JENESIS 1:1 - Khasi CL Bible (BSI)

¹ Ha kaba mynnyngkong, haba U Blei u la thaw ïa ka pyrthei, ka pyrthei ka long kaba khlem dur bad kaba suda.

KA BAIBL

¹ Ha kaba mynnyngkong U Blei u la thaw ïa ka bneng bad ïa ka khyndew.

JENESIS 1:1 ပူးပေါင်းရင်းမြစ်များ

2 SYIEM 19:15

bad u duwai, “A Trai, U Blei jong ki Israel, uba don ha ka khet halor ki Kherub, me hi me long U Blei, uba synshar halor ki hima baroh jong ka pyrthei. me la thaw ïa ka pyrthei bad ïa ka suiñbneng.

1 KHRONIKL 16:26

Ki blei jong kiwei ki jaitbynriew baroh ki long tang ki bleithaw, hynrei U Trai u thaw ïa ki bneng.

2 KHRONIKL 2:11

U syiem Hiram ha kaba jubab u phah da ka shithi sha u Solomon. U thoh, “Namar U Trai u ieit ïa la ki briew, u la pynlong ïa phi u syiem jong ki.

NEHEMAÏAH 9:6

Bad nangta ki Israel ki duwai ïa kane ka jingduwai: “Ma me, Ko Trai, tang ma me hi marwei me long U Trai; me thaw ïa ki bneng bad ki khlur jong ka sahit bneng. Me thaw ïa ka ryngkew bad ïa ka duriaw bad baroh kiba don ha ki; me ai jingim ïa baroh. Ki bor ha bneng ki dem bad ki mane ïa me.

Ka Kitab U Job 26:13

Ka dei ka jingpyrsad jong u kaba pynkhuid ïa ka suiñbneng, bad dei ka kti jong u kaba pynïap ïa u mrad kynsha uba ïaleh ban phet.

Ka Kitab U Job 38:4

Hato me don hangta mynba nga la thaw ïa ka pyrthei? Lada me tip haduh katta katta, to ïathuh ïa nga shaphang kata.

Ka Kitab U Job 9:8

Ym don ba ïarap ïa U Blei ban pynïar ïa ki bneng lane ïuh halor ka met ki mrad kynsha ka duriaw.

SALM 102:25

naduh slem bah me la thaw ïa ka pyrthei, bad da ki kti jong me hi me la thaw ïa ki bneng.

SALM 104:24

A Trai, me la pynlong shibun kiei kiei! Haduh katno me la pynlong ha ka jingstad jong me ïa ki baroh! Ka pyrthei ka dap tang da ki jingthaw jong me.

SALM 104:30

Hynrei haba me ai pat ha ki ïa ka jingpyrsad jong me, la thaw ïa ki; me ai ka jingim bathymmai ïa ka pyrthei.

SALM 115:15

To phin long kiba la kyrkhu da U Trai, uba la thaw ïa ka bneng bad ïa ka pyrthei!

SALM 121:2

Ka jingïarap jong nga ka wan na U Trai, uba la thaw ïa ka bneng bad ïa ka khyndew.

SALM 124:8

Ka jingïarap jong ngi ka wan na U Trai, uba la thaw ïa ka bneng bad ïa ka khyndew.

SALM 134:3

To ai ba U Trai, uba la thaw ïa ka bneng bad ïa ka khyndew, un kyrkhu ïa phi na Seïon!

SALM 136:5

Da ka jingstad jong u, u la thaw ïa ki bneng; ka jingieit jong u ka neh bymjukut;

SALM 146:6

U Nongthaw jong ka bneng, ka pyrthei bad ka duriaw, bad baroh kiba don ha ki. U bat ïa ki jingkular jong u borabor;

SALM 33:6

U Trai u thaw ïa ki bneng da ka hukum jong u, ïa ka sngi, u bnai bad ki khlur da ka sur kren jong u.

SALM 33:9

Haba u la kren, ïa ka pyrthei la pynlong; ha ka hukum jong u baroh ka la paw.

