JENESIS 1:14 - Khasi CL Bible (BSI)

¹⁴ Nangta U Blei u la hukum, “Ai ba ki jingshai kin paw ha sahit bneng ban pynïakhlad ïa ka sngi na ka miet, bad kin kdew ïa ka por haba ki sngi, ki snem, bad ki Jingkhawai Niam ki sdang;

KA BAIBL

¹⁴ U Blei u la ong ruh, “To long ki jingshai ha ka sahit bneng ban pynïakhlad hapdeng ka sngi bad ka miet; bad to ai ba kin long ïa ki dak, bad ïa ki aïom, bad ïa ki sngi, bad ïa ki snem de:

JENESIS 1:14 ပူးပေါင်းရင်းမြစ်များ

JENESIS 1:13

Ka janmiet ka la leit bad ka step ka la wan — kata ka la long ka sngi kaba lai.

JENESIS 1:15

kin tyngshaiñ ha kata ka sahit bneng ban ai jingshai ïa ka pyrthei” — bad la pyndep ïa ka.

JENESIS 8:22

Katba ka pyrthei ka dang sah, kan don ka aïom bet bad ka aïom ot. Kan don ka jingkhriat bad ka jingshit, ka lyiur bad ka tlang, ka sngi bad ka miet.”

JENESIS 9:13

Kata kan long ka dak jong kata ka jutang jong nga bad ka pyrthei.

Ka Kitab U Job 25:3

Hato don mano mano ba lah ban ñiew ïa ki angel kiba shakri ïa u? Hato don kano kano ka jaka kaba ka jingshai U Blei kam lah ban tyngshaiñ?

Ka Kitab U Job 25:5

Ha khmat jong u wat u bnai um long uba phyrnai, ne ki khlur kim long kiba khuid.

Ka Kitab U Job 3:9

Wat ai ba u 'lurstep un tyngshaiñ; wat ai ka jingkyrmen jong ka step ïa kata ka miet.

SALM 119:91

Kiei kiei baroh ki neh haduh kane ka sngi namar ka hukum jong me, namar baroh ki long ki shakri jong me.

SALM 148:3

To ïaroh ïa u, phi ka sngi bad u bnai; to ïaroh ïa u, phi ki khlur baphyrnai.

SALM 148:6

da ki hukum jong u ïa ki la pynneh ha ki jaka jong ki junom, bad kim lah khlem kohnguh.

SALM 150:1

To ïaroh ïa U Trai! To ïaroh ïa U Blei ha ka Templ jong u! To ïaroh ïa ka jingkhlaiñ jong u ha bneng!

SALM 81:3

To put ïa ka turoi ha ka jinglehniam, haba dang lung bnai bad haba pyllun bnai.

ISAÏAH 40:26

A to khmied sha ka sahit bneng! Mano ba thaw ïa ki khlur ba phi ïohi? Uta uba ïalam ïa ki shabar kum ka kynhun shipai, u tip katno ki don bad u khot ïa uwei uwei da ka kyrteng! Ka bor jong u ka khraw katta katta — Ym don uwei na ki u ban jah noh.

JEREMAÏAH 10:2

U ong, “Wat bud ïa ki rukom jong kiwei pat ki jaitbynriew; wat khih jingmut da ki jingïohi bym ju kham ïohi ha ka sahit bneng, wat la kiwei pat ki jaitbynriew ki la sheptieng.

JEREMAÏAH 31:35

U Trai u pynbiang ïa ka sngi ban pynshai mynsngi, ïa u bnai bad ki khlur ban pynshai mynmiet. U pynkhih ïa ka duriaw bad pynlong ïa ka ban kyrhuh; ka kyrteng jong u ka long U Trai Badonbor Baroh.

JEREMAÏAH 33:20

“Nga la pynlong ka jutang ïa ka sngi bad ka miet, khnang ba kin wan mih ha la ki por kiba biang; bad ïa ka jutang yn ym lah ban pynkheiñ.

JEREMAÏAH 33:25

Hynrei ma nga, U Trai, nga la pynlong ka jutang bad ka sngi bad ka miet, bad nga la thaw ki aiñ kiba pynïaid ïa ka pyrthei bad ka sahit bneng.

