JENESIS 1:2 - Khasi CL Bible (BSI)

² Ka duriaw kaba khih phaloh kaba tap ïa kiei kiei baroh ka la shah tyllep ha ka jingdum ïong ngit, bad U Mynsiem U Blei u khih halor ki um.

KA BAIBL

² Bad ka pyrthei ka la long kaba khlem dur bad kaba suda, bad ka jingdum ka la long halor ka khmat ka jingjylliew, bad U Mynsiem U Blei u da khih halor ki um.

JENESIS 1:2 ပူးပေါင်းရင်းမြစ်များ

Ka Kitab U Job 26:14

Hynrei kine ki dei tang ki dak barit ïa ka bor jong u, tang ki jingpasiaw ba ngi la ïohsngew. Uei uba lah ban tip haduh katno U Blei u long shisha uba khraw?

Ka Kitab U Job 26:7

U Blei u pyiar ha ka sahit bneng bashatei bad u sdien ïa ka pyrthei ha ka haw haw ba-thylli.

Ka Kitab U Job 38:9

Dei ma nga uba la tap ïa ka duriaw da ki lyoh bad uba la sop ïa ka da ka jingdum.

Ka Kitab U Job 41:32

U ieh ka lynti baphyrnai hadien jong u bad u pynkylla ïa ka duriaw kum ka sboh sabon balieh.

SALM 104:30

Hynrei haba me ai pat ha ki ïa ka jingpyrsad jong me, la thaw ïa ki; me ai ka jingim bathymmai ïa ka pyrthei.

SALM 104:6

Me buh ïa ka duriaw-bah halor jong ka kum ka barandi, bad ka um ka tap ïa ki lumbah.

SALM 136:6

u la tei ïa ka pyrthei halor ki um bajylliew; ka jingieit jong u ka neh bymjukut.

SALM 148:7

To ïaroh ïa U Trai na ka pyrthei, phi ki mrad duriaw baheh bad baroh ki jingjylliew jong ka duriaw-bah;

SALM 33:6

U Trai u thaw ïa ki bneng da ka hukum jong u, ïa ka sngi, u bnai bad ki khlur da ka sur kren jong u.

PROBERB 8:24

La kha ïa nga shuwa ki duriaw-bah, mynba ki umpohliew kim pat don.

ISAÏAH 31:5

Kumba ka sim ka her tawiar halor ka skum jong ka ban ïada ïa ki khun rit jong ka, kumta ruh ma nga, U Trai Badonbor Baroh, ngan ïada ïa ka Jerusalem bad kyrshan ïa ka.”

ISAÏAH 45:18

U Trai u la thaw ïa ki bneng — U long tang ma u hi U Blei! U pynlong bad thaw ïa ka pyrthei — U thaw ïa ka kaba skhem bad kaba neh. Um shym la thaw ïa ka ban iehnoh suda, hynrei ka jaka ba ki briew kin shong kin sah. U long ma u, uba ong, “Nga long U Trai, ym don uwei pat U Blei.

JEREMAÏAH 4:23

Nga la khmih ha ka pyrthei — ka la long ka jingsep ei suda, ha ka sahit bneng — ym don kano kano ka jingshai.

NAHUM 2:10

Ïa ka Ninebeh la pynjot, la iehnoh, kaba kynjah! Ki dohnud ki um da ka jingsheptieng; ki khohsiew ki khynñiuh, ka jingkhlaiñ ka la jah noh; ki durkhmat ki la kylla lieh blaid blaid.

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.

DEUTERONOMI 32:11

Kumba ka pukni ka hikai her ïa la ki khun, bad ka pyiar la ki thapniang ban kyrshan ïa ki, kumta ruh U Trai u kyrshan ïa ki Israel ba kin ym hap.