SALM 8:3

Haba nga khmih ïa ka sahit bneng kaba me la thaw, ïa u bnai bad ki khlur, kiba me la buh ha ki jaka jong ki —

SALM 8:4

u briew u long uei, ba me pyrkhat ïa u; u long tang u briew, ba me da sumar ïa u?

SALM 90:2

Shuwa ba men pynlong ïa ki lum, lane pynwan ïa ka pyrthei kumba ka long, naduh bymjukut haduh bymjukut me, me long U Blei, bad men ïailong U Blei junom.

SALM 96:5

Ki blei jong kiwei pat ki jaitbynriew baroh ki long tang ki bleithaw; hynrei U Trai u la thaw ïa ki bneng.

EKSODOS 20:11

Ha ki hynriew sngi, ma nga, U Trai, nga la thaw ïa ka bneng, ïa ka khyndew, ïa ka duriaw, bad ïa kiei kiei baroh kiba don ha ki, hynrei ha ka sngi kaba hynñiew nga la shongthait. Namar kata, nga U Trai, nga la kyrkhu ïa ka Sabbaton, bad nga la pynkyntang khuid ïa ka.

EKSODOS 31:18

Haba U Blei u la dep kren ha u Moses ha u Lum Sinai, u ai ha u ïa ki ar tylli ki mawlyngkniap ha kiba U Blei da lade hi u la thoh ïa ki hukum.

PROBERB 16:4

Baroh kiei kiei kiba U Trai u la thaw ki don la ki jingkut; bad ka jingkut jong u bymman ka long ka jingjot.

PROBERB 3:19

U Trai u la thaw ïa ka pyrthei da ka jingstad jong u; da ka jingshemphang jong u, u la buh beit ïa ka sahit bneng ha la ka jaka.

EKLESIASTIS 12:1

Kumta to kynmaw ïa la U Nongthaw katba phi dang samla ha shuwa ka jingwan kito ki sngi bad ki snem ba-dum ha kaba phin ong, “ngam sngewtynnat ïa ka jingim.”

ISAÏAH 37:16

“A Trai Badonbor Baroh, U Blei jong ki Israel, uba shong ha ka khet shajrong ki kherub, me marwei me long U Blei, uba synshar ïa baroh ki hima jong ka pyrthei. Me thaw ïa ka pyrthei bad ka sahit bneng.

ISAÏAH 40:21

Hato phim tip? Hato ym shym la ïathuh slem mynshuwa? Hato phim shym ïohsngew kumno ka pyrthei ka sdang?

ISAÏAH 40:26

A to khmied sha ka sahit bneng! Mano ba thaw ïa ki khlur ba phi ïohi? Uta uba ïalam ïa ki shabar kum ka kynhun shipai, u tip katno ki don bad u khot ïa uwei uwei da ka kyrteng! Ka bor jong u ka khraw katta katta — Ym don uwei na ki u ban jah noh.

ISAÏAH 40:28

Hato phim tip? Phim pat ïohsngew? U Trai u long U Blei bymjukut; u thaw ïa ka pyrthei baroh. Um ju sngewthait ne sngewlwait. Ym don uba sngewthuh ïa ki jingpyrkhat jong u

ISAÏAH 42:5

U Blei u thaw ïa ki bneng bad u pynpyiar ïa ki; u pynwandur ïa ka pyrthei bad ïa baroh kiba shong ha ka; u ai jingim bad u pyrsad mynsiem ïa la ki briew baroh. Bad mynta U Trai U Blei u ong ha la u shakri,

ISAÏAH 44:24

“Nga long U Trai, u Nongpynim jong phi; nga long uta uba la thaw ïa phi. Nga long U Trai, u Nongthaw ïa baroh kiei kiei. Nga marwei hi nga pynpyiar ïa ki bneng; haba nga thaw ïa ka pyrthei, ym don u ban ïarap ïa nga.

