JAKOB 5:16 - Khasi CL Bible (BSI)

¹⁶ Namarkata, to phla ïa la ki pop iwei ha iwei pat, khnang ba yn pynkhiah ïa phi. Ka jingduwai jong u briew uba hok ka don ka bor kaba khraw.

KA BAIBL

¹⁶ To ïaphla noh paralok hi ïa la ki jingpalat, bad to ïaduwai na ka bynta paralok hi, ba yn dup pynkhiah ïa phi; ka jingkyrpad minot u bahok ka lah shibun.

JAKOB 5:16 ပူးပေါင်းရင်းမြစ်များ

JENESIS 19:29

Hynrei haba U Blei u la pynjot ïa ki nongbah jong kata ka them ha kaba u Lot u shong shnong, u la buh jingkynmaw ïa u Abraham, bad u la ailad ïa u Lot ban lait im.

JENESIS 20:17

Namar kaei kaba la jia ha ka Sarah, ka tnga jong u Abraham, U Trai u la pynlyngki ïa ki kynthei baroh ha ka ïingsyiem jong u Abimelekh. Kumta u Abraham u duwai na ka bynta u Abimelekh, bad U Blei u la pynkhiah ïa u. U la pynkhiah ruh ïa ka tnga jong u, bad ïa ki mraw kynthei jong u, ba kumta ki ruh ki lah ban ïoh khun.

JENESIS 20:7

Hynrei mynta, to pynphai noh ïa kato ka briew ha u tnga jong ka. U dei u nongïathuhlypa, bad un sa duwai na ka bynta jong me, ba kumta men ym ïap. Hynrei lada mem pynphai pat ïa ka, nga maham ïa me ba men ïap, ma me bad ki briew jong me baroh.”

JENESIS 32:28

Uta u briew u ong, “Ka kyrteng jong me kam long shuh u Jakob. Me la ïaleh bad U Blei bad ki briew, bad me la jop ruh; kumta ka kyrteng jong me kan long noh u Israel.”

2 SAMUEL 19:19

bad u ong, “Ko Syiem kynrad, to klet noh ïa ka jingbakla kaba nga la leh ha kato ka sngi kaba phi la iehnoh ïa ka Jerusalem. Wat buhnud ei ei pyrshah ïa nga lane pyrkhat shuh shaphang jong ka.

1 SYIEM 13:6

U Syiem Jeroboam u ong ha u nongïathuhlypa, “Sngewbha duwai na ka bynta jong nga ha U Trai U Blei jong phi, bad kyrpad ba un pynkhiah ïa ka kti jong nga!” U nongïathuhlypa u la duwai ha U Trai, bad la pynkhiah ïa ka kti jong u syiem.

2 KHRONIKL 30:20

U Trai u jubab ïa ka jingduwai jong u Hesekaïah, u la map ïa ki briew bad um shym pynshitom ïa ki.

Ka Kitab U Job 42:8

Mynta shim hynñiew tylli ki masi lyngraw bad hynñiew tylli ki langbrot shynrang bad leit sha u Job bad ai ïa ki kum ka jingkñia na ka bynta ïa lade. U Job un duwai na ka bynta jong me, bad ngan jubab ïa ka jingduwai jong u bad ngan ym pynjahburom ïa me kumba ka dei hok ïa me. Mem shym la kren ïa ka jingshisha shaphang jong nga kumba u la leh.”

SALM 34:15

U Trai u khmih sumar ïa kiba hok, bad u shahshkor ïa ki jingïam jong ki;

EKSODOS 17:11

Katba u Moses u dang rah shajrong ïa la ki kti, ki Israel ki jop, hynrei haba u pynhiar shapoh ïa la ki kti, ki Amalek ki jop.

EKSODOS 9:33

U Moses u mihnoh na u Pharaoh, u leit shabar ka nongbah, bad u la rah ïa la ki kti ha ka jingduwai ha U Trai. U pyrthat, u phria, bad u slap ki la sangeh.

