JENESIS 12:16 - Khasi CL Bible (BSI)

¹⁶ Namar jong ka, u syiem u la lehbha ïa u Abram bad u la ai ha u ki kynhun langbrot bad ki blang, ki masi, ki kada, ki mraw bad ki ut.

KA BAIBL

¹⁶ Te uta u la leh bha ïa u Abram na ka bynta jong ka: bad u la ïoh ki langbrot, bad ki masi, bad ki kadda shynrang, bad ki shakri shynrang, bad ki shakri kynthei, bad ki kadda kynthei, bad ki ut.

JENESIS 12:16 ပူးပေါင်းရင်းမြစ်များ

JENESIS 13:2

U Abram u la long uba riewspah shibun, ha ka jingdon ïa ki langbrot bad ki blang, kumjuh ruh ha ka jingdon ïa ka rupa bad ka ksiar.

JENESIS 13:6

Kumta ka jaka bam phlang kam biang ïa ki baroh ar ngut ban ïasah ryngkat, namar ba ki don shibun eh ki jingri.

JENESIS 16:1

Ka tnga u Abram ka Sarai, kam shym la ïoh khun satia. Hynrei ka la don bad ka, kawei ka mraw na Ijipt kaba kyrteng ka Hagar, bad kumta ka ong ha u Abram, “U Trai u la khang ïa nga ban ïoh khun.

JENESIS 20:14

Te u Abimelekh u pynphai pat ïa ka Sarah ha u Abraham, bad ha kajuh ka por u la ai ha u ïa ki langbrot, ki masi, bad ki mraw.

JENESIS 24:35

“U Trai u la kyrkhu kyrhai ïa u kynrad jong nga bad u la pynlong ïa u, u briew uba riewspah. U la ai ha u ki kynhun langbrot bad blang, ki masi, ka rupa, ka ksiar, ki mraw shynrang bad kynthei, ki ut bad ki kada.

JENESIS 26:14

Namar ba u don shibun ki kynhun langbrot bad ki kynhun masi, bad bun ngut ki shakri, ki Philistia ki la bishni ïa u.

JENESIS 30:43

Ha kane ka rukom u Jakob u kylla long uba riewspah eh. U la don shibun ki kynhun jingri, ki mraw, ki ut, bad ki kada.

JENESIS 32:5

Nga don ki masi, ki kada, ki langbrot, ki blang, bad ki mraw. Nga phah ktien sha phi ko kynrad da ka jingkyrmen ba ïoh ïa ka jingsngewbha jong phi.”

Ka Kitab U Job 1:3

U don ruh shibun ngut ki shakri bad u la long u briew bariewspah tam ha ka ri Mihngi.

Ka Kitab U Job 42:12

U Trai u la kyrkhu ïa ka bynta kaba khatduh jong ka jingim u Job kham palat ban ïa kaba u la kyrkhu ha kaba mynnyngkong. U Job u long trai ïa ki khatsaw hajar tylli ki langbrot, hynriew hajar tylli ki ut, ar hajar tylli ki masi, bad shihajar tylli ki kada.

LOUKAS 12:45

Hynrei lada uta u shakri u ong ha lade ba u kynrad jong u, u shim por slem ban wan phai bad lada u sdang ban shoh ïa kiwei pat ki shakri, shynrang bad kynthei, bad bam bad dih bad buaid,