JENESIS 1:26 - Khasi CL Bible (BSI)

²⁶ Nangta U Blei u la ong, “Mynta pat ngin ïathaw ïa ki briew; kin long kum ma ngi bad syriem ïa ngi. Kin don ka bor halor ki dohkha, ki sim, bad ki mrad baroh, ki jingri ne ki mradkhlaw, kiba rit bad kiba heh.”

KA BAIBL

²⁶ U Blei u la ong ruh, “To ngin ïathaw ïa u briew ha ka dur jong ngi, katba kum ka jingsyriem jong ngi hi; bad kin synshar halor ki dohkha ka duriaw, bad halor ki sim bneng, bad halor ki kynja mrad, bad halor ka pyrthei baroh, bad halor kiei kiei ki kynja bapar baroh ki bapar halor ka khyndew.”

JENESIS 1:26 ပူးပေါင်းရင်းမြစ်များ

JENESIS 11:7

Ïa, ngin ïaleit hiar bad pynkhleh ïa ka ktien jong ki, ba kumta kin ym ïasngewthuh shuh iwei ïa iwei pat.”

JENESIS 2:19

Kumta u la shim katto katne ka dewmet na ka khyndew bad u la thaw ïa baroh ki mrad bad ki sim. Nangta u la wallam ïa ki ha u briew ba un khmih aïu un khot kyrteng ïa ki; bad kata keiñ ka long kumno ba ki baroh ki ïoh ïa la ki kyrteng.

JENESIS 3:22

Te U Trai U Blei u ong, “Mynta kine ki briew ki la kylla long kum ma ngi bad ki la don ka jingtip ïa kaba bha bad ïa kaba sniew. Ym dei ban shah ïa ki ban kheit ïa u soh na u dieng ba ai jingim, ban bam ïa u, bad ban im junom.”

JENESIS 5:1

Kane ka dei ka thup kyrteng jong ki khun ki ksiew u Adam. (Mynba U Blei U la thaw ïa ki briew, u la thaw ïa ki ha ka dur jong U hi.

JENESIS 9:6

Ïa ki briew la thaw ha ka dur jong U Blei hi, kumta uno uno uba pynïap ïa uwei na ki, u ruh un shah pynïap ha uwei pat.

Ka Kitab U Job 35:10

Hynrei kim phai sha U Blei, u Nongthaw jong ki, uba ai jingkyrmen ïa ki ha ki kynta kiba dum.

Ka Kitab U Job 39:11

Hato me lah ban shaniah ha ka jingkhlaiñ bakhraw jong u bad khmih lynti ïa u ban trei ïa ki kam bakhia jong me?

Ka Kitab U Job 5:23

Ki lyngkha ba me pynlur kin lait na ki mawsiang; ki mradkhlaw kin ym tur ïaleh ïa me.

SALM 100:3

To pdiang ba U Trai u long U Blei! Dei ma u, uba la thaw ïa ngi, bad ngi long ki jong u; ngi long ki briew jong u, ngi long ka kynhun langbrot jong u.

SALM 149:2

To kmen, ko Israel, namar u Nongthaw jong phi; to shadkmen, ko ki briew ka Seïon, na ka bynta u syiem jong phi!

EKLESIASTIS 7:29

Kane ka long baroh kaba nga la tip: U Blei u la thaw ïa ngi kiba synlar, hynrei ngi la pynjyrthiaw shibun eh ïa lade.

JINGRWAI SOLOMON 1:11

Hynrei ngin thaw ïa phi u kynjri da ka ksiar bad ki jingpynitynnat da ka rupa.

ISAÏAH 45:18

U Trai u la thaw ïa ki bneng — U long tang ma u hi U Blei! U pynlong bad thaw ïa ka pyrthei — U thaw ïa ka kaba skhem bad kaba neh. Um shym la thaw ïa ka ban iehnoh suda, hynrei ka jaka ba ki briew kin shong kin sah. U long ma u, uba ong, “Nga long U Trai, ym don uwei pat U Blei.