PROBERB 15:29

Haba ki briew kiba bha ki duwai, U Trai u shahshkor, hynrei u long jngai ïa kito kiba leh sniew.

PROBERB 15:8

U Trai u sngewbha haba ki briew kiba bha ki duwai, hynrei u isih ïa ki jingkñia kiba ki bymman ki wallam ha u.

PROBERB 28:9

Lada phim kohnguh ïa ka hukum, U Blei un shem ïa ki jingduwai jong phi kiba ijli eh ban sngap.

JEREMAÏAH 15:1

Nangta U Trai u la ong ha nga, “Wat lada u Moses bad u Samuel kin ïeng hangne ban ïasaid bad nga, ngan ym pyn-i jingisynei ei ei ïa kine ki briew. Pynlong ïa ki ban leit noh; pynlong ïa ki ban phet noh na khmat jong nga.

JEREMAÏAH 33:3

“To khot kyrpad ïa nga, bad ngan jubab ïa phi; ngan ïathuh ïa phi kiei kiei kiba phylla bad kiba sngewphylla kiba phim shym la tip ei ei shaphang jong ki.

JINGKHEIÑ 11:2

Kita ki paidbah ki la kyang ha u Moses ban ïarap; u la duwai ha U Trai, bad ka ding ka la lip noh.

MATHAÏOS 21:22

Lada phi ngeit, phin ïohpdiang ïa kaei kaei kaba phi pan ha ka jingduwai.”

MATHAÏOS 3:6

Ki la phla ïa la ki pop, bad u la pynbaptis ïa ki ha ka wah Jordan.

MARKOS 1:5

Bun ki briew na ka probins jong ka Judia bad ka nongbah Jerusalem ki la leit ban ïohsngew ïa u Ïoannis. Ki la phla ïa la ki pop, bad u la pynbaptis ïa ki ha ka wah Jordan.

LOUKAS 9:6

Ki synran ki la mihnoh bad ki la leit lyngba ki nongrit baroh, ki da ïalap ïa ka Khubor Babha bad ki da pynkhiah ïa ki briew ha kylleng.

ÏOANNIS 9:31

Ngi tip ba U Blei um ju shahshkor ïa ki nongpop; u shahshkor ïa ki briew kiba burom ïa u bad ba leh ïa kaei kaba u kwah ïa ki ban leh.

KI KAM 10:38

Phi tip shaphang U Jisu uba na Nasareth bad kumno U Blei u la theh halor jong u ïa U Mynsiem Bakhuid bad ïa ka bor. U la leit kylleng, u da leh ki kam babha bad u da pynkhiah ïa baroh kiba la long hapoh ka bor jong u Ksuid, naba U Blei u la don lem bad u.

KI KAM 19:18

Kiba bun na kiba ngeit ki la ïawan, ki da phla ha kaba paw bad ki da pynpaw ïa kaei kaba ki la leh.

KI KAM 8:24

U Simon u la ong ha u Petros bad u Ïoannis, “Sngewbha duwai ha U Trai na ka bynta jong nga, khnang ba kawei ruh na kita kiei kiei kiba phi la kren kan ym jia ha nga.”

Ka Shithi U Paul Sha Ki Nong Rom 3:10

Kumba ki Jingthoh Bakhuid ki ong: “Ym don uno uno uba hok,

Ka Shithi U Paul Sha Ki Nong Rom 5:19

Bad kumba ïa baroh ki briew la pynlong ki nongpop na ka daw jong ka jingbymkohnguh jong uwei u briew, ha kajuh ka rukom yn pynïasuk ïa ki baroh bad U Blei na ka daw jong ka jingkohnguh jong uwei u briew.

