JENESIS 11:7 - Khasi CL Bible (BSI)

⁷ Ïa, ngin ïaleit hiar bad pynkhleh ïa ka ktien jong ki, ba kumta kin ym ïasngewthuh shuh iwei ïa iwei pat.”

KA BAIBL

⁷ Ïa, ngin ïaleit hiar, bad ngin ïa-pynbakla ïa ka ktien jong ki hangta, ba kin ym ïasngewthuh shuh ïa ka ktien paralok hi.”

JENESIS 11:7 ပူးပေါင်းရင်းမြစ်များ

JENESIS 1:26

Nangta U Blei u la ong, “Mynta pat ngin ïathaw ïa ki briew; kin long kum ma ngi bad syriem ïa ngi. Kin don ka bor halor ki dohkha, ki sim, bad ki mrad baroh, ki jingri ne ki mradkhlaw, kiba rit bad kiba heh.”

JENESIS 10:20

Kine keiñ ki long ki khun ki ksiew jong u Ham kiba shong ha ki ri kiba pher bapher, bad ha la ka jait ka jait kaba kren ïa la ka jong ka jong ka ktien.

JENESIS 10:32

Kine ki briew baroh ki long ki khun ki ksiew jong u Noah, ha la ka jait ka jait, kat kum la ki jingkheiñ jait bapher bapher ha ka jinghiarpateng. Hadien ka jingshlei um, baroh ki jaitbynriew ha ka pyrthei ki hiarpateng na ki khun shynrang jong u Noah.

JENESIS 10:5

Kine ki long ki khun ki ksiew jong u Japheth, kiba shong ha ki ri kiba pher bapher, bad ha la ka jait ka jait kaba kren ïa la ka jong ka jong ka ktien.

JENESIS 11:5

Nangta U Trai u la wan hiar ban khmih ïa kata ka nongbah bad ïa uta u mot uba ki la lah tei,

JENESIS 3:22

Te U Trai U Blei u ong, “Mynta kine ki briew ki la kylla long kum ma ngi bad ki la don ka jingtip ïa kaba bha bad ïa kaba sniew. Ym dei ban shah ïa ki ban kheit ïa u soh na u dieng ba ai jingim, ban bam ïa u, bad ban im junom.”

JENESIS 42:23

Kim shym tip ba u Joseph u sngewthuh aïu ki ong, namar ki ïakren bad u da ka jingïarap u nongbatai ktien.

Ka Kitab U Job 12:20

U pynsngap jar ïa kito ki lah ban shaniah, bad u shim noh ïa ka jingstad jong ki riewtymmen.

SALM 2:4

Na ka khet jong u ha bneng U Trai u rkhie u rkhiebeiñ ïa ki jingthmu batlot jong ki.

SALM 33:10

U Trai u pyndiaw ïa ki jingthmu ki jaitbynriew; um shah ïa ki ban pyntreikam ïa ki jingthmu jong ki.

SALM 55:9

To pynkulmar ïa ka jingkren ki nongshun jong nga, A Trai! Nga ïohi ïa ka jinglehbor bad ka jingïakhih ha ka nongbah,

EKSODOS 4:11

U Trai u la ong ha u, “Uei uba ai ha u briew ïa ka shyntur? Uei uba pynlong ïa u uba kyllut ne u bymnang kren? Uei uba ai ha u ïa ka jingïohi ne pynlong ïa u, uba matlah? Dei ma nga, U Trai.

ISAÏAH 33:19

Phin ym ïohi shuh ïa ki nongwei kiba hangamei kiba kren da ka ktien kaba phim sngewthuh.

ISAÏAH 6:8

Nangta nga la ïohsngew ba U Trai u ong, “Ïano ngan phah? Mano ban long u nonglamktien jong ngi?” Nga la jubab, “Ngan leit! To phah ïa nga!”

JEREMAÏAH 5:15

Ko ki paid Israel, U Trai u wallam ka jaitbynriew na sha jngai ban tur ïaleh ïa phi. Ka long ka jaitbynriew kaba khlaiñ bad kaba la rim, ka jaitbynriew kaba ïa ka ktien jong ka phim tip.

1 KORINTH 14:23

Namarkata lada, ka balang baroh kawei ka ïaseng lang bad baroh ki sdang ban kren da ki thylliej bapher — bad lada ki riewpaidbah lane ki bymngeit ki rung hapoh, hato kin nym ong ba phi la ïalamwir?

DEUTERONOMI 28:49

U Trai un phah ïa ka jaitbynriew na kaba kut ka pyrthei pyrshah ïa phi, ka jaitbynriew kaba ka ktien ka thylliej jong ka phin ym sngewthuh. Kin wan hiar kynsan ha phi kumba suh u pukni.