kaba U Blei u la ïathuh ha u, u Abraham u tei ïa ka duwan bad u pynbeit ïa kita ki dieng halor jong ka. U la khum ïa la u khun bad pynthiah ïa u halor ka duwan, hajrong kita ki dieng.

JENESIS 24:7

U Trai, U Blei jong ka bneng, u la ïalam noh ïa nga na ka ïing u kpa jong nga bad na ka ri ki kur ki jait jong nga, bad u la kular skhem ha nga ba un ai ïa kane ka ri ha ki khun ki ksiew jong nga. Un phah ïa u angel jong u ha shuwa jong me, ba me lah ban pynïoh hangta ka tnga ïa u khun jong nga.

JENESIS 26:25

U Isaak u la tei ka duwan hangta bad mane ïa U Trai. Nangta u sher ïa la ka dara hangta, bad ki shakri jong u ki ïatih sa kawei pat ka pukri.

JENESIS 26:3

To shong to sah hangne, bad ngan long lem bad me, bad ngan kyrkhu ïa me. Ngan sa ai ïa kane ka ri baroh ha me bad ha ki khun ki ksiew jong me. Ngan bat ïa la ka kular kaba nga la pynlong ha u Abraham u kpa jong me.

JENESIS 28:13

Bad hangta la don U Trai uba ïeng hajan jong u. “Nga long U Trai, U Blei jong u Abraham bad u Isaak,” u ong. “Ngan ai ha me bad ha ki khun ki ksiew jong me ïa kane ka jaka ha kaba me thiah.

JENESIS 28:4

To un kyrkhu ïa me bad ïa ki khun ki ksiew jong me kumba u la kyrkhu ïa u Abraham, bad ai ba men shim kynti ïa kane ka ri ha kaba me la shong la sah bad ïa kaba U Blei u la ai ha u Abraham!”

JENESIS 32:30

U Jakob u la ong, “Nga la ïohi ïa U Blei markhmat, bad nga dang im hi.” Kumta u la khot kyrteng ïa kata ka jaka, Ka Peniel.

JENESIS 33:20

U pynïeng ïa ka duwan hangta, bad u la khot kyrteng ïa ka da ka kyrteng El, U Blei jong ki Israel.

JENESIS 35:12

Ngan ai ha me ïa ka ri kaba nga la ai ha u Abraham bad ha u Isaak, bad ngan ai ïa ka ruh ha ki khun ki ksiew hadien jong me.”

JENESIS 35:7

Hangta u tei ïa ka duwan, bad u la khot kyrteng ïa kata ka jaka kum ka kyrteng U Blei ka Bethel, namar dei hangta U Blei u la pynpaw ïa lade ha u mynba u phet ïap na la u hynmen.

JENESIS 50:24

Te u Joseph u ong ha la ki hynmen, “Nga la jan ïap, hynrei U Blei un ri un da ïa phi, bad un ïalam noh ïa phi na kane ka ri sha kata ka ri kaba u la kular skhem ha u Abraham, ha u Isaak, bad ha u Jakob.”

JENESIS 8:20

Te u Noah u tei ïa ka duwan ha U Trai; u shim na kawei kawei ka jait ki mrad bad ki sim ïa kiba la ñiew ba ki long kiba khuid, bad u thang tylli ïa ki kum ka jingkñia ainguh halor kata ka duwan.

2 SAMUEL 24:25

Nangta u la thaw ka duwan ïa U Trai bad u la ai ki jingainguh thang bad ki jingainguh jingïasyllok. U Trai u la jubab ïa ka jingduwai jong u, bad ka jingïapthem ha Israel ka la sangeh.

1 SYIEM 18:32

Da kine ki maw, u thaw biang ïa ka duwan ban mane ïa U Trai. U tih ïa ka kharai sawdong jong ka, kaba heh kat haduh ban ngiam kumba khatsaw litar ka um.

1 KHRONIKL 16:16

ka jutang kaba u la pynlong bad u Abraham, ka jingkular kaba u la pynlong bad u Isaak.

1 KHRONIKL 16:18

“Ngan ai ha phi ïa ka ri Kanaan,” u ong. “Kan long ka jingïohkynti jong phi hi.”

