JAKOB 4:7 - Khasi CL Bible (BSI)

⁷ Kumta te, to pyndem ha U Blei. To ïaleh pyrshah ïa u Bymman, bad un phet ïap noh na phi.

KA BAIBL

⁷ Namar kata, to da pynkohnguh ïa lade ha U Blei; hynrei, to ïaleh pyrshah ïa u Soitan, te un phet ïap noh na phi.

JAKOB 4:7 ပူးပေါင်းရင်းမြစ်များ

2 SAMUEL 15:26

Hynrei lada um sngewbha ïa nga — te, ai un leh ïa nga katba u ibit.”

2 KHRONIKL 30:8

Wat long kiba mutlop kum ma ki, hynrei to kohnguh ïa U Trai. Wan sha ka Templ ha Jerusalem ïa kaba U Trai U Blei jong phi u la pynlong khuid junom, bad to mane ïa U, ba kumta phin un ym bitar shuh ïa phi.

Ka Kitab U Job 1:21

U ong, “La kha ïa nga lyngkhuit khlem don ei ei bad ngan ïap lyngkhuit khlem don ei ei. U Trai u la ai, bad mynta u la shim noh. To ai ba yn ïaroh ïa ka kyrteng jong u!”

SALM 66:3

To ong ha U Blei, “A katno kiba phylla long kiei kiei kiba me leh! Ka bor jong me ka long kaba khraw katta katta ba ki nongshun jong me ki dem ngon ha ka jingsheptieng ha khmat jong me.

SALM 68:30

To dumok ïa ka Ijipt, kata ka mradkhlaw hapoh ki khah; to dumok ïa ki jaitbynriew, kita ki kynhun jong ki masi kyrtong bad ki khun jong ki, tad haduh ma ki baroh kin dem ngon bad ai ha me ïa ka rupa jong ki. Pynsakma ïa kito ki briew kiba ieit ban ïaleh thma!

JEREMAÏAH 13:18

U Trai u la ong ha nga, “To ïathuh ïa u syiem bad ïa ka kmie jong u ban wan hiar na ki khet jong ki, namar ba ki pansngiat ba-itynnat jong ki, ki la hap noh na ki khlieh jong ki.

DANIEL 4:25

Yn beh noh ïa phi na ka imlang ka sahlang u bynriew bad phin shong phin sah bad ki mradkhlaw. Hynñiew snem