ESEKIEL 46:1

U Trai, Nongsynshar u ong, “Ïa ka khyrdop bashaphang mihngi kaba poi sha ka phyllaw bashapoh dei ban khang ha ki hynriew sngi ba treikam, hynrei ïa ka dei ban plie ha ka sngi Sabbaton bad ha ka Jingkhawai Niam Bnai Thymmai.

ESEKIEL 46:6

Ha ka Jingkhawai Niam Bnai Thymmai un ai da u masi lyngraw, hynriew tylli ki khunlangbrot, bad uwei u langbrot; baroh ki bym don kano kano ka jingduna.

JOEL 2:10

Ka pyrthei ka khih katba ki nang tur; ka sahit bneng ka khynñiuh. Ka sngi bad u bnai ki kylla dum, bad ki khlur kim shai shuh.

JOEL 3:15

Ka sngi bad u bnai ki kylla dum, bad ki khlur kim tyngshaiñ shuh.

AMOS 5:8

U Trai u la thaw ïa ki khlur, ki Pleïades bad Orion, u pynkylla ïa ka jingdum sha ka jingshai mynsngi, bad ïa ka sngi sha ka miet. U khot na ka bynta ki um jong ka duriaw bad theh ïa ki ha sla khyndew. Ka kyrteng jong u ka dei U Trai.

AMOS 8:9

Ka por ka poi haba ngan pynlong ïa ka sngi ba kan sep noh hamar shiteng sngi, bad ïa ka pyrthei ban dum ha ka por mynsngi. Ma nga, U Trai Nongsynshar, nga la kren.

MATHAÏOS 2:2

“Hangno u don u khunlung uba la kha ban long u syiem jong ki Jiw? Ngi la ïohi ïa u khlur jong u mynba u la mih ha ka phang mihngi, bad ngi la wan ban mane ïa u.”

MATHAÏOS 24:29

“Shen hadien ka jingjynjar jong kito ki sngi, ka sngi kan dum, u bnai un ym tyngshaiñ shuh, ki khlur kin hap na bneng, bad ki bor ha ka haw haw kin shah beh na ki lynti jong ki.

MARKOS 13:24

“Ha ki sngi hadien kata ka por jong ka jingjynjar, ka sngi kan sa kylla dum, u bnai un ym shai shuh,

LOUKAS 23:45

bad ïa ka pyrda ba la wah hapoh ka Templ la pynkad arliang.

DEUTERONOMI 4:19

Sumar ban ym shah pynshoi kat haduh ban da mane bad shakri ïa kaei kaba phi ïohi ha sahit bneng — la ka long ka sngi, u bnai, lane ki khlur, ïa kiba U Trai U Blei jong phi u la ai ha kiwei pat ki briew baroh ha ka pyrthei ba kin ïoh mane.

JINGPYNPAW 6:12

Bad nga la ïohi ïa U Khunlangbrot ba u pynpait ïa ka jingpyndait kaba hynriew. Ka la don ka jingkhynñiuh jumai kaba jur, bad ka sngi ka la kylla rong ïong kum ka jaiñ ïong kaba khain, bad u bnai u la kylla rong saw kum ka snam.

JINGPYNPAW 8:12

Nangta u angel uba saw u la put ïa la ka turoi. Shi bynta na ka lai bynta jong ka sngi la shoh, bad shi bynta na ka lai bynta jong u bnai, bad shi bynta na ka lai bynta jong ki khlur, ba ka jingshai jong ki ka la jah noh shi bynta na ka lai bynta ka jingtyngshaiñ; ym shym la don jingshai ha ka shi bynta na ka lai bynta jong ka sngi bad ïa ka shi bynta na ka lai bynta jong ka miet.

JINGPYNPAW 9:2

U khlur u la plie ïa ka liewlong ba khlem trai, bad ka tdem ka la mih puk na ka, kum ka tdem na ka lawar ding kaba heh; ïa ka jingshai ka sngi bad ka suiñbneng la pyndum ngaiñ da ka tdem na kata ka liewlong ba khlem trai.