JAKOB 5:11 - Khasi CL Bible (BSI)

¹¹ Ngi khot ïa ki kiba suk namar ki la long kiba ïaishah. Phi la ïohsngew ïa ka jingïaishah u Job, bad phi tip kumno U Trai u la pyndap ïa u ha kaba kut. Naba U Trai u long uba dap da ka jinglehisynei bad jinglehsbun.

KA BAIBL

¹¹ Ha khmih, ngi ñiew suk ïa kita kiba ïaishah: phi la ïohsngew shaphang ka jingïaishah u Job, bad phi la ïohi ïa kata ka jingpynkut U Trai, ba U Trai u long uba dap da ka jingisynei, bad uba leh isynei thoiñ.

JAKOB 5:11 ပူးပေါင်းရင်းမြစ်များ

1 KHRONIKL 21:13

U Dabid u jubab ïa u Gad, “Nga don ha ka khim khait! Hynrei ngam kwah ba yn pynshitom ïa nga da ki briew. Ai ba U Trai da lade hi un long uta u ban pynshitom ïa nga, namar u long uba dap da ka jingisynei.”

2 KHRONIKL 30:9

Lada phi wan phai sha U Trai, te kito kiba la rah koidi ïa ki ba-ha-ïing ha-sem jong phi kin sngewsynei ïa ki, bad shah ïa ki ban wan phai pat sha ïing. U Trai U Blei jong phi u long uba sbun bad uba dap da ka jingisynei, bad lada phi wan phai sha u, un pdiang ïa phi.”

NEHEMAÏAH 9:17

Ki la kyntait ban kohnguh; ki la klet ïa baroh kaba me la leh; ki la klet noh ïa ki kambah kiba me la leh. Ha ka jingsarong jong ki, ki la jied u nongïalam ban ïalam biang ïa ki sha ka jinglongmraw ha Ijipt. Hynrei me long U Blei uba map; me long uba dap da ka jingaiei bad ka jingieit, uba suki ban bitar. Ka jingisynei jong me ka long kaba khraw; mem shym iehnoh ïa ki.

NEHEMAÏAH 9:31

Bad pynban, namar ka jingkhraw ka jingisynei jong me, mem shym iehnoh ne pynjot ïa ki. Me long U Blei ka jingaiei bad ka jingisynei!

Ka Kitab U Job 1:1

La don u briew uba kyrteng u Job, uba shong ba sah ha ka ri Us, uba mane ïa U Blei bad uba ïaineh ha u. U long u briew uba bha, uba kiar ban ym leh ïa kano kano kaba sniew.

Ka Kitab U Job 1:2

U la don hynñiew ngut ki khun shynrang bad lai ngut ki khun kynthei, bad u don ruh hynñiew hajar tylli ki langbrot, lai hajar tylli ki ut, shihajar tylli ki masi dab, bad sanspah tylli ki kada.

Ka Kitab U Job 2:10

U Job u jubab, “Pha kren bieit! Haba U Blei u phah ei ei kaba bha, ngi pdiang ïa kata. Kumno ngi lah ban khñium haba u phah ïa ki jingeh ha ngi?” Wat la u shah ïa ki jingjynjar baroh, u Job um shym la kren ei ei pyrshah ïa U Blei.

Ka Kitab U Job 23:10

Pynban U Blei u tip ïa ka jingjam baroh kaba nga shim; lada u tynjuh ïa nga, un shem ba nga long khuid.

SALM 103:13

Kumba u kpa u long uba sbun ïa ki khun jong u, kumjuh ruh U Trai u long uba sbun ïa kito kiba pyndonburom ïa u.

SALM 103:8

U Trai u long uba isynei bad uba dap da ka jingieit, uba suki ban bitar bad uba dap da ka jingieit baneh.

SALM 116:5

U Trai u long uba dap da ka jingisynei bad uba bha; U Blei jong ngi u long uba sngewlem.

SALM 119:132

To phai sha nga bad to isynei ïa nga, kumba me leh halor kito baroh kiba ieit ïa me.

