JAKOB 5:1 - Khasi CL Bible (BSI)

¹ Bad mynta, phi ki briew kiba riewspah, to shahshkor ïa nga! to ïam bad to lynñiar ïa ki jinglanot ki ban wan hap ha phi!

KA BAIBL

¹ To mynta phi ki bariewspah, to ïam da lynñiar eh namar kita ki jinglanot khop jong phi kiba wan ha phi.

JAKOB 5:1 ပူးပေါင်းရင်းမြစ်များ

SALM 17:14

pynim ïa nga na kito kiba ha kane ka pyrthei ki don lut ïa kaba ki kwah. Pynshitom ïa ki da ki jingshitom kiba me la kynton na ka bynta jong ki; Ai ba kan dap na ka bynta ki khun ki kti jong ki bad katto katne kaba sah na ka bynta ki khun jong ki khun jong ki!

PROBERB 11:28

Kito kiba shaniah ha ka spah jong ki, kin hap kum ki sla jong ka synrai, hynrei kiba hok kin roi kyrhai kum ki sla jong ka lyiur.

PROBERB 11:4

Ka spah kan ym lah ban leh ïa kaei kaei kaba bha ha ka sngi ba phi ïashem ïa ka jingïap, hynrei ka jinglehhok kan pyllait ïa ka jingim jong phi.

ISAÏAH 13:6

To ud ha ka jingpang! Ka sngi ka jong U Trai ka la hajan, ka sngi ha kaba U Badonbor Baroh u wallam ka jingpynjot.

ISAÏAH 15:3

Ki briew ha ki lynti bah ki la kup da ki jaiñ khain, ha ki jaka paidbah jong ka nongbah bad halor ki tnum ïing ki briew ki ïambriew bad kyang.

JEREMAÏAH 4:8

Kumta to kup ka jaiñ khain, bad to ïam bad ud sngewsih namar ka jingbitar shla jong U Trai kam shym la phai noh na ka Judah.

JEREMAÏAH 9:23

U Trai u ong, “Ki rangbah bastad kim dei ban kob sarong ïa ka jingstad jong ki, lymne ki rangbah bakhlaiñ ïa ka jingkhlaiñ jong ki, lymne ki rangbah bariewspah ïa ka spah jong ki.

ESEKIEL 19:2

A katno kmie jong phi ka la long kum ka sing! Ka la pynheh pynsan ïa ki khun jong ka hapdeng ki sing shynrang kiba ishyrkhei.

ESEKIEL 30:2

“Ko khun u briew,” u la ong, “to ïathuhlypa bad pynbna ïa kaei kaba ma nga, U Trai Nongsynshar, nga ong. Men pyrta ïa kine ki ktien: “Ka sngi kaba sngewtriem kan wan!

JOEL 1:11

To sngewsih, phi ki nongrep; to ïam, phi kiba sumar ïa ki bri sohwaiñ, namar u kew, u barli, ho-oid, ïa baroh ki jingthung la pynjot.

JOEL 1:13

To phong ki jaiñ khain bad to ïam, phi ki lyngdoh kiba shakri ha ka duwan! To leit sha ka Templ bad to ïamkthang baroh shi miet! Ym don kew lane waiñ ban ainguh ha U Blei jong phi.

JOEL 1:5

To kyndit na kaba ïohthiah bad to ïam, phi ki nongbuaid; to ïam, phi ki nongdih kyiad; ïa ki sohwaiñ ban shna waiñ thymmai la pynjot.

MIKAH 6:12

Ki briew bariewspah jong phi ki kjit na kiba duk, bad baroh ki long ki nongshukor.

SEPHANAÏAH 1:18

Ha ka sngi haba U Trai un pyn-i ïa ka jingbitar shla jong u, wat ka rupa bad ka ksiar jong ki baroh kan ym lah ban pynim ïa ki. Ïa ka pyrthei baroh kawei yn pynjot da ka ding ka jingbitar jong u. Un pynkut — ka jingkut kaba kynsan — ïa uwei pa uwei uba im ha ka pyrthei.

DEUTERONOMI 32:15

“Ki briew U Trai ki la riewspah, hynrei kiba ïaleh pyrshah; ki la sngaid bad ki la dap bha da ka jingbam. Te ki la iehnoh ïa U Blei uba la thaw ïa ki, bad ki la kyntait ïa u nongpynim bakhrawbor jong ki.

JAKOB 1:11

Ka sngi ka mih lem bad ka jingshit kyr-ang bad ka thang ïa u jingthung; u syntiew jong u, u hap noh, bad ka jingitynnat jong u ka jah noh. Ha kajuh ka rukom ïa uba riewspah yn pynjot noh katba u dang don ha ka kam jong u ba u trei.

JAKOB 2:6

Hynrei phim ñiewburom ïa kiba duk! Kiei kita kiba khñiot beiñ ïa phi bad ba ïalam ïa phi ha khmat ki nongbishar? Kiba riewspah keiñ!

JAKOB 4:13

Mynta to shahshkor ïa nga, phi kiba ong, “Mynta ka sngi ne la shai ngin ïaleit sha kata ka nongbah, ha kaba ngin sah haduh shisnem bad ngin ïakhaïi bad ngin ïakamai shibun ka pisa.”

JAKOB 4:9

To leh sngewsih, to ïam, bad to ïamkthang; to pynlong ïa ka jingrkhie ban kylla sha ka jingïam, ka jingkmen sha ka jingsngewdiaw!