JAKOB 4:9 - Khasi CL Bible (BSI)

⁹ To leh sngewsih, to ïam, bad to ïamkthang; to pynlong ïa ka jingrkhie ban kylla sha ka jingïam, ka jingkmen sha ka jingsngewdiaw!

KA BAIBL

⁹ To phin sngewlanot khop, bad to phin sngewsih, bad to phin ïam: to ai ba yn pynkylla noh ïa kata ka jingrkhie jong phi sha ka jingïam, bad ïa kata ka jingkmen jong phi sha ka jingsngewsih.

JAKOB 4:9 ပူးပေါင်းရင်းမြစ်များ

NEHEMAÏAH 8:9

Haba u paidbah u ïohsngew ïa kaei kaba ka Hukum ka dawa ïa ki, la pynkhih ïa ki dohnud jong ki bad ki sdang ban ïam. Kumta u Nehemaïah, uba long u lat, u Esra, uba long u lyngdoh bad u riewstad ka Hukum, bad ki Lebi kiba dang batai ïa ka Hukum, ki la ong ha u paidbah, “Kane ka sngi ka long kaba khuid ha U Trai U Blei jong phi, kumta phim dei ban sngewsih ne ïam.

Ka Kitab U Job 30:31

Haba shisien mynshuwa nga la ïohsngew ïa ki sur bakmen, mynta nga ïohsngew tang ka jingïambriew bad ka jingïam.

SALM 119:136

Ki ummat jong nga ki tuid kum ka wah, namar ki briew kim kohnguh ïa ka aiñ jong me.

SALM 119:67

Ha shuwa ba men pynshitom ïa nga, nga la ju ïaid sakma; hynrei mynta nga kohnguh ïa ka ktien jong me.

SALM 119:71

Ka jingpynshitom jong nga ka la long kaba bha ïa nga, namar ka pynlong ïa nga ban nang ïa ki hukum jong me.

PROBERB 14:13

Ka jingrkhie ka lah ban buhrieh ïa ka jingkhuslai. Haba ka jingkmen ka la jah, ka jingsngewsih ka dang ïai don hangta.

EKLESIASTIS 2:2

Nga la shem ba ka jingrkhie ka dei ka jingbieit, ba ka jingsngewbha kam wanrah kaei kaei kaba bha ïa phi.

JEREMAÏAH 31:13

Nangta ki samla kynthei kin shad bad kin kmen, bad ki shynrang, kiba samla bad kiba tymmen, kin shadkmen. Ngan pyntngen ïa ki bad pynkylla ïa ka jingïambriew sha ka jingkmen, ïa ka jingsngewsih jong ki sha ka jingsngewbha.

JEREMAÏAH 31:9

Ki briew jong nga kin wan phai da kaba ïam, da kaba duwai katba nga ïalam ban wan phai pat. Ngan ïalam ïa ki sha ki wahduid, ha ka lynti kaba beit ha kaba kin ym jynthut. Nga long kum u kpa ïa ki Israel, bad u Ephraim u long u khun banyngkong eh jong nga.”

SNGEWSYNEI 5:15

Ka jingkmen ka la duh noh na ki jingim jong ngi; ka jingsngewsih ka la shim ïa ka jaka jong ki jingshad jong ngi.

ESEKIEL 16:63

Ngan map ïa ki jingbakla baroh kiba pha la leh, hynrei phan kynmaw ïa ki bad sngewlehrain palat ban ang ïa la ka shyntur.” U Trai Nongsynshar u la kren.

ESEKIEL 7:16

Ki don ki ban phet ïap sha ki lumbah kumba ki lyngdkhur kiba sheptieng na ki jaka them. Baroh na ki kin ïam sngewsih namar ki pop jong ki.

MATHAÏOS 21:41

“Da shisha un pynïap ïa kito ki briew kiba sniew,” ki la jubab, “bad un aiwai ïa ka bri sohwaiñ ha kiwei pat ki nongshimwai, ki ban ai ha u ïa ka bhah jong u na ka jingkheit ha ka por kaba biang.”

MATHAÏOS 5:4

Suk kito kiba sngewsih; U Blei un pyntngen ïa ki!

LOUKAS 16:25

“Hynrei, u Abraham u la ong, ‘To kynmaw, ko khun jong nga, ba ha ka por ka jingim jong me la ai ha me ïa baroh kiei kiei kiba bha, katba u Lasaros u la ïohpdiang ïa kiei kiei baroh kiba sniew. Hynrei mynta u lehkmen ïa lade hangne, katba me don ha ka jingshitom.

LOUKAS 6:21

Suk ma phi kiba thngan mynta; yn pyndap ïa phi! Suk ma phi kiba ïam mynta; phin rkhie!

LOUKAS 6:25

Katno kaba shyrkhei ïa phi kiba pahuh mynta; phin sa thngan! Katno kaba shyrkhei ïa phi kiba rkhie mynta; phin sngewsih bad phin ïam!