SALM 145:8

U Trai u long uba dap da ka jingieit bad uba isynei, uba suki ban bitar bad uba dap da ka jingieit baneh.

SALM 37:37

Khmih thuh ïa u briew uba bha, wad bniah ïa u briew uba hok, u briew uba shongsuk shongsaiñ un don ki khun ki ksiew;

SALM 51:1

To isynei ïa nga, A Blei, namar ka jingieit baneh jong me. Namar ka jingisynei bakhraw jong me, to pyndam noh ïa ki pop jong nga!

SALM 78:38

Hynrei U Blei u la sngewsynei ïa ki briew jong u. U la map ïa ki pop jong ki bad um shym pynjot ïa ki. Bunsien u set noh ïa ka jingbitar jong u bad u tyngkai ïa ka jingbitar shla jong u.

SALM 86:15

Hynrei ma me, ko Trai, me long U Blei uba isynei bad uba ieit, uba ïaishah borabor, uba ïai lehsbun bad uba ïaineh.

SALM 86:5

Me long uba bha ïa ngi bad uba map ei, uba shlei da ka jingieit baneh ïa kito baroh kiba duwai sha me.

SALM 94:12

A Trai, katno suk long u briew uba me hikai, uta ha uba me hikai ïa ka aiñ jong me!

EKSODOS 34:6

U Trai u ïaid na khmat jong u, bad u pynbna, “Ma nga, U Trai, nga long U Blei uba dap da ka jinglehsbun bad jinglehisynei, uba suki ban bitar bad uba pyn-i ïa ka jingieit bakhraw bad ïa ka jingïaineh skhem.

EKLESIASTIS 7:8

Kaba kut jong kaei kaei ka kham bha ban ïa ka jingsdang jong ka. Ka jingïaishah ka kham bha ban ïa ka jingsarong.

ISAÏAH 63:7

Ngan ïathuh ïa ka jingieit baïaineh jong U Trai; ngan ïaroh ïa u ïa baroh kaba u la leh na ka bynta jong ngi. U la kyrkhu kyrhai ïa ki paid Israel namar ka jingisynei bad ka jingieit baneh jong u.

ISAÏAH 63:9

Ym dei u angel, hynrei dei U Trai hi uba pyllait im ïa ki. Ha ka jingieit bad ka jingisynei jong u, u la pyllait ïa ki. U la ju sumar ïa ki borabor ha ki por kiba mynshuwa,

SNGEWSYNEI 3:22

Ka jingieit baneh bad ka jingisynei jong U Trai ka ïaineh,

DANIEL 9:9

Me long uba dap da ka jingisynei bad uba map, wat la ngi la ïeng ïaleh pyrshah ïa me.

JOEL 2:13

Ai ba ka dohnud ba la pait jong phi kan pyn-i ïa ka jingsngewsih jong phi; kaba kad ïa ki jaiñphong jong phi kam biang.” To wan phai pat sha U Trai U Blei jong phi. U long uba sbun bad uba dap da ka jingisynei; u long uba ïaishah slem bad uba bat ïa la ka kular; u long borabor uba kloi ban map bad ym ban pynshitom.

JONAH 4:2

Kumta u la duwai, “A Trai, hato ngam la ong shuwa ba ngan mih na ïing ba kane ka dei kaei kaba men leh? Dei na kata ka daw ba nga la pyrshang tyngeh ban phet noh sha Spain! Nga la tip ba me long U Blei ka jingieit bad ka jingisynei, uba ïaishah slem, uba sbun borabor, bad uba kloi borabor ban kylla ïa la ka jingmut ban ym pynshitom.

MIKAH 7:18

Ym don uwei pat u blei kum ma me, A Trai; me map ïa ki pop jong ki briew jong me kiba la lait im. Mem neh junom ha ka jingbitar, hynrei me sngewbha haba me pynpaw ïa ka jingieit baïaineh jong me.

