JENESIS 12:18 - Khasi CL Bible (BSI)

¹⁸ Nangta u syiem u la khot ïa u Abram, bad u kylli ïa u, “Me leh aïu ïa nga? Balei mem shym la ïathuh ïa nga ba ka dei ka tnga jong me?

KA BAIBL

¹⁸ Te u Pharaoh u la khot ïa u Abram, bad u la ong, “Kaei kane ba me la leh ïa nga? Balei mem shym la ïathuh ha nga ba ka la long ka tnga jong me?

JENESIS 12:18 ပူးပေါင်းရင်းမြစ်များ

JENESIS 12:19

Balei me ong ba ka dei ka para jong me, bad shah ïa nga ban shim ïa ka kum ka tnga jong nga? Kane hangne ka tnga jong me; shim noh ïa ka bad khie mihnoh.”

JENESIS 20:3

Ha kawei ka miet, U Blei u mihpaw ha u ha ka jingphohsniew, bad u ong ha u, “Men sa ïap, namar me la shim ïa kane ka briew; ka la dep shongkurim.”

JENESIS 29:25

Dei tad ynda ka la shai mynstep ba u Jakob u shem ba ka dei pynban da ka Leah. U leit sha u Laban, bad u ong, “Balei phi leh ïa kane ha nga? Nga la trei ban ïoh ïa ka Rakhel? Balei phi la shukor ïa nga?”

JENESIS 3:13

Te U Trai U Blei u ong ha kata ka briew, “Balei pha leh ïa kane?” Ka jubab, “Uta u bseiñ u la pynbieit ïa nga ban bam ïa u.”

JENESIS 31:26

U Laban u ong ïa u Jakob, “Balei me shukor ïa nga bad ïalam noh ïa ki khun kynthei jong nga la kum ïa ki kynthei kiba shah kem ha ka thma?

JENESIS 4:10

Bad U Trai u ong, “Balei me leh ïa kane ka kam kaba shyrkhei? Ka snam u para jong me ka ud ha nga na khyndew kum ka sur kaba khot ïa ka jingpynhiarkput.

JENESIS 44:15

Ki la dem ngon ha khmat jong u, bad u Joseph u ong, “Kaei kane kaba phi la leh? Phim tip ba u briew uba ha ka kyrdan jong nga u lah ban lap ïa phi da ka kheiñ ka bishar?”

2 SAMUEL 3:24

Kumta u Joab u leit sha u syiem bad u ong ha u, “Kaei kane kaba phi la leh? U Abner u la wan sha phi — balei phi shah ba un shu leit kumto?

EKSODOS 32:21

U ong ruh ha u Aaron, “Aïu kine ki briew ki la leh ïa phi, haduh ba phi la pynlong ïa ki ban leh ïa ka pop kaba ishyrkhei kat kane?”

PROBERB 21:1

U Trai u pynïaid ïa ka jingmut jong u syiem kham suk kumba u pynïaid ïa ka lynti ka wahduid.

JOSHUA 7:19

U Joshua u ong ha u, “Ko khun shynrang jong nga, ïathuh ïa ka jingshisha hangne ha khmat U Trai, U Blei ki Israel, bad phla. Ïathuh ha nga mynta ïa kaei kaba me la leh. Wat pyrshang ban buhrieh ïa ka na nga.”

NONGBISHAR 2:2

Phim dei ban ïateh jutang bad ki briew kiba shong ha kane ka ri. Phi dei ban pynpra ïa ki duwan jong ki.’ Hynrei phim shym la leh ïa kaei kaba nga la bthah ïa phi. Phi la leh pynban ïa kaba pyrshah!

1 SAMUEL 14:43

Nangta u Saul u kylli ïa u Jonathan, “Me la leh aïu?” U Jonathan u jubab, “Nga la bam khyndiat ka ngap da u dieng uba nga rah. Nga don hangne — nga la kloi ban ïap.”