JAKOB 5:5 - Khasi CL Bible (BSI)

⁵ Ka jingim jong phi ha kane ka pyrthei ka la long kaba dap da ka jingpahuh bad jingsngewbha. Phi la pynsngaid ïa lade na ka bynta ka sngi ka jingshohdoh.

KA BAIBL

⁵ Phi la shongsuk sarong ha kata ka khyndew, bad phi la im pahuh pahai; phi la pynsngaid ïa ki dohnud jong phi ïa ka sngi ka jingpynïap.

JAKOB 5:5 ပူးပေါင်းရင်းမြစ်များ

SALM 17:14

pynim ïa nga na kito kiba ha kane ka pyrthei ki don lut ïa kaba ki kwah. Pynshitom ïa ki da ki jingshitom kiba me la kynton na ka bynta jong ki; Ai ba kan dap na ka bynta ki khun ki kti jong ki bad katto katne kaba sah na ka bynta ki khun jong ki khun jong ki!

SALM 73:7

ki dohnud jong ki, ki theh noh ïa kaba sniew, bad ki jingmut jong ki, ki bunkam da ki jingthmu bymman.

PROBERB 17:1

Ka kham bha ban bam ïa u kpu ba la tyrkhong lem bad ka jingsuk mynsiem ban ïa kaba bam khawai ha ka ïing kaba dap da ki jingjynjar.

PROBERB 7:14

“Nga la ai ki jingainguh mynta, bad nga don ki doh kñia.

EKLESIASTIS 11:9

Ko samla, to lehkmen ïa ka jinglong samla jong phi. To kmen katba phi dang samla. Leh ïa kaei kaba phi kwah ban leh, bad bud ïa ka jingkwah ka dohnud jong phi. Hynrei kynmaw ba U Blei un bishar ïa phi ïa kaei kaei kaba phi leh.

ISAÏAH 22:13

Pynban, phi ïa-rkhie bad phi ïalehkmen. Phi pynïap ïa ki langbrot bad ki masi ban bam, bad phi dih waiñ. Phi ong, “Ngi lah ruh ban ïabam bad ïadih! Lashai ngin ïap.”

ISAÏAH 3:16

U Trai u ong, “Ha khmih haduh katno ki kynthei ka Jerusalem ki long kiba sarong! Ki ïaid da kaba pynhieng ïa la ki khmut. Ki ju long borabor kiba kynshleiñ. Ki shim ki sien jam kiba rit itynnat bad ki jingdeng ha ki matsohlah ki sawa.

ISAÏAH 47:8

“To sngap ïa kane, pha kaba ieit ïa ka jinglehsngewbha, pha kaba pyrkhat ba pha shongshngain bad sngewskhem. Pha kam ba pha long kaba khraw kum U Blei — ba ym don mano mano pat kum ma pha. Pha pyrkhat ba da lei lei phan ym long ka riewkynthei lane mad ïa ka jingduh noh ïa la ki khun.

ISAÏAH 56:12

‘Ïa ngin ïawad waiñ khyndiat,’ kine ki nongdih kyiad ki ong, ‘bad dih katba ngi lah! Lashai kan kham palat ban ïa kaba mynta!’ ”

JEREMAÏAH 12:3

Hynrei, A Trai, me ithuh ïa nga; me ïohi kaei ba nga leh, bad kumno nga la ieit ïa me. To paring sharud ïa kine ki rangbah basniew kum ïa ki langbrot ki ban shah ot doh; to sumar ïa ki tad haduh ba ka dei ka por ïa ki ban shah pynïap.

JEREMAÏAH 25:34

To ïam, ko phi ki nongïalam, phi ki nongsharai jong ki briew jong nga, to kyang jam! To ïambriew bad tyllun halor u pui pui. Ka por ka la poi na ka bynta jong phi ban shah pynïap, bad yn sa ot doh ïa phi kum ïa ki langbrot shynrang.

ESEKIEL 16:49

Ma ka bad ki khun kynthei jong ka ki la sngewsarong namar ki la don kyrhai ban bam bad im ha ka jingsuk bad ka jingjar jar, hynrei kim shym la sumar ïa kiba duk bad ïa kiba rangli.