JINGKHEIÑ 14:18

‘Nga, U Trai nga long uba suki ban bitar, bad nga pyn-i ïa ka jingieit bakhraw bad ka jingïaineh bad map ïa ka pop bad ïa ka jingïaleh pyrshah. Nalorkata, ngam pep ban pynshitom ïa ki khun bad ki ksiew haduh kaba lai bad kaba saw pateng namar ki pop jong ki kmie ki kpa jong ki.’

MATHAÏOS 10:22

Baroh kin isih ïa phi namar jong nga. Hynrei uno uno uba ïeng skhem haduh kaba kut un lait im.

LOUKAS 1:50

na kawei ka pateng bynriew sha kawei pat u pyn-i ka jingisynei ha kito kiba pyndonburom ïa u.

LOUKAS 11:10

Naba uno uno uba pan un ïohpdiang, bad uta uba wad un shem, bad ïa ka jingkhang yn plie ïa uno uno uba tied.

LOUKAS 6:36

Long kiba sngewsynei kumba U Kpa jong phi u long uba sngewsynei.

Ka Shithi U Paul Sha Ki Nong Rom 2:4

Lane lehse phi ibeiñ ïa ka jingsbun bakhraw jong u, ka jingshah laitluid, bad ka jingïaishah. Da shisha phi tip ba U Blei u long uba sbun, namar u pyrshang ban ïalam ïa phi ban kylla-kaba-mut.

EPHESOS 1:6

To ngin ïaroh ïa U Blei namar ka jingaiei ba-dap da ka burom jong u, ïa ka jingai ei u la ai ha ngi ha U Khun uba ieit jong u!

EPHESOS 2:4

Hynrei ka jingisynei U Blei ka shlei katta katta, bad ka jingieit jong u ïa ngi ka long kaba khraw katta katta,

HEBRU 10:39

Ngim long ki briew kiba phai dien bad kiba jot noh. Pynban, ngi don ka jingngeit bad la pynim ïa ngi.

HEBRU 3:14

Naba ngi long baroh ki nongïoh bynta bad U Khrist lada ngi batskhem haduh kaba kut ïa kata ka jingsngewskhem kaba ngi la don naduh kaba sdang.

HEBRU 3:6

Hynrei, U Khrist u long uba lah ban shaniah kum U Khun uba dei peit ïa ka ïing U Blei. Ngi long ka ïing jong u lada ngi ïaineh ha ka jingshlur bad ngi long skhem ha kaei kaba ngi kyrmen.

JAKOB 1:12

Suk uta u briew uba ïaineh hapdeng ki jingtynjuh, namar ynda u jop haba u la ïaid lyngba ïa kaba kum kata ka jingtynjuh, un ïohpdiang kum ka bainong jong u ïa ka jingim kaba U Blei u la kular ha kito kiba ieit ïa u.

JAKOB 1:2

Ko parabangeit jong nga, to ñiew ïa lade ba phi long kiba donbok eh haba phi ïakynduh ïa ki jingtynjuh kiba bun ha ka lynti ka jingim jong phi, naba phi tip ba haba ka jingngeit jong phi ka jop haba ïashem kum kita ki jingtynjuh, ka jingmih ka long ka jinglah ban ïaishah.

1 PETROS 1:13

Kumta te, to ai ba ki jingmut jong phi kin pynkhreh ban treikam. To long adkar bad buh ïa ka jingngeit jong phi baroh phar ha ka jingkyrkhu ïa kaba yn sa ai ha phi haba ïa U Jisu Khrist yn pynpaw.

1 PETROS 3:14

Hynrei wat lada phi hap ban shahshitom haba phi leh ïa kaei kaba dei, katno kiba kmen phi long! Wat sheptieng ïano ïano, bad wat khuslai.

2 PETROS 2:9

Bad kumta U Trai u tip kumno ban pyllait im ïa ki briew kiba riewblei na ki jingtynjuh jong ki bad kumno ban pynhap ïa ki bymman ha ka jingpynshitom ha ka Sngi ka Jingbishar, khamtam ïa kito kiba beh ïa ki jingkwah brai jakhlia jong ka met bad kiba ñiewbeiñ ïa ka bor synshar jong U Blei.