2 KHRONIKL 20:11

Kane ka long kumno ba ki siew kylliang ïa ngi — ki wan ban beh krad ïa ngi shabar na ka ri kaba me la ai ha ngi.

2 KHRONIKL 20:7

Me long U Blei jong ngi. Mynba u paid Israel jong me u wan sha kane ka ri, me beh krad ïa ki briew kiba shong hangne bad me ai ïa ka ri ha ki khun ki ksiew u Abraham, u paralok jong me, ban long ka jong ki junom.

ESRA 3:2

bad u Joshua u khun jong u Jehosadak, ki para lyngdoh jong u, bad u Serubbabel u khun jong u Shealtiel, ryngkat bad ki ba-ha-ïing jong u, ki la ïatei biang ïa ka duwan jong U Blei ki Israel, khnang ba ki lah ban thang ki jingkñia halor jong ka kat kum ki jingbthah ba la thoh ha ka Hukum u Moses, u briew jong U Blei.

EKSODOS 17:15

U Moses u la tei ïa ka duwan bad u ai kyrteng ïa ka “U Trai u long ka Lama jong nga.”

EKSODOS 24:4

U Moses u thoh ïa ki hukum baroh jong U Trai. Dang step phyrngab ha ka sngi kaba bud, u tei ïa ka duwan ha trai jong u lum, bad u pynïeng ruh khat-ar tylli ki maw, uwei u maw na ka bynta kawei kawei ka jait Israel.

EKSODOS 32:13

Kynmaw ïa u Abraham, u Isaak, bad u Jakob, ki shakri jong me. Kynmaw ïa ka jingkular bakyntang kaba me la pynlong bad ki ban ai ha ki ïa ki khun ki ksiew kiba bun kat ki khlur ha sahit bneng, bad ban ai ha ki khun ki ksiew jong ki ïa kata ka ri baroh kaba me la kular ba kan long ka jingïohkynti jong ki junom.”

EKSODOS 33:1

U Trai u la ong ha u Moses, “Khie ïamihnoh nangne, ma me bad ki paidbah kiba me la ïalam na ka ri Ijipt, bad leit sha kata ka ri ïa kaba nga la kular ban ai ha u Abraham, u Isaak, bad u Jakob, bad ha ki khun ki ksiew jong ki.

EKSODOS 6:3

Nga la mihpaw ha u Abraham, ha u Isaak, bad ha u Jakob, kum U Blei Badonbor Baroh, hynrei ngam shym la pynithuh ïa lade ha ki da ka kyrteng bakhuid jong nga, U Trai.

EKSODOS 6:4

Nga la pynlong ruh ka jutang bad ki, da kaba kular ban ai ha ki ïa ka ri Kanaan, ka ri ha kaba ki la shong la sah kum ki sohshnong.

JEREMAÏAH 3:18

Ka Israel kan ïasoh bad ka Judah, bad ryngkat lang kin ïawan na ka jingshah ringmraw ha ka ri kaba shatei bad kin wan phai sha ka ri kaba nga la ai ha ki kpa tymmen jong phi kum ka jingdon jingem kaba neh.”

JINGKHEIÑ 26:53

“Ïasam ïa kata ka ri hapdeng kita ki jait kat kum ka jingbun briew jong ki.

JINGKHEIÑ 32:11

‘Nga smai ba namar kim shym la kohnguh ïa nga, uwei ruh na ki rangbah uba arphew snem lane kham heh uba la wan na Ijipt un ym ïohrung sha ka ri kaba nga la kular ha u Abraham, u Isaak, bad u Jakob.’

KI KAM 7:5

U Blei, mynkata, um shym la ai ha u Abraham ïa kano kano ka bynta jong ka kum ka jong u hi, ym wat shi mitar sawdong jong ka khyndew, hynrei U Blei u la kular ban ai ïa ka ha u, bad ba kan long ka jong u bad ka jong ki khun ki ksiew jong u. Ha ka por ba U Blei u la pynlong ïa kane ka jingkular, u Abraham um pat don khun.

Ka Shithi U Paul Sha Ki Nong Rom 9:8

Kane ka mut ba ki khun ba la kha kat kum ka rukom, kim dei ki khun jong U Blei; hynrei, ïa ki khun ba la kha kat kum ka jingkular U Blei, la ñiew kum ki nonghiarpateng bashisha.