ISAÏAH 6:8

Nangta nga la ïohsngew ba U Trai u ong, “Ïano ngan phah? Mano ban long u nonglamktien jong ngi?” Nga la jubab, “Ngan leit! To phah ïa nga!”

ISAÏAH 64:8

Hynrei, A Trai, me long u Kpa jong ngi. Ngi long kum ka dewbyrtha, bad me long kum u nongthaw khiew.

JEREMAÏAH 27:6

Nga long uta uba la buh ïa kine ki jaitbynriew baroh hapoh ka bor jong u shakri jong nga, u Nebukhadnessar u syiem ka Babilonia, bad nga la pynlong wat ïa ki mradkhlaw ban shakri ïa u.

ÏOANNIS 14:23

U Jisu u la jubab ïa u, “Uno uno uba ieit ïa nga un kohnguh ïa ka jinghikai jong nga. U Kpa jong nga un ieit ïa u, bad U Kpa jong nga bad ma nga ngin wan ha u bad sah hapoh jong u.

ÏOANNIS 5:17

U Jisu u la jubab ïa ki, “U Kpa jong nga u ïai trei, bad ka dei ïa nga ruh ban trei.”

KI KAM 17:20

Katto katne kiei kiei kiba ngi ïohsngew ba me kren ki long kiba sngewphylla ïa ngi, bad ngi kwah ban tip aïu ki kit jingmut.”

KI KAM 17:26

Na uwei u briew u la thaw ïa ki jaitbynriew baroh ha ka pyrthei bad u la pynlong ïa ki ban shong ban sah ha kylleng ka pyrthei. U hi da lade u la pynskhem lypa ïa ki por kiba biang bad ïa ki pud jong ki jaka ha kaba kin shong kin sah.

1 KORINTH 11:7

U briew um donkam ban tap ïa la ka khlieh, namar u pynphalang ïa ka dur bad ka burom U Blei. Hynrei ka briew ka pynphalang ïa ka burom jong u briew; naba ïa u briew ym shym la thaw ïa na ka briew, hynrei ïa ka briew na u briew.

2 KORINTH 3:18

Te, baroh na ngi, ngi phalang ïa ka burom jong U Trai da ki durkhmat ba khlem tap; bad kata kajuh ka burom, kaba wan na U Trai, uba long U Mynsiem, ka pynkylla dur ïa ngi sha ka jingïasyriem ïa u ha kata ka kyrdan kaba kham khraw jong ka burom.

2 KORINTH 4:4

Kim shym la ngeit, namar ba ïa ki jingmut jong ki la kah dum da u blei basniew jong kane ka pyrthei. U khang ïa ki ba kin ïohi ïa ka jingshai kaba tyngshaiñ ha ki, ka jingshai kaba mihnoh na kata ka Khubor Babha shaphang ka burom jong U Khrist, uba long ka dur jong U Blei.

EPHESOS 4:24

bad phi dei ban kup ïa u briew uba thymmai ïa uba la thaw ha ka dur U Blei kaba pynpaw ïa lade ha ka jingim kaba shisha kaba long kaba beit bad kaba khuid.

KOLOSSAI 1:15

U Khrist u long ka dur bapaw jong U Blei u bym lah ban ïohi. U long U Khun ba la kha nyngkong, uba hakhlieh duh jong kiei kiei baroh kiba la thaw.

KOLOSSAI 3:10

Une u long u jingthaw bathymmai uba U Blei, u Nongthaw jong u, u ïai pynthymmai ha ka dur jong u hi, khnang ban wallam ïa phi sha ka jingtip ba-pura shaphang jong u.

JAKOB 3:7

U briew u la lah ban pynjuh bad u la pynjuh ïa baroh kiwei pat ki jait jingthaw — ki mradkhlaw bad ki sim, ki mrad bapar bad ki dohkha.

JAKOB 3:9

Ngi pyndonkam ïa u ban ainguh ïa U Trai bad U Kpa jong ngi bad ban tim ruh ïa la u parabriew, ïa uba la thaw ha ka dur U Blei.

1 ÏOANNIS 5:7

Ki don lai ki sakhi: U Mynsiem, ka um bad ka snam; bad kine baroh lai ki ai ïa kajuh ka jingphla.