ISAÏAH 45:18

U Trai u la thaw ïa ki bneng — U long tang ma u hi U Blei! U pynlong bad thaw ïa ka pyrthei — U thaw ïa ka kaba skhem bad kaba neh. Um shym la thaw ïa ka ban iehnoh suda, hynrei ka jaka ba ki briew kin shong kin sah. U long ma u, uba ong, “Nga long U Trai, ym don uwei pat U Blei.

ISAÏAH 51:13

Hato phi la klet ïa U Trai uba la thaw ïa phi, uba pynïar ïa ki bneng bad uba pynïeng ïa ki nongrim ka pyrthei? Balei phi im ha ka jingïai-sheptieng ïa ka jingbitar shla jong kito kiba banbeiñ ïa phi, jong kito kiba long ba la kloi ban pynjot ïa phi? Ka jingbitar shla jong ki kam lah shuh da lei lei ban ktah ïa phi.

ISAÏAH 51:16

Nga la pynpyiar ïa ki bneng bad pynïeng ïa ki nongrim ka pyrthei; nga ong ïa ka Jerusalem, ‘Phi long ki briew jong nga! Nga la ai ha phi ïa ka jinghikai jong nga, bad nga ïada ïa phi da ka ksang'ti jong nga.’”

ISAÏAH 65:17

U Trai u ong, “Ngan thaw ïa ka khyndew bathymmai bad ïa ki bneng bathymmai. Kiei kiei kiba jia long mynshuwa yn ym kynmaw shuh.

JEREMAÏAH 10:12

U Trai u la thaw ïa ka khyndew da ka bor jong u; da ka jingstad jong u, u la thaw ïa ka pyrthei bad u la pyiar pynïar ïa ki bneng.

JEREMAÏAH 32:17

“A Trai Nongsynshar, me la thaw ïa ka khyndew bad ka suiñbneng da ka bor bad ka borbah bakhraw; ym don kaba eh than ïa me.

JEREMAÏAH 51:15

U Trai u la thaw ïa ka khyndew da ka bor jong u; da la ka jingstad u la thaw ïa ka pyrthei bad pynïar ïa ki bneng.

SEKHARAÏAH 12:1

Kane ka dei ka khubor shaphang ka Israel na U Trai, U Trai uba la pyiar ïa ka suiñbneng, uba la thaw ïa ka pyrthei, bad uba la ai jingim ïa u briew. U ong,

MATHAÏOS 11:25

Ha kata ka por U Jisu u la ong, “Ko Kpa, U Trai ka bneng bad ka pyrthei! Nga ainguh ïa me namar ba me la pyn-i ha ki bymstad ïa kaei kaba me la buhrieh na kiba stad bad kiba la ïoh jinghikai.

MARKOS 13:19

Namar ka jingshitom jong kita ki sngi kan long kaba kham sniew, ban ïa kaei kaei kaba ka pyrthei ka la ju tip naduh myn nyngkong eh ba U Blei u la thaw ïa ka pyrthei haduh ka por ba mynta. Lymne yn ym don shuh hadien kum kata kaei kaei.

KI KAM 14:15

“Balei phi leh ïa kane? Ngi hi ngi long tang ki briew kiba kum ma phi! Ngi don hangne ban pynbna ïa ka Khubor Babha, ban pynphai noh ïa phi na kine kiei kiei ki bymmyntoi sha U Blei uba im, uba la thaw ïa ka bneng, ïa ka khyndew, ïa ka duriaw, bad ïa baroh kat kaba don ha ki.

KI KAM 17:24

U Blei, uba la thaw ïa ka pyrthei bad ïa kaei kaei baroh kaba don ha ka, u long U Trai jong ka bneng bad ka pyrthei bad um shong ha ki templ ba la thaw da ki kti jong ki briew.

KI KAM 4:24

Haba ki riewngeit ki la ïohsngew ïa kata, baroh ki la ïasoh lang ha ka jingduwai sha U Blei: “Ko Kynrad bad ko Nongthaw ïa ka bneng, ka pyrthei, bad ka duriaw, bad ïa baroh kaba don ha ki!

