JENESIS 12:13 - Khasi CL Bible (BSI)

¹³ Ïathuh ïa ki ba pha dei ka para jong nga; khnang ba na ka bynta jong pha kin shah ïa nga ban im bad lehbha ïa nga.”

KA BAIBL

¹³ To ïathuh, nga kyrpad ïa pha, ba pha long ka para jong nga: ba kan long bha ïa nga na ka bynta jong pha; bad ba ngan ïoh im ka mynsiem na ka bynta jong pha.”

JENESIS 12:13 ပူးပေါင်းရင်းမြစ်များ

JENESIS 11:29

U Abram u la shongkurim ïa ka Sarai, bad u Nahor u la shongkurim ïa ka Milkah, ka khun jong u Haran, uba long ruh u kpa jong ka Iskah.

JENESIS 12:14

Haba u la rung sha ka ri Ijipt, ki nong Ijipt ki la ïohi ba ka tnga jong u ka la long kaba bhabriew.

JENESIS 20:2

Hadien, katba u dang shong ha Gerar, u la ong ba ka tnga jong u, ka Sarah ka dei ka para jong u. Te u Abimelekh jong ka Gerar u la phah ban wallam ïalam ïa ka Sarah sha u.

JENESIS 20:5

U Abraham hi u la ong ba ka dei ka para jong u, bad ka ruh ka ong kumjuh. Nga la leh ïa kane da ka jingïatiplem kaba sngur, bad ngam shym la leh bakla.”

JENESIS 26:7

Haba ki briew hangta ki kylli shaphang ka tnga jong u, u jubab ba ka dei ka para jong u. Um shym ïathuh ba ka dei ka tnga jong u, namar u sheptieng ïoh ba ki briew hangta kin pynïap ïa u ban ïoh ïa ka Rebekka, kaba long kaba bhabriew eh.

ISAÏAH 57:11

U Trai u ong, “Kiei kine ki blei kiba pynsheptieng ïa phi, kumta ba phi ïathuh ïa nga ïa kaba lamler bad klet syndon ïa nga? Hato phim shym la ai burom shuh ïa nga namar ba nga la shu sngap la slem bah?

JEREMAÏAH 38:17

Te nga la ong ha u Sedekaïah ba U Trai Badonbor Baroh, U Blei ki Israel, u la ong, “Lada phi pyndem ha ki rangbah pynïaidkam jong u syiem ka Babilonia, ïa ka jingim jong phi yn tyngkai, bad ïa kane ka nongbah yn ym thang noh. Ïa phi bad ïa ka longïing jong phi yn pyllait im.

JEREMAÏAH 38:20

Nga la ong, “Yn ym aiti noh ïa phi sha ki. Nga kyrpad ïa phi ban kohnguh ïa ka khubor U Trai; te baroh kan bha ïa phi, bad ïa ka jingim jong phi yn pynsah.

ESEKIEL 18:4

Ka jingim jong uwei pa uwei u briew ka dei ka jong nga, ka jingim jong ka kmie, u kpa bad kumjuh ruh ka jong i khun. U briew uba leh pop u dei uta u ban ïap.

ÏOANNIS 8:44

Phi, phi long ki khun jong u kpa jong phi, u Ksuid, bad phi da kwah ban bud ïa kiba u kpa jong phi u sngewbha. Naduh kaba mynnyngkong u la long u nongpynïap briew bad um ju ïeng ha ka liang jong ka jingshisha, namar ha u kam don ka jingshisha. Haba u ïathuh ïa ka jingshukor, u leh ïa kaei kaba long tynrai ha u, namar u long uba lamler bad u kpa ki jingshukor baroh.

Ka Shithi U Paul Sha Ki Nong Rom 6:23

Naba ka pop ka siew ïa la ka bainong — ka jingïap; hynrei ka jingaiei jong U Blei ka long ka jingim bymjukut ha U Khrist Jisu uba U Trai jong ngi.

KOLOSSAI 3:6

Namar kiba kum kine kiei kiei, ka jingbitar jong U Blei ka wan ha kito ki bymkohnguh ïa u.