JAKOB 4:8 - Khasi CL Bible (BSI)

⁸ To wan hajan U Blei, bad un wan hajan jong phi. To sait ïa la ki kti, ko phi ki nongpop! To pynkhuid ïa la ki dohnud, phi kiba arsap!

KA BAIBL

⁸ To wan hajan ïa U Blei, te un wan hajan ïa phi. To thet noh ïa la ki kti, ko phi ki bapop, bad to pynkhuid noh ïa la ki dohnud, ko phi kiba synrop mynsiem.

JAKOB 4:8 ပူးပေါင်းရင်းမြစ်များ

JENESIS 18:23

U Abraham u wan hajan U Trai, bad u kylli, “Hato men shu pynjot noh ïa kiba hok ruh ryngkat bad ki bymman?

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

2 KHRONIKL 15:2

U la ong, “Shahshkor ïa nga, ko syiem Asa, bad phi u paidbah baroh jong ka Judah bad Benjamin! U Trai u long lem bad phi katba phi dang ïailong bad u. Lada phi ap khmih ïa u, un shah ba phin shem ïa u, hynrei lada phi phai na u, un iehnoh noh ïa phi.

Ka Kitab U Job 16:17

hynrei ngam shym la shah kynnoh pop ïa kano kano ka jingïaleh pynmynsaw, bad ka jingduwai jong nga sha U Blei ka long kaba beit.

Ka Kitab U Job 17:9

Kito kiba dawa ba ki long kiba donburom ki la nang sngewdei shuh shuh ba kim shym la bakla.

Ka Kitab U Job 9:30

Ym don sabon kaba lah ban sait ïa ki pop jong nga.

SALM 119:113

Nga isih ïa kito ki bym shaniah tylli ha me, hynrei nga ieit ïa ka aiñ jong me.

SALM 145:18

U long hajan kito kiba khot kyrpad ïa u, kiba khot kyrpad ïa u da ka dohnud kaba beit.

SALM 18:20

U Trai u ainong ïa nga namar nga leh ïa kaba dei; u kyrkhu ïa nga namar ba nga long uba lui lui.

SALM 24:4

Kito kiba khuid ha ka kam bad ka jingpyrkhat, ki bym shym mane ïa ki bleithaw lane pynlong ki jingkular thala.

SALM 26:6

A Trai, nga sait ïa la ki kti ban pyn-i ba nga long uba lui lui bad nga ïaid sawdong ka duwan ha kaba mane ïa me.

SALM 51:10

To pynlong ïa ka dohnud basngur hapoh jong nga, A Blei, bad buh ïa ka mynsiem kaba thymmai bad ba-beit hapoh jong nga.

SALM 73:13

Hato ka dei ïa ka bym don ei ei, ba nga la sumar khuid ïa lade bad ba ngam shym la leh pop?

SALM 73:28

Hynrei ïa nga, katno kaba phylla ban don hajan U Blei, ban shem ka jingïada bad U Trai U Nongsynshar bad ban pynbna ïa baroh kaba u la leh!

ISAÏAH 13:15

Ïa uno uno uba shah kem yn dung pynïap.

ISAÏAH 29:13

U Trai u la ong, “Kine ki briew ki ong ba ki mane ïa nga, hynrei ki ktien jong ki kim don jingmut ei ei, bad ki dohnud jong ki, ki long shawei pat. Ka niam jong ki kam long ei ei, hynrei ka long tang ki aiñ bad ki rukom briew, kiba ki shu spel lyndet.

ISAÏAH 58:2

Ki mane ïa nga man la ka sngi, ki da kam ba ki thrang ban tip ïa ki lynti jong nga bad kohnguh ïa ki aiñ jong nga. Ki ong ba ki kwah ïa nga ban ai ïa ki aiñ kiba beit bad ba ki shem sngewbha ha kaba mane ïa nga.”

JEREMAÏAH 4:11

Ka por ka wan ha kaba ïa ki briew jong ka Jerusalem yn ïathuh ba ka lyer khluit ka beh shapoh sha ki na ka ri shyiap. Kan ym long ka lyer kaba jai jai kaba shu beh pynher noh ïa u stait —

JEREMAÏAH 4:14

A Jerusalem, to sait noh ïa ka jingsniew na ka dohnud jong pha, khnang ba pha lah ban ïohlait im. Sa katno phan dang ïai pyrkhat ïa ki jingpyrkhat bashlei da ka pop?

SNGEWSYNEI 3:57

Me la jubab ïa nga bad ong ïa nga ban ym sheptieng.

