JAKOB 5:7 - Khasi CL Bible (BSI)

⁷ To long kiba ïaishah, namarkata, ko parabangeit jong nga, haduh ba U Trai un wan. Khmih katno u nongrep u long uba ïaishah haba u ap ïa la ka khyndew ban pynmih ïa ki jingthung kiba kordor. U ïaishah ban ap ïa u slap synrai bad ïa u slap pyrem.

KA BAIBL

⁷ Namar kata, to shah slem, ko parabangeit, haduh kata ka jingwan U Trai. Ha khmih, uba rep u ap khmih ïa u soh bakor jong ka khyndew, u da ïai-ap slem ïa u, tad ynda u la ïoh pdiang ïa u slap bashuwa bad bakhatduh.

JAKOB 5:7 ပူးပေါင်းရင်းမြစ်များ

JEREMAÏAH 5:24

Phim ju pyrkhat da lei lei ban pyndonburom ïa nga, wat la nga phah ïa u slap synrai bad ïa u slap pyrem bad ai ha phi ïa ka aïom ot man la ka snem.

HOSIA 6:3

To ngin ïai pyrshang ban tip ïa U Trai. Da shisha un sa wan sha ngi kum ka step phyrngab, shisha kum u slap pyrem uba ai um ïa ka khyndew.”

JOEL 2:23

“To lehkmen, ko ki briew ka Seïon, to shadkmen ha kaei kaba U Trai U Blei jong phi u la leh ïa phi. U la ai ïa phi ïa u slap synrai uba biang; u la theh ïa u slap tlang na ka bynta jong phi bad ïa u slap pyrem kumba mynshuwa.

SEKHARAÏAH 10:1

To pan na U Trai ïa u slap ha ka pyrem jong ka snem. U dei U Trai uba phah ïa ki lyoh slap bad ïa u 'lap praw, da kaba pynjyrngam ïa ki lyngkha na ka bynta uwei pa uwei.

MATHAÏOS 16:27

Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

MATHAÏOS 16:28

Nga pynthikna ïa phi ba don katto katne hangne ki ban ym ïap tad haduh ba kin da ïohi ba U Khun U Briew u wan kum u Syiem.”

MATHAÏOS 24:27

Naba U Khun U Briew un wan kum ka leilieh kaba thaba na shiliang sha shiliang ka sahit bneng, na mihngi sha sepngi.

MATHAÏOS 24:44

Kumta te, phi dei ban long kiba ïai pynkhreh, namar ba U Khun U Briew un wan ha ka kynta kaba phim shym khmih lynti ïa u.

LOUKAS 18:8

Nga ong ha phi, un bishar ha ka liang jong ki bad un leh kloi ïa ka. Hynrei hato U Khun U Briew un shem mo ïa ka jingngeit ha ka pyrthei haba u wan?”

LOUKAS 21:27

Nangta U Khun U Briew un paw, u da wan ha ki lyoh lem bad ka bor bad ka burom bakhraw.

LOUKAS 8:15

Ki symbai kiba la hap ha ka khyndew babha ki ïeng na ka bynta kito kiba ïohsngew ïa ka khubor bad kiba bat ïa ka ha ka dohnud kaba bha bad kaba kohnguh, bad ki ïaineh tad haduh ba kin da seisoh.

ÏOANNIS 21:22

U Jisu u la jubab ïa u, “Lada nga mon ïa u ba un im tad ynda nga wan, ka pher aïu ïa me? To bud ïa nga!”

ÏOANNIS 21:23

Kumta ka khubor ka la pur hapdeng ki nongbud jong U Jisu ba une u synran un ym ïap. Hynrei U Jisu um shym ong ba un ym ïap; u la ong, “Lada nga mon ïa u ba un im tad ynda nga wan, ka pher aïu ïa me?”

Ka Shithi U Paul Sha Ki Nong Rom 15:4

Ïa kiei kiei ba la thoh ha ki Jingthoh Bakhuid, la thoh ban hikai ïa ngi, khnang ba ngin don ïa ka jingkyrmen lyngba ka jingïaishah bad ka jingpynshlur kiba ki Jingthoh Bakhuid ki ai ïa ngi.

