JENESIS 12:2 - Khasi CL Bible (BSI)

² Ngan ai ïa me bun ki khun ki ksiew, bad kin sa long ka jaitbynriew kaba khraw. Ngan kyrkhu ïa me bad ngan pyndonnam ïa ka kyrteng jong me, ba kumta men sa long ka jingkyrkhu.

KA BAIBL

² bad ngan pynlong na me ïa ka jaid bynriew kaba khraw, bad ngan kyrkhu ïa me, bad ngan pynkhraw ïa ka kyrteng jong me; me ruh men long ka jingkyrkhu:

JENESIS 12:2 ပူးပေါင်းရင်းမြစ်များ

JENESIS 13:16

Ngan ai ha me bun ki khun ki ksiew ba yn ym don mano mano ba lah ban ñiew ïa ki baroh; kan kham jem ban ñiew ïa ki phngit pui pui ha ka khyndew!

JENESIS 15:5

U Trai u ïalam ïa u shabar bad u ong, “Khmih ïa ka sahit bneng, bad pyrshang ñiew ïa ki khlur; men ïoh bun ki khun ki ksiew kat kita.”

JENESIS 17:20

Nga la ïohsngew ïa ka jingkyrpad jong me na ka bynta u Ishmael, kumta ngan kyrkhu ïa u bad ngan ai ha u shibun ki khun ki ksiew. Un long u kpa jong ki khat-ar ngut ki khun syiem, bad ngan pynlong ka jaitbynriew kaba khraw na ki khun ki ksiew jong u.

JENESIS 18:18

Ki khun ki ksiew jong u kin long ka jaitbynriew kaba khraw bad kaba donbor, bad da u ngan kyrkhu ïa ki jaitbynriew baroh.

JENESIS 18:19

Nga la jied ïa u khnang ba un hukum ïa la ki khun shynrang bad ïa ki khun ki ksiew jong u ba kin kohnguh ïa nga bad ban leh ïa kata kaba dei bad kaba hok. Lada ki leh kumta, ngan leh lut ïa kata kaba nga la kular ha u.”

JENESIS 19:29

Hynrei haba U Blei u la pynjot ïa ki nongbah jong kata ka them ha kaba u Lot u shong shnong, u la buh jingkynmaw ïa u Abraham, bad u la ailad ïa u Lot ban lait im.

JENESIS 24:1

U Abraham u la tymmen bha, bad U Trai u la kyrkhu ïa u ha kiei kiei baroh kiba u leh.

JENESIS 24:35

“U Trai u la kyrkhu kyrhai ïa u kynrad jong nga bad u la pynlong ïa u, u briew uba riewspah. U la ai ha u ki kynhun langbrot bad blang, ki masi, ka rupa, ka ksiar, ki mraw shynrang bad kynthei, ki ut bad ki kada.

JENESIS 25:11

Hadien ka jingïap jong u Abraham, U Blei u la kyrkhu ïa u Isaak u khun jong u, uba sah hajan “Ka Pukri jong Uta Uba Im Uba Ïohi Ïa Nga.”

JENESIS 26:3

To shong to sah hangne, bad ngan long lem bad me, bad ngan kyrkhu ïa me. Ngan sa ai ïa kane ka ri baroh ha me bad ha ki khun ki ksiew jong me. Ngan bat ïa la ka kular kaba nga la pynlong ha u Abraham u kpa jong me.

JENESIS 26:4

Ngan ai ha me ïa ki khun ki ksiew kat ki khlur ha ka sahit bneng, bad ngan ai ha ki ïa kane ka ri baroh. Ki jaitbynriew baroh kin kyrpad ïa nga ba ngan kyrkhu ïa ki kumba nga la kyrkhu ïa ki khun ki ksiew jong me.

JENESIS 27:29

To ai ba ki jaitbynriew kin long ki shakri jong me, bad ki briew kin dem khrup ha khmat jong me. To men synshar halor ki kur ki jait jong me baroh, bad to ai ba ki khun ki ksiew ka kmie jong me kin dem khrup ha khmat jong me. Ai ba kito kiba tim ïa me kin long kiba la tim bad ai ba kito kiba me kyrkhu kin long kiba la kyrkhu.”

JENESIS 28:14

Kin man bun kum ki phngit pui pui ha ka khyndew. Kin pynïar ïa la u pud u sam ha ki liang baroh; bad da me bad ki khun ki ksiew jong me ngan kyrkhu ïa ki jaitbynriew baroh.

JENESIS 35:11

Bad U Blei u ong ha u, “Nga long U Blei Badonbor Baroh. To nang ïoh bun ki khun ki kti. Ki jaitbynriew kin hiarpateng na me, bad men long u kpa tymmen jong ki syiem.

JENESIS 46:3

“Nga long U Blei, U Blei jong u kpa jong me,” u ong. “Wat sheptieng ban leit hiar sha Ijipt; hangta ngan pynlong ïa ki khun ki ksiew jong me ka jaitbynriew kaba khraw.

2 SAMUEL 7:9

Nga la don ryngkat bad me kat shaba me leit, bad nga la jop ïa ki nongshun jong me baroh katba me nang ïaid shaphrang. Ngan pynlong ïa me uba pawnam kat ki nongïalam kiba khraw tam ha ka pyrthei.