KOLOSSAI 1:9

Na kane ka daw, ngi ju duwai borabor na ka bynta jong phi, naduh ba ngi la ïohsngew shaphang jong phi. Ngi kyrpad ïa U Blei ban pyndap ïa phi da ka jingtip ïa ka mon jong u, da ka jingstad baroh bad ka jingshemphang ba U Mynsiem jong u, u ai.

1 THESSALONI 5:17

duwai ha ki por baroh,

1 THESSALONI 5:23

To U Blei uba ai ha ngi ka jingsuk un pynlong ïa phi kiba khuid ha ki liang baroh bad un sumar ïa ka longrynïeng jong phi — ka mynsiem, ka jingim, bad ka met — kaba lait na kano kano ka jingbakla ha ka jingwan jong U Jisu Khrist uba U Trai jong ngi.

1 THESSALONI 5:25

Ko parabangeit, to duwai lem na ka bynta jong ngi.

HEBRU 11:4

Dei ka jingngeit kaba la pynlong ïa u Abel ban ainguh ha U Blei ïa ka jingkñia kaba kham bha ban ïa ka jong u Kain. Lyngba ka jingngeit jong u, u la ïohpdiang ka jingsngewbha U Blei kum u briew uba hok, namar U Blei hi u la pdiang ïa ki jingai sngewbha jong u. Da kata ka jingngeit, u Abel u dang ïai kren wat haba u la ïap.

HEBRU 11:7

Dei ka jingngeit kaba la pynlong ïa u Noah ban shahshkor ïa ki jingmaham U Blei shaphang kiei kiei ki ban sa jia ïa kiba um shym lah ban ïohi. U la kohnguh ïa U Blei bad u la thaw ïa ka ïinglieng ha kaba ma u bad ka longïing jong u ki la ïohlait im. Da kane, la pynrem ïa ka pyrthei, bad u Noah u la ïohpdiang na U Blei ïa ka hok kaba wan da ka jingngeit.

HEBRU 12:13

Da ïaid ha ki lynti kiba beit, khnang ba ïa kata ka kjat kaba dkoh yn ym pynduhbor noh, hynrei pynban, yn pynkoit keiñ ïa ka.

HEBRU 13:18

To ïai duwai namar jong ngi. Ngi sngewskhem ba ngi don ka jingïatiplem kaba khuid, namar ngi kwah ban leh ïa kaba dei ha ki por baroh.

JOSHUA 10:12

Ha ka sngi kaba U Trai u ai jingjop ïa ki Israel halor ki Amor, u Joshua u kren ha U Trai. Ha khmat ki Israel u ong, “Ko Sngi, to ïeng thik halor ka Gibeon, Ko Bnai, to sangeh ha ka Them Aijalon.”

1 PETROS 2:24

U Khrist da lade hi u la bah noh ïa ki pop jong ngi ha ka met jong u sha ka diengphna, khnang ba ngin ïap ïa ka pop bad ïoh im na ka bynta ka hok. Ka dei da ki jingjngem snam jong u ba la pynkhiah ïa phi.

1 ÏOANNIS 3:22

Ngi ïohpdiang na u ïa kano kano kaba ngi pan, namar ba ngi kohnguh ïa ki hukum jong u bad ngi leh ïa kaei kaba pynsngewbha ïa u.

1 SAMUEL 1:12

Ka Hannah ka la ïai duwai slem ha U Trai bad u Eli u nang khmih ïa ki rmiang shyntur jong ka.

1 SAMUEL 12:17

Mynta ka dei ka aïom rang ryngkhiang, ym dei? Hynrei ngan duwai, bad U Trai un phah ïa u pyrthat bad u slap. Haba kane ka wan jia, phin sa sngewthuh haduh katno phi la leh pop pyrshah ïa U Trai mynba phi pan syiem na u.”

1 SAMUEL 12:18

Kumta u Samuel u la duwai, bad U Trai u phah ïa u pyrthat bad u slap ha kata ka sngi. Te uta u paidbah baroh u la sheptieng ïa U Trai bad ïa u Samuel,