JAKOB 5:4 - Khasi CL Bible (BSI)

⁴ Phim pat siew bainong ei ei ïa ki briew kiba trei ha ki lyngkha jong phi. To shahshkor ïa ki jingmudui jong ki! Ki jingkyang jong kito kiba la lum ïa ki jingot ki la poi sha ki shkor jong U Blei, U Trai Badonbor Baroh.

KA BAIBL

⁴ Ha khmih, kata ka bainong jong kita ki nongtrei kiba la ot ïa ki lyngkha jong phi, ïa kaba la bat klop noh ma phi, ka kyang kyrpad; te kita ki jingkyang jong kita kiba la ot ki la leit bsut sha ki shkor U Trai ki Paid.

JAKOB 5:4 ပူးပေါင်းရင်းမြစ်များ

JENESIS 4:10

Bad U Trai u ong, “Balei me leh ïa kane ka kam kaba shyrkhei? Ka snam u para jong me ka ud ha nga na khyndew kum ka sur kaba khot ïa ka jingpynhiarkput.

Ka Kitab U Job 34:28

Ki pynbor ïa kiba duk ban kyrpad jam sha U Blei, bad u la ïohsngew ïa ki jingpyrta jong ki ban ïoh jingïarap.

Ka Kitab U Job 7:2

kum u mraw uba kwah hir hir ïa ka jakarieh tngen; kum u nongtrei uba ap ïa la ka bainong.

SALM 9:12

U Blei u kynmaw ïa kito kiba shahshitom; um ju klet ïa ka jingkyang jong ki, bad u pynshitom ïa kito kiba leh bymdei ïa ki.

EKSODOS 22:27

namar u don tang kata ban kup bad ban pynsyaid ïa lade. Un kup thiah pat da-ei? Haba u khot kyrpad ïa nga ban ïarap ïa u, ngan jubab ïa u, namar nga long uba sngewsynei.

EKSODOS 3:9

Da shisha nga la ïohsngew ïa ka jingud ki briew jong nga, bad nga la ïohi ruh kumno ki nong Ijipt ki pynshitom beiñ ïa ki.

ISAÏAH 1:9

Lada U Trai Badonbor Baroh um shym ailad ïa ki katto katne ki briew ban lait im, yn jin da la pynjot hi thiaw ïa ka Jerusalem, kumba long ïa ka Sodom bad Gomorrah.

ISAÏAH 5:7

Ka Israel ka dei ka bri sohwaiñ jong U Trai Badonbor Baroh; ki briew ka Judah ki dei ki dieng sohwaiñ kiba u la thung. U la khmih lynti ba kin leh ïa kaei kaba bha, hynrei pynban ki la pynïap briew. U la khmih lynti ba kin leh ïa kaba dei, hynrei kiba shah lanot jong ki, ki kyang ïa ka jingbishar hok.

ISAÏAH 5:9

Nga la ïohsngew ba U Trai Badonbor Baroh u ong, “Baroh kine ki ïing kiba heh bad kiba itynnat kin long kiba la pra bad thylli.

JEREMAÏAH 22:13

Long ba la tim ïa u briew uba tei ïa la ka ïing da ka jingbymhok, bad uba pynheh pynïar ïa ka da ka jingleh bymhok; uba pynlong ïa la ki para shnong ban trei khlem nong, bad u bym siew bainong ïa ki.

LEBITIKOS 19:13

“Wat shim kabu ïano ïano lane ban lute ïa u. Wat pynsah ïa ka bainong jong uno uno u briew uba phi la khot bylla, wat tang shi miet ruh.

HABAKKUK 2:11

Wat ki maw ha ki kynroh ki kyang pyrshah ïa phi, bad ki shankhung ki pynsawa ïa ka jingkyang.

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

MATHAÏOS 9:37

Kumta u la ong ha ki synran jong u, “Ka jingot ka khraw eh, hynrei don khyndiat ki nongtrei ban lumlang ïa ka shapoh.

LOUKAS 18:7

Mynta, hato U Blei un ym bishar ha ka liang jong ki briew jong u kiba kyang sha u mynsngi bad mynmiet ban ïoh jingïarap? Hato un long uba suki ban ïarap ïa ki?

Ka Shithi U Paul Sha Ki Nong Rom 9:29

Ka long kumba u Isaïah u la lah ong mynshuwa, “Lada U Trai Badonbor Baroh um shym la ieh ïa ngi katto katne kiba hiarpateng, ngin jin da la long kum ka Sodom, ngin jin da la long kum ka Gomorrah.”

DEUTERONOMI 15:9

Wat kyntait ban ai kylliang ei ei ïa u, tang namar ba ka snem map ram ka la jan poi. Wat shah ba kum kata ka jingmut bymman kan rung ha phi. Lada phi kyntait ban ai kylliang, un sa kyang ha U Trai pyrshah ïa phi, te kan long pop ha phi.

KOLOSSAI 4:1

Ko ki kynrad, to long kiba beit bad kiba hok ha ka rukom kaba phi leh ïa ki mraw jong phi. Kynmaw ba ma phi ruh phi don U Kynrad ha bneng.