JENESIS 1:9 - Khasi CL Bible (BSI)

⁹ Nangta U Blei u la hukum, “Ai ba ka um kaba hapoh ka sahit bneng kan lang shi jaka khnang ba ka ryngkew kan paw” — bad la pyndep ïa ka.

KA BAIBL

⁹ U Blei u la ong ruh, “To long ba kin ïalang sha kawei ka jaka kita ki um kiba hapoh ka bneng, bad to ai kan paw ka ryngkew:” te ka la long kumta keiñ.

JENESIS 1:9 ပူးပေါင်းရင်းမြစ်များ

JENESIS 1:8

U la khot kyrteng “Ka Sahit bneng” ïa ka lyngngun haw haw. Ka janmiet ka la leit bad ka step ka la wan — kata ka la long ka sngi kaba ar.

NEHEMAÏAH 9:6

Bad nangta ki Israel ki duwai ïa kane ka jingduwai: “Ma me, Ko Trai, tang ma me hi marwei me long U Trai; me thaw ïa ki bneng bad ki khlur jong ka sahit bneng. Me thaw ïa ka ryngkew bad ïa ka duriaw bad baroh kiba don ha ki; me ai jingim ïa baroh. Ki bor ha bneng ki dem bad ki mane ïa me.

Ka Kitab U Job 26:10

U pynïakhlad ïa ka jingshai na ka jingdum da ka syrwiang ba la pruid dak ha khmat ka duriaw.

Ka Kitab U Job 26:7

U Blei u pyiar ha ka sahit bneng bashatei bad u sdien ïa ka pyrthei ha ka haw haw ba-thylli.

SALM 104:3

bad tei ïa ka ïing jong me halor ki um hajrong. Me pyndonkam ïa ki lyoh kum ki kali ïapom bad me shong halor ki thapniang jong ka lyer.

SALM 33:7

U lumlang ïa baroh ki duriaw-rit ha kawei ka jaka; u khang ïa ki jingjylliew ka duriaw-bah ha ki ïing jingkynshew.

SALM 95:5

U synshar halor ka duriaw, kaba u la thaw; ka khyndew ruh, kaba u hi u la pynlong.

EKLESIASTIS 1:7

Kawei pa kawei ka wah ka tuid sha ka duriaw, hynrei ka duriaw kam pat shym dap. Ka um ka wan phai sha ka jaka ha kaba ki wah ki mih, bad ki sdang biang.

JEREMAÏAH 5:22

Nga long U Trai; balei phim sheptieng ïa nga? Balei phim khynñiuh ha khmat jong nga? Nga la buh ïa u shyiap kum u pud jong ka duriaw, u pud uba neh ba kam lah ban jam palat. Ka duriaw ka lah ban kynting, hynrei kam lah ban leit palat ïa u; ki jingat phyllung ki lah ban kyrhuh, hynrei kim lah ban ksam lyngba.

JONAH 1:9

“Nga dei u Hebru,” u Jonah u la jubab. “Nga mane ïa U Trai, U Blei ka bneng, uba la thaw ïa ka khyndew bad ka duriaw.”

2 PETROS 3:5

Ki da thmu khnang ban leh klet ïa ka jingshisha ba U Blei u la ai ïa ka hukum la slem bah, bad ïa ki bneng bad ka khyndew la pynlong.

JINGPYNPAW 10:6

bad u la smai ha ka kyrteng U Blei, uba im junom la junom, uba la thaw ïa ka bneng, ïa ka khyndew, bad ïa kata ka duriaw, bad baroh kiba don ha ki. Uta u angel u la ong, “Yn ym don jingpynslem shuh!