GALATIA 3:16

Mynta, U Blei u la pynlong ïa ki jingkular jong u ha u Abraham bad ha u nonghiarpateng jong u. Ka Jingthoh Bakhuid kam shym pyndonkam da ki kyntien “ki nonghiarpateng,” kaba thew shibun ki briew, hynrei ka pyndonkam da ka kyntien “u nonghiarpateng,” kaba mut tang uwei u briew, kaba mut U Khrist.

GALATIA 4:28

Mynta, ma phi, ki parabangeit jong nga, phi long ki khun U Blei na ka jingkular jong u, kumba ka la long bad u Isaak.

DEUTERONOMI 1:8

Kane baroh ka long kata ka ri kaba nga U Trai nga la kular ban ai ha ki kpa tymmen jong phi, u Abraham, u Isaak, bad u Jakob, bad ha ki khun ki ksiew jong ki. Khie leit kam kynti ïa ka.’ ”

DEUTERONOMI 30:20

To ieit ïa U Trai U Blei jong phi, kohnguh bad ïaineh ha u; te ma phi bad ki khun ki ksiew jong phi phin im slem ha kata ka ri ba u la kular ban ai ha ki kpa tymmen jong phi, u Abraham, u Isaak, bad u Jakob.”

DEUTERONOMI 34:4

Nangta U Trai u ong ha u Moses, “Kane ka long kata ka ri ba nga la kular ïa u Abraham, u Isaak, bad u Jakob ban ai ha ki khun ki ksiew jong ki. Nga la shah ïa me ban ïohi ïa ka, hynrei ngan ym shah ba men leit shata.”

DEUTERONOMI 6:10

“Kumba U Trai U Blei jong phi u la kular ïa ki kpa tymmen jong phi, u Abraham, u Isaak, bad u Jakob, un ai ha phi ïa ka ri kaba don ki shnong kiba heh bad kiba pahuh pahai kiba phim shym la tei.

DEUTERONOMI 9:5

Ym dei namar ka hok jong phi ne ka jinglong beit ha ka dohnud ba phin ïohkynti ïa ka ri jong ki, hynrei ka long namar ka jingbymman jong kita ki jaitbynriew ba U Trai U Blei jong phi u la beh krad ïa ki na khmat jong phi; ba un pynskhem ïa la ka kular ba u la ai ha ki kpa tymmen jong phi, u Abraham, u Isaak, bad u Jakob.

HEBRU 11:13

Dei ha ka jingngeit ba kine ki briew baroh ki la ïap. Kim shym la ïohpdiang ïa kiei kiei ïa kiba U Blei u la kular, hynrei na sha jngai ki ïohi ïa ki bad ki pdiang sngewbha ïa ki, bad ki la pynbna paidbah ba ki la long ki nongwei bad ki sohshnong ha kane ka pyrthei.

HEBRU 11:8

Dei ka jingngeit kaba pynlong ïa u Abraham ban kohnguh haba U Blei u la khot ïa u ban leit sha ka ri kaba U Blei u la kular ban ai ha u. U la mihnoh na la ka ri khlem tip shano ba un leit.

JOSHUA 1:6

Kut jingmut triang bad long skhem, namar men long u nongïalam jong kine ki briew katba ki shim kynti ïa kane ka ri ïa kaba nga la kular ha ki kpa tymmen jong ki.

JOSHUA 22:10

Haba ki jait Reuben, Gad, bad Manasseh ba sha Mihngi ki la poi ha Geliloth, kaba dang dei ha ka liang sepngi jong ka Jordan, ki la tei hangta ka duwan kaba khraw bad kaba ishongkun harud ka wah.

JOSHUA 8:30

Nangta u Joshua u tei ha u Lum Ebal ïa ka duwan ha U Trai, U Blei ki Israel.

NONGBISHAR 6:24

U Gideon u tei hangta ka duwan ïa U Trai bad u khot kyrteng ïa ka, “U Trai u long ka Jingsuk.” (Ka dang ïeng ha Ophrah, kaba dei jong ki kur jong u Abieser.)

1 SAMUEL 7:17

Nangta u ju leit pat sa sha la ïing ha Ramah, hangta ruh u ju shakri kum u nongbishar. Ha Ramah u la tei ïa ka duwan ha U Trai hangta.