JENESIS 10:32 - Khasi CL Bible (BSI)

³² Kine ki briew baroh ki long ki khun ki ksiew jong u Noah, ha la ka jait ka jait, kat kum la ki jingkheiñ jait bapher bapher ha ka jinghiarpateng. Hadien ka jingshlei um, baroh ki jaitbynriew ha ka pyrthei ki hiarpateng na ki khun shynrang jong u Noah.

KA BAIBL

³² Te kine ki long ki ïing ki khun shynrang jong u Noah, ha la ki jingkha pateng, ha la ki jaid ki jaid bynriew; bad da kine keiñ la pynïabynta ïa ki jaid bynriew ha ka pyrthei hadien kata ka jingshlei.

JENESIS 10:32 ပူးပေါင်းရင်းမြစ်များ

JENESIS 10:1

Kine ki long ki khun ki ksiew na u Shem, u Ham, bad u Japheth, ki khun shynrang jong u Noah. Kine lai ngut ki la ïoh khun shynrang hadien kata ka jingshlei um.

JENESIS 10:20

Kine keiñ ki long ki khun ki ksiew jong u Ham kiba shong ha ki ri kiba pher bapher, bad ha la ka jait ka jait kaba kren ïa la ka jong ka jong ka ktien.

JENESIS 10:25

U Eber u la ïoh ar ngut ki khun shynrang: ka kyrteng jong uwei ka long u Peleg, namar dei ha ki sngi jong u ba la pynïakhlad ïa ki briew ha ka pyrthei, bad ka kyrteng jong u para jong u pat ka long u Joktan.

JENESIS 10:31

Kine ki long ki khun ki ksiew na u Shem, kiba shong ha ki ri kiba pher bapher, bad ha la ka jait ka jait kaba kren ïa la ka jong ka jong ka ktien.

JENESIS 10:5

Kine ki long ki khun ki ksiew jong u Japheth, kiba shong ha ki ri kiba pher bapher, bad ha la ka jait ka jait kaba kren ïa la ka jong ka jong ka ktien.

JENESIS 11:1

Ha kaba nyngkong, ki briew ha ka pyrthei baroh ki la don tang kawei ka ktien ka thylliej bad pyndonkam ïa kijuh ki kyntien.

JENESIS 9:1

U Blei u la kyrkhu ïa u Noah bad ïa ki khun shynrang jong u, bad u ong ha ki, “To phin ïoh bun ki khun ki kti, ba ki khun ki ksiew jong phi kin sah ha kylleng ka pyrthei.

JENESIS 9:19

Kine lai ngut ki khun u Noah ki long ki kpa tymmen jong ki briew baroh ha ka pyrthei.

JENESIS 9:7

“To phin ïoh bun ki khun ki kti, ba ki khun ki ksiew jong phi kin sah ha kylleng ka pyrthei.”

Ka Kitab U Job 15:19

Ym don nongwei ha ka ri jong ki; ym don u ban ïalam jngai ïa ki na U Blei.

KI KAM 17:26

Na uwei u briew u la thaw ïa ki jaitbynriew baroh ha ka pyrthei bad u la pynlong ïa ki ban shong ban sah ha kylleng ka pyrthei. U hi da lade u la pynskhem lypa ïa ki por kiba biang bad ïa ki pud jong ki jaka ha kaba kin shong kin sah.