ESEKIEL 39:17

U Trai Nongsynshar u ong ha nga, “Ko khun u briew, to khot ïa ki sim bad ki mrad baroh kiba ha khlaw, ban ïawan na baroh sawdong ban ïabam ïa ka jingkñia kaba nga pynkhreh na ka bynta jong ki. Kan long ka jingkhawai kaba heh ha ki lumbah Israel, ba kin ïabam ïa ka doh bad dih ïa ka snam.

AMOS 6:1

Katno kaba sngewshyrkhei kan long ïa phi kiba shongsuk ha Seïon, bad ïa phi kiba sngewshngain ha Samaria — phi ki briew kiba khraw jong kane ka jaitbynriew Israel kaba khraw, phi sha kaba ki briew ki ju leit ban ïoh jingïarap!

LOUKAS 16:19

“La don shisien uwei u briew uba riewspah uba la riam ha ki jaiñ kiba remdor eh bad uba im ha ka jingpahuh bakhraw man la ka sngi.

LOUKAS 16:25

“Hynrei, u Abraham u la ong, ‘To kynmaw, ko khun jong nga, ba ha ka por ka jingim jong me la ai ha me ïa baroh kiei kiei kiba bha, katba u Lasaros u la ïohpdiang ïa kiei kiei baroh kiba sniew. Hynrei mynta u lehkmen ïa lade hangne, katba me don ha ka jingshitom.

Ka Shithi U Paul Sha Ki Nong Rom 13:13

To ngin leh donakor, kum ki briew kiba im ha ka jingshai jong ka sngi — khlem ki jingsngewbha thala bakhynwin ne ka jingïabuaid, khlem ka jingleh awria lane ka jingleh khlem akor, khlem ka jingïashoh ïadat lane ka jingbishni.

1 TIMOTHI 5:6

Hynrei ka riewkynthei kaba im ha ki jingsngewbha ka la lah ïap lypa, wat haba ka dang im.

2 TIMOTHI 3:4

kin long kiba shetkylla, kiba leh thurmur, bad kiba hangamei; kin ieit ïa ka jingsngewbha ban ïa U Blei;

2 PETROS 2:13

Yn sa pynjot ïa ki kum ïa ki mradkhlaw, bad kin hap shah ïa ka jingshahshitom kaba ki la pynlong. Ka jingsngewbha ha ki ka long ban leh ïa kaei kaei ha kaba shai ka sngi ka ban pynhun ïa ki jingkwah brai ka doh; ki long ka jinglehrain bad ka jingjahburom haba ki ïashong bam bad phi, katba ki nang leh sngewbha ha la ki lynti bashukor!

JUDAH 1:12

Da ki jingkhroh bym don jinglehrain, ki long ka jingthohbria ha ki jingkhawai ïasyllok jong phi. Ki kitkhia tang na ka bynta ïa lade. Ki long kum ki lyoh ba rah ka lyer, hynrei khlem wanrah slap. Ki long kum ki dieng ba khlem soh, wat ha ka synrai, ki dieng ba la rat naduh ki thied bad kiba la ïap noh.

JINGPYNPAW 18:7

To ai ha ka, katta ka jingshitom bad ka jingsngewsih kat ka burom bad ka jingpahuh kaba ka la ai ïa lade. Naba ka ïai-ong ïa lade: ‘Hangne nga shong, ka syiem! Ngam long ka riewkynthei, ngan ym tip ïa ka jingsngewsih!’

1 SAMUEL 25:36

Ka Abigail ka leit phai sha u Nabal, uba don ha ïing ha ka jingkhawai kaba kat ka jingkhawai u syiem. U la buaid bad shongshit, kumta kam shym ïathuh ei ei haduh ka step kaba bud.

1 SAMUEL 25:6

U la bthah ïa ki ban ong ha u Nabal: “U Dabid u phah ka jingkhublei ïa phi, ko paralok jong nga, lem bad ki jingkyrkhu kyrdoh ïa phi, ïa ka longïing jong phi bad ïa baroh kiba dei ki jong phi.