ESEKIEL 18:31

To iehnoh ïa kaba sniew baroh kaba phi leh bad pynïoh ïa lade ki jingmut bad ka dohnud kiba thymmai. Balei ma phi ki Israel phi kwah ban ïap?

SEKHARAÏAH 1:3

hynrei mynta nga ong ha phi, ‘To wan phai sha nga bad ngan wan phai sha phi.

MALAKHI 3:7

Ma phi, kum ki kpa tymmen jong phi ha shuwa jong phi, phi la phai noh na ki aiñ jong nga bad phim shym la sumar ïa ki. To phai pat sha nga, bad ngan phai sha phi. Hynrei phi kylli, ‘Kaei ba ngi dei ban leh ban phai pat sha me?’

MATHAÏOS 12:33

“Ban ïoh ïa u soh uba bha phi dei ban don u dieng uba plung bha; lada phi don u dieng uba swai, phin ïoh u soh uba sniew. Ïa u dieng la tip da u jait soh ba u pynmih.

MATHAÏOS 15:2

“Balei ba ki synran jong me kim kohnguh ïa ka jinghikai ba la ai pateng da ki kpa tymmen jong ngi? Kim ju thet ïa la ki kti ha ka rukom kaba dei ha shuwa ba kin bam!”

MATHAÏOS 27:24

Haba u Pilat u la ïohi ba kam donkam ban pynjlan, hynrei ba kan pynmih pynban ka jingkhynwin, u la shim khyndiat ka um, u la thet ïa la ki kti ha khmat u paidbah, bad u la ong, “Ngam don jingkitkhlieh na ka bynta ka jingïap jong une u briew! Kane ka dei ka jingleh jong phi!”

KI KAM 15:9

Um shym la pynïapher ei ei hapdeng jong ngi bad ki; u la map ïa ki pop jong ki namar ba ki la ngeit.

2 KORINTH 7:1

Ïa kine ki jingkular baroh la pynlong na ka bynta jong ngi, ko ki paralok ba-ieit jong nga. Te namarkata, to ngin pynkhuid ïa lade na kaei kaei baroh kaba pyntngit ïa ka met bad mynsiem, bad to ai ba ngin im ka jingim kaba khuid da kaba im ha ka jingtiengburom ïa U Blei.

1 TIMOTHI 2:8

Ha man la ka jingshakri ha ka balang, nga kwah ba ki rangbah kin duwai, ki briew kiba la pynkyntang sha U Blei bad kiba lah ban rah ïa la ki kti ha ka jingduwai khlem jingbitar lane ka jingïakajia.

HEBRU 10:22

Kumta to ngin wan sha jan U Blei da ka dohnud kaba sngur bad da ka jingngeit kaba skhem, da ki dohnud ïa kiba la pynkhuid na ka jingsngew rem ryngkat bad ki met ïa kiba la sait da ka um kaba khuid.

HEBRU 7:19

Naba ka Hukum u Moses kam lah ban pynlong janai ïa kano kano. Bad mynta la ai ïa ka jingkyrmen kaba kham bha da kaba ngi lah ban wan sha jan U Blei.

JAKOB 3:17

Hynrei ka jingstad kaba wan najrong nyngkong eh ka long kaba sngur; ka long kaba pynïashong suk, kaba jemnud bad kaba pynlong paralok; ka dap da ka jinglehisynei bad ka pynmih ïa ka jingseisoh ha ki kam babha; ka lait na ka jingshah shiliang bad ka jingarsap.

1 PETROS 1:22

Mynta ba da ka jingkohnguh jong phi ha ka jingshisha phi la pynkhuid ïa lade bad ïa ka ban don ka jingieit parabangeit ba khlem arsap, to phin da ieit shitrhem paralok da la ka dohnud baroh.

1 PETROS 3:21

kaba long ka dak kaba kdew sha ka jingpynbaptis, kaba pyllait im ïa phi mynta. Kam dei ka jingsait noh ïa ka jakhlia na ka met, hynrei ka jingkular ba la pynlong sha U Blei na ka jingïatiplem babha. Ka pynim ïa phi da ka jingmihpat jong U Jisu Khrist,

1 ÏOANNIS 3:3

Uwei pa uwei uba don ïa kane ka jingkyrmen ha U Khrist, u ri khuid ïa lade, kumba U Khrist u long uba khuid.

1 SAMUEL 14:35

U Saul u tei ka duwan ha U Trai; ka duwan kaba nyngkong kaba u la tei.