Ka Shithi U Paul Sha Ki Nong Rom 11:36

Naba ïa baroh kiei kiei la thaw da u, bad baroh kiei kiei ki long lyngba jong u bad na ka bynta jong u. Ha U Blei, to long ka burom junom! Amen.

1 KORINTH 8:6

pynban ha ngi don tang uwei U Blei, U Kpa, uba long u Nongthaw ïa kiei kiei baroh bad uba na ka bynta jong u ngi im; bad don tang uwei U Trai, U Jisu Khrist, da u ba kiei kiei baroh la pynlong bad ha u ba ngi im.

EPHESOS 3:9

U Blei uba long u Nongthaw ïa kiei kiei baroh, u la buhrieh ïa ka jingmaïan ha ki pateng baroh kiba mynshuwa,

HEBRU 1:10

U la ong ruh, “Me, A Trai, ha kaba mynnyngkong me la thaw ïa ka pyrthei, bad da la ki kti hi me la thaw ïa ki bneng.

HEBRU 1:2

Hynrei ha kine ki sngi kiba khatduh u la kren ha ngi lyngba U Khun jong u. U la long uta da uba U Blei u la thaw ïa ka pyrthei, uta ïa uba U Blei u la jied ban long u nongïoh kynti ïa kiei kiei baroh ha kaba kut.

HEBRU 11:3

Ka long da ka jingngeit ba ngi sngewthuh ba la pynlong ïa ka pyrthei da ka ktien U Blei, khnang ba ïa kaei kaba lah ban ïohi la pynlong na kaei ka bymlah ban ïohi.

HEBRU 3:4

Man la ka ïing, ha ka jingshisha, la tei da uno uno — Bad uta uba la thaw ïa kiei kiei baroh long U Blei keiñ.

2 PETROS 3:5

Ki da thmu khnang ban leh klet ïa ka jingshisha ba U Blei u la ai ïa ka hukum la slem bah, bad ïa ki bneng bad ka khyndew la pynlong.

1 ÏOANNIS 1:1

Ngi thoh sha phi shaphang U Ktien ka jingim, uba la don naduh kaba mynnyngkong eh. Ngi la ïohsngew ïa u, bad ngi la ïohi ïa u da la ki khmat; ho-oid, ngi la ïohi ïa u, bad ki kti jong ngi ki la ïohktah ïa u.

JINGPYNPAW 10:6

bad u la smai ha ka kyrteng U Blei, uba im junom la junom, uba la thaw ïa ka bneng, ïa ka khyndew, bad ïa kata ka duriaw, bad baroh kiba don ha ki. Uta u angel u la ong, “Yn ym don jingpynslem shuh!

JINGPYNPAW 14:7

U la kren ha ka sur kaba jam, “To pyndonburom ïa U Blei bad to ïaroh ïa ka jingkhraw jong u! Naba ka por ka la poi ïa u ba un bishar ïa u khunbynriew. To mane ïa uta uba la thaw ïa ka bneng, ïa ka khyndew, ïa ka duriaw bad ïa ki umpohliew!”

JINGPYNPAW 21:6

Bad u la ong, “La pyndep! Nga long uba nyngkong bad uba khatduh, uba sdang bad uba kut. Ha uno uno uba sliang ngan ai ïa ka hok ban dih na ka umpohliew jong ka um ka jingim khlem da siewdor ïa ka.

JINGPYNPAW 22:13

Nga long uba nyngkong bad uba khatduh, uba sdang bad uba kut.”

JINGPYNPAW 3:14

“Thoh ha u angel jong ka balang ha Laodikaïa: “Kane ka long ka khubor na U Amen, uba ïaineh bad u sakhi bashisha, uba long u jingsdang jong baroh kaba U Blei u la thaw.

JINGPYNPAW 4:11

“U Trai bad U Blei jong ngi! Me long uba dei hok ban ïoh ïa ka burom, ka jingpyndonburom bad ka bor. Naba me la thaw ïa kiei kiei baroh, bad da ka mon jong me, la ai ïa ki ban im bad ïa ka jingim.”