JAKOB 5:15 - Khasi CL Bible (BSI)

¹⁵ Kane ka jingduwai ba la pynlong ha ka jingngeit kan pynkhiah ïa u briew uba pang; U Trai un sa ai biang ha u ïa ka jingkoit jingkhiah, bad ïa ki pop kiba u la leh yn map.

KA BAIBL

¹⁵ te kata ka jingduwai ka jong ka jingngeit kan pynkhiah ïa uta u bapang, bad U Trai un pynïeng ïa u; bad lada u la leh ïa ki pop, ïa kita yn map noh ïa u.

JAKOB 5:15 ပူးပေါင်းရင်းမြစ်များ

ISAÏAH 33:24

Yn ym don uba shong ba sah ha ka ri jong ngi, u ban dang ud pang, bad ïa ki pop baroh yn map.

MATHAÏOS 17:20

“Ka la long namar phim don ka jingngeit kaba biang,” la jubab U Jisu. “Nga pynthikna ïa phi ba lada phi don ka jingngeit kaba heh kat u symbai tyrso, phi lah ban ong ïa une u lumrit, ‘Khie leit noh nangne shatai!’ bad un leit. Phi lah ban leh ïa kano kano!”

ÏOANNIS 5:14

Hadien kata, U Jisu u la shem ïa u ha ka Templ bad u la ong, “Peit shane, me la khiah mynta; te sangeh na kaba leh pop, ïoh kaei kaei kaba kham sniew ka lah ban jia ïa me.”

ÏOANNIS 6:39

Bad ka long ka mon jong uta uba la phah ïa nga ba ngam dei ban duh noh ïa uno uno na kita baroh kiba u la ai ha nga, hynrei ba nga dei ban pynmihpat ïa ki baroh ha ka sngi kaba khatduh.

1 KORINTH 1:21

Naba U Blei ha ka jingstad jong u, um shym la pynlah ïa ki briew ban ithuh ïa u da ka jingstad jong ki hi. Pynban da kata kaba la khot ka khubor “ba-ibieit” kaba ngi ïalap, U Blei u la ibit ban pynim ïa kito kiba ngeit ïa ka.

2 KORINTH 4:14

Ngi tip ba U Blei, uba la pynmihpat ïa U Trai Jisu na kiba ïap, un pynmihpat ïa ngi ruh lem bad U Jisu bad un ïalam ïa ngi, ryngkat bad phi, sha ka jingdon ryngkat jong u.

JAKOB 1:6

Hynrei haba phi duwai, phi dei ban ngeit bad ban ym artatien da lei lei. Uno uno uba artatien u long kum ka jingat phyllung ha ka duriaw ïa kaba la beh bad ba la pynshad kynting da ka lyer.

JAKOB 5:13

Hato don napdeng jong phi ba shem jynjar? U dei ban duwai. Hato don uba kmen? U dei ban rwai ïaroh.

JAKOB 5:16

Namarkata, to phla ïa la ki pop iwei ha iwei pat, khnang ba yn pynkhiah ïa phi. Ka jingduwai jong u briew uba hok ka don ka bor kaba khraw.