1 SYIEM 1:47

Nalor kata, ki rangbah synshar ka ïingbishar ki la leit bad ai ka jingñiewburom jong ki ïa u Syiem Kynrad, u Syiem Dabid bad ki ong, ‘To U Blei jong phi un pynlong ïa u Solomon uba kham pawnam ban ïa phi, bad ai ba ka jingsynshar jong u Solomon kan long kaba man roi shibun ban ïa ka jong phi.’

Ka Kitab U Job 35:8

U dei u parabriew jong me uba shahshitom na ki pop jong me, bad kaba bha kaba me leh ka ïarap ïa u.

SALM 107:38

U kyrkhu ïa ki briew jong u, bad ki don bun ki khun ki kti; u pynlong ba ki jingri jingdup jong ki kin ym duna.

EKSODOS 1:7

hynrei ki khun ki ksiew jong ki, ki la ïaroi shikatdei eh; ki la nang bun nang bun, bad ki la nang khlaiñ haduh ba kata ka ri ka la khapngiah da ki.

EKSODOS 32:10

Mynta, wat pyrshang ban pynsangeh ïa nga. Nga bitar ïa ki, bad ngan pynjot thiaw ïa ki. Nangta ngan pynlong ïa me bad ïa ki khun ki ksiew jong me ka jaitbynriew kaba khraw.”

ISAÏAH 51:2

Puson halor u kpa tymmen jong phi, u Abraham, bad ka Sarah, na kiba phi hiarpateng. Mynba nga la khot ïa u Abraham, u la long uba khlem khun, hynrei nga la kyrkhu ïa u bad nga la ai ki khun ïa u; Nga la pynroi ïa ki khun ki ksiew jong u.

ESEKIEL 34:26

“Ngan kyrkhu ïa ki bad ngan shah ïa ki ban shong ban sah ha sawdong u lum bakyntang jong nga. Hangta ngan kyrkhu ïa ki da kaba pynhap ïa u 'lap praw haba ki donkam ïa u.

MIKAH 7:20

Men pyn-i ïa ka jingïaineh jong me bad ka jingieit baneh ha la ki briew, ki khun ki ksiew jong u Abraham bad jong u Jakob, kumba me la kular ïa ki kpa tymmen jong ngi la slem bah.

SEKHARAÏAH 8:13

Ko ki paid Judah bad Israel! Ha ki por ba-mynshuwa ki nongwei ki ïatim iwei ïa iwei pat da kaba ong, ‘Ai ba kijuh ki jingpynjot kiba la hap ha Judah bad Israel kin hap halor jong phi!’ Hynrei ngan pynim ïa phi, bad nangta kito ki nongwei kin ong iwei ïa iwei pat, ‘Ai ba phin ïohpdiang ïa kijuh ki jingkyrkhu kiba la wan ha ka Judah bad Israel!’ Kumta to long shlur bad wat sheptieng.”

JINGKHEIÑ 14:12

Ngan phah ka jingïapthem bad pynjot thiaw ïa ki, hynrei ïa me ngan pynlong u kpa ka jaitbynriew kaba kham khraw bad kham khlaiñ ban ïa ki!”

JINGKHEIÑ 22:12

U Blei u ong ha u Balaam, “Wat leit bad ki, bad wat buh ka jingtim halor ki paid Israel, namar ki don ïa ka jingkyrkhu jong nga.”

JINGKHEIÑ 23:20

Ïa nga la bthah ban kyrkhu, Bad haba U Blei u kyrkhu, ngam lah ban pynkylla da kumwei pat.

Ka Shithi U Paul Sha Ki Nong Rom 4:11

Ïa u la otsher hadien, bad ka jingotsher ïa u ka la long ka dak ban pyn-i ba namar ka jingngeit jong u, U Blei u la pdiang ïa u kum uba hok shuwa ban otsher ïa u. Bad kumta u Abraham u long u kpa ba kynja mynsiem jong baroh kiba ngeit ha U Blei bad ïa kiba la pdiang kum kiba hok da u, wat la ïa ki ym shym la otsher.

GALATIA 3:14

U Khrist u la leh ïa kane khnang ba ka jingkyrkhu kaba U Blei u la kular ha u Abraham kan ïoh wan ha ki Jentil da U Khrist Jisu, khnang ba lyngba ka jingngeit ngin ïohpdiang ïa U Mynsiem ba la kular da U Blei.

GALATIA 3:7

Phi dei ban sngewthuh te, ba ki khun ki ksiew bashisha jong u Abraham ki long ki briew kiba don ka jingngeit.

DEUTERONOMI 26:5

nangta, hangta ha khmat ka jingdon ryngkat U Trai phin ong ïa kine ki ktien: ‘U kpa tymmen jong nga u dei u nong Aram uba ïaidwir, uba la leit ïalam ïa la ki ba-ha-ïing ha-sem sha Ijipt ban shong ban sah. Ki ïadon tang khyndiat eh mynba ki ïadon hangta, hynrei ki la man long ka jaitbynriew kaba bun paid bad kaba khrawbor.