JENESIS 1:6 - Khasi CL Bible (BSI)

^6-7 Nangta U Blei u la hukum, “To long ka lyngngun haw haw ka ban pynïakhlad ïa ka um bad buh ïa ka ha ki ar tylli ki jaka” — bad la pyndep ïa ka. Kumta U Blei u la thaw ïa ka lyngngun haw haw, bad ka la pynïakhlad ïa ka um hapoh jong ka na ka um kaba halor jong ka.

KA BAIBL

⁶ Te U Blei u la ong, “To long ka suiñbneng hapdeng kita ki um, bad to ai ba kan pynkhlad ïa ki um na ki um.”

JENESIS 1:6 ပူးပေါင်းရင်းမြစ်များ

JENESIS 1:14

Nangta U Blei u la hukum, “Ai ba ki jingshai kin paw ha sahit bneng ban pynïakhlad ïa ka sngi na ka miet, bad kin kdew ïa ka por haba ki sngi, ki snem, bad ki Jingkhawai Niam ki sdang;

JENESIS 1:20

Nangta U Blei u la hukum, “Ai ba ki um kin dap da kiba bun ki kynja jingthaw ba-im, bad ai ba ka suiñ kan dap da ki sim.”

Ka Kitab U Job 26:13

Ka dei ka jingpyrsad jong u kaba pynkhuid ïa ka suiñbneng, bad dei ka kti jong u kaba pynïap ïa u mrad kynsha uba ïaleh ban phet.

Ka Kitab U Job 37:11

Ka leilieh ka thaba na ki lyoh,

Ka Kitab U Job 37:18

Hato me lah ban ïarap ïa U Blei ban pynpyiar ïa ka sahit bneng bad pynlong ïa ka kaba eh kum ka nar ba la pynphyrnai?

SALM 104:2

me tap ïa lade da ka jingshai. Me pyiar ïa ki bneng kum ka ïingjaiñ

SALM 148:4

To ïaroh ïa u, phi ki bneng bajrong tam, bad ki um halor ka sahit bneng.

SALM 150:1

To ïaroh ïa U Trai! To ïaroh ïa U Blei ha ka Templ jong u! To ïaroh ïa ka jingkhlaiñ jong u ha bneng!

SALM 19:1

Haduh katno ka sahit bneng ka pynpaw shai kdar ïa ka burom jong U Blei! Haduh katno ka pynpaw sngur ïa kaei kaba u la leh!

SALM 19:2

Kawei pa kawei ka sngi ka pynbna ïa ka ha ka sngi kaba bud; bad kawei pa kawei ka miet ka ïai ban ïa ka ha kaba bud.

SALM 33:6

U Trai u thaw ïa ki bneng da ka hukum jong u, ïa ka sngi, u bnai bad ki khlur da ka sur kren jong u.

SALM 33:9

Haba u la kren, ïa ka pyrthei la pynlong; ha ka hukum jong u baroh ka la paw.

EKLESIASTIS 11:3

Kam pher sha kano ka liang u dieng u khyllem, un don ha ka jaka kaba u la kyllon. Haba ki lyoh ki dap, ka slap.

ISAÏAH 40:22

La thaw ïa ka da uta uba shong halor ka khet jong u shajrong ka khyndew bad sha lyndet ka sahit bneng; ki briew shapoh ki i rit tang kum ki dkhiew. U pynpyiar ïa ka suiñbneng kum ka pyrda, kum ka ïingjaiñ ha kaba yn shong.

JEREMAÏAH 10:10

Hynrei ma me, A Trai, me long U Blei bashisha, me long U Blei uba im bad u syiem bymjukut. Haba me bitar, ka pyrthei ka khynñiuh; ki jaitbynriew kim lah shah ïa ka jingbitar jong me.

JEREMAÏAH 51:15

U Trai u la thaw ïa ka khyndew da ka bor jong u; da la ka jingstad u la thaw ïa ka pyrthei bad pynïar ïa ki bneng.

SEKHARAÏAH 12:1

Kane ka dei ka khubor shaphang ka Israel na U Trai, U Trai uba la pyiar ïa ka suiñbneng, uba la thaw ïa ka pyrthei, bad uba la ai jingim ïa u briew. U ong,

2 PETROS 3:5

Ki da thmu khnang ban leh klet ïa ka jingshisha ba U Blei u la ai ïa ka hukum la slem bah, bad ïa ki bneng bad ka khyndew la pynlong.