JAKOB 5:9 - Khasi CL Bible (BSI)

⁹ To wat ïakren khñium paralok hi, ko parabangeit jong nga, ba U Blei un ym bishar ïa phi. U Nongbishar u la jan, u la kloi ban wanpaw.

KA BAIBL

⁹ To wat ïakren khñium paralok hi, ko parabangeit, ba yn ym pynrem ïa phi: ha khmih, uta U Nongbishar u ïeng keiñ ha khmat ka jingkhang.

JAKOB 5:9 ပူးပေါင်းရင်းမြစ်များ

JENESIS 4:7

Lada me la leh ïa kaba dei, men jin da la phuh samrkhie; hynrei namar ba me la leh ïa kaba sniew, ka pop ka apthap ha ka jingkhang jong me. Ka kwah ban synshar ïa me, hynrei me dei ban jop ïa ka.”

SALM 59:15

kum ki ksew ki shang kylleng ban ïoh jingbam bad ki wiar lada kim ïoh kaba biang.

ESEKIEL 7:12

Ka por ka la poi. Ka sngi ka la jan, ha kaba ka jingïadie ïathied kan ym don jingmut shuh, namar ka jingpynshitom U Blei kan hap ha baroh kumjuh.

LEBITIKOS 19:18

Wat pynhiarkput ïano ïano lane ban ïai isih ïa u, hynrei ieit ïa la u paramarjan kumba phi ieit ïa lade. Nga long U Trai.

MATHAÏOS 24:33

Ha kajuh ka rukom, haba phi ïohi ïa kine kiei kiei baroh, phin tip ba ka por ka la jan ban sdang artat.

MARKOS 13:29

Ha kajuh ka rukom, haba phi ïoh ïa kine kiei kiei ba ki jia, phin tip ba ka por ka la jan, kaba la kloi ban sdang.

MARKOS 6:19

Kumta ka Herodias ka buhnud pyrshah ïa u Ïoannis bad ka la kwah ban pynïap noh ïa u, hynrei kam shym la lah namar u Herod.

1 KORINTH 10:11

Kine kiei kiei baroh ki la jia ha ki kum ki nuksa ïa kiwei pat, bad la thoh ïa kine kum ka jingmaham ïa ngi. Naba ngi im ha ka por ba kaba kut ka la jan poi.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

2 KORINTH 9:7

Uwei pa uwei u dei ban ai, namarkata, kumba phi la kut jingmut, ym da kaba bynñiaw ne da kaba sngew kum ka kamram; naba U Blei u ieit ïa uta uba ai da kaba kmen.

GALATIA 5:14

Naba ïa ka Hukum baroh kawei la kyllum lang ha kawei ka hukum kaba ong, “Phin ieit ïa la u paramarjan kumba phi ieit ïa lade.”

GALATIA 5:26

Ngim dei ban sngewsarong lane kiba pynbitar iwei ïa iwei pat lane bishni iwei ïa iwei pat.

JAKOB 4:11

Wat ïa-wohnia para ma phi, ko parabangeit jong nga. Uno uno uba wohnia ïa u parabangeit ne bishar ïa u, u wohnia ïa ka Hukum bad u bishar ïa ka. Lada phi bishar ïa ka Hukum, te phim long shuh uba kohnguh ïa ka Hukum, hynrei uwei uba bishar ïa ka.

JAKOB 4:12

Dei tang U Blei uba long u nongai hukum bad u nongbishar. Dei tang ma u hi uba lah ban pynim bad ban pynjot. Hato phi pyrkhat ba phi dei uei, ban bishar ïa la u parabriew?

JAKOB 5:10

Ko parabangeit jong nga, to kynmaw ïa ki nongïathuhlypa kiba la kren ha ka kyrteng jong U Trai. To shim ïa ki kum ki nuksa jong ka jingïaineh ba-ïaishah hapdeng ka jingshahshitom.

JAKOB 5:7

To long kiba ïaishah, namarkata, ko parabangeit jong nga, haduh ba U Trai un wan. Khmih katno u nongrep u long uba ïaishah haba u ap ïa la ka khyndew ban pynmih ïa ki jingthung kiba kordor. U ïaishah ban ap ïa u slap synrai bad ïa u slap pyrem.

1 PETROS 4:5

Hynrei kin sa hap ban ai jingkheiñ ïa lade ha U Blei, uba la kloi ban bishar ïa kiba im bad ïa kiba ïap.

1 PETROS 4:9

To plie kylluid ïa ki ïing jong phi iwei ïa iwei pat khlem jingkhñium.

JINGPYNPAW 3:20

Shahshkor! Nga ïeng ha ka jingkhang bad nga tied; lada uno uno u sngew ïa ka sur jong nga bad plie ïa ka jingkhang, ngan wan rung shapoh ka ïing jong u bad ngan ïabam bad u, bad ma u ruh un ïabam lem bad nga.