Ka Shithi U Paul Sha Ki Nong Rom 2:7

Katto katne ki briew ki ïai leh ïa kaba bha, bad wad burom, ka nam babha, bad ka jingim bymïap shuh; ïa ki U Blei un ai ka jingim bymjukut.

GALATIA 5:5

Na ka bynta jong ngi pat, ka jingkyrmen jong ngi ka long ba U Blei hi un pynksan ïa ngi bad u, bad kane ka long kaei kaba ngi ap khmih lynti ïa ka bor U Mynsiem U Blei uba trei lyngba ka jingngeit jong ngi.

GALATIA 6:9

Kumta to ai ba ngin ym man thait ha kaba lehbha; namar lada ngim duh bor noh, ka por kan poi ha kaba ngin lum ïa ka jingot.

DEUTERONOMI 11:14

Lada phi leh kumta, un sa pynhap slap ha ka khyndew jong phi ha ka aïom kaba biang, ha ka por synrai bad ha ka por pyrem, khnang ba phin ïohlum ïa u kew, ïa ka waiñ, bad ïa ka umphniang Olib na ka bynta jong phi hi, bad ïa u phlang na ka bynta ki jingri jong phi.

KOLOSSAI 1:11

Ai ba yn pynkhlaiñ ïa phi da ka jingkhlaiñ baroh kaba wan na ka bor badonburom jong u, khnang ba phi lah ban shah ïa kiei kiei baroh da ka jingïaishah. Bad da ka jingkmen to ainguh ïa U Kpa, uba la pynlong ïa phi kiba bit ban ïoh ïa la ka bynta na kaei kaba U Blei u la tyngkai na ka bynta ki briew jong u ha ka hima ka jingshai.

1 THESSALONI 1:3

Naba ngi kynmaw ha khmat U Blei bad U Kpa jong ngi ba kumno phi pyntreikam ïa ka jingngeit, kumta ba ka jingieit jong phi ka pynlah ïa phi ban trei shitom, bad kumno ka jingkyrmen jong phi ha U Jisu Khrist uba U Trai jong ngi ka long kaba skhem.

1 THESSALONI 2:19

Nalor baroh, dei ma phi — ma phi keiñ, khlem duna ïa kiwei pat! — kiba long ka jingkyrmen jong ngi, ka jingkmen jong ngi, bad ka daw jong ngi ban sngewsarong ïa ka jingjop jong ngi ha khmat jong U Jisu uba U Trai jong ngi haba u wan.

1 THESSALONI 3:13

Ha kane ka rukom un pynkhlaiñ ïa phi, bad phin long kiba janai bad kiba khuid ha ka jingdon ryngkat jong U Blei bad U Kpa jong ngi haba U Jisu uba U Trai jong ngi u wan lem bad baroh kiba dei ki jong u.

HEBRU 6:15

U Abraham u la ïaishah slem, bad kumta u la ïohpdiang ïa kaei kaba U Blei u la kular.

JAKOB 4:11

Wat ïa-wohnia para ma phi, ko parabangeit jong nga. Uno uno uba wohnia ïa u parabangeit ne bishar ïa u, u wohnia ïa ka Hukum bad u bishar ïa ka. Lada phi bishar ïa ka Hukum, te phim long shuh uba kohnguh ïa ka Hukum, hynrei uwei uba bishar ïa ka.

JAKOB 5:10

Ko parabangeit jong nga, to kynmaw ïa ki nongïathuhlypa kiba la kren ha ka kyrteng jong U Trai. To shim ïa ki kum ki nuksa jong ka jingïaineh ba-ïaishah hapdeng ka jingshahshitom.

JAKOB 5:3

Ka ksiar bad ka rupa jong phi ka la bam sarang, bad kane ka sarang kan long ka sakhi pyrshah ïa phi bad kan sa bam duh ïa ka doh jong phi kum ka ding. Phi la kynshew spah ha kine ki sngi kiba khatduh.

2 PETROS 3:4

Kin ibeiñ ïa phi bad kin kylli, “U la kular ban wan, hato um shym la kular kumta? Hangno u don? Ki kpa tymmen ki la lah ïap, hynrei kiei kiei baroh ki dang ïaisah kumjuh kum mynba la pynlong ïa ka pyrthei!”