JAKOB 5:17 - Khasi CL Bible (BSI)

¹⁷ U Elijah u la long u briew kum ma ngi. U la duwai shitrhem ba kan ym hap slap, bad ym shym la hap slap halor ka khyndew haduh lai snem shiteng.

KA BAIBL

¹⁷ U Elias u la long u briew uba ïadei jinglong kum ngi; te u la duwai da ka jingduwai ba kan ym hap slap, te kam shym la hap slap ha kata ka khyndew, lai snem hynriew bnai;

JAKOB 5:17 ပူးပေါင်းရင်းမြစ်များ

1 SYIEM 17:1

U nongïathuhlypa uba kyrteng u Elijah, uba na Tishbe kaba ha Gilead, u la ong ha u Syiem Ahab, “Ha ka kyrteng U Trai, U Blei uba im jong ki Israel, ïa uba nga shakri, nga ong ha phi ba ha ki ar ne lai snem kiba bud yn ym don ka umjer lane u slap tad haduh ba ngan ong kumta.”

1 SYIEM 18:1

Hadien katto katne por, ha ka snem kaba lai jong ka jingrang ryngkhiang, U Trai u ong ha u Elijah, “Khie leit pyn-i ïa lade ha u syiem Ahab, bad ngan sa phah slap.”

LOUKAS 4:25

“Shahshkor ïa nga: Ka long kaba shisha ba ki don shibun ki riewkynthei ha Israel ha ka por jong u Elijah, haba ym shym la don slap haduh lai snem shiteng bad ba ka 'nemsniew bajur ka la saphriang kylleng ka ri baroh kawei.

KI KAM 10:26

Hynrei u Petros u la pynïeng ïa u. “To ïeng,” u la ong, “nga hi nga long tang u briew.”

KI KAM 14:15

“Balei phi leh ïa kane? Ngi hi ngi long tang ki briew kiba kum ma phi! Ngi don hangne ban pynbna ïa ka Khubor Babha, ban pynphai noh ïa phi na kine kiei kiei ki bymmyntoi sha U Blei uba im, uba la thaw ïa ka bneng, ïa ka khyndew, ïa ka duriaw, bad ïa baroh kat kaba don ha ki.

Ka Shithi U Paul Sha Ki Nong Rom 11:2

U Blei um shym la kyntait ïa la ki jong ki briew, ïa kiba u la jied naduh kaba sdang. Phi tip ïa kaei kaba ka Jingthoh Bakhuid ka ong ha ka jingïathuh shaphang u Elijah ba u ïasaid bad U Blei pyrshah ïa ki Israel:

JINGPYNPAW 11:6

Ki don ka bor ban set ïa ka sahit bneng ba yn ym hap slap ha ka por ba ki pynbna ïa ka khubor U Blei. Ki don ka bor ruh halor ki pukri um, ban pynkylla snam ïa ki; ki don ka bor ruh ban shoh ïa ka khyndew da kano kano ka jait khlam katba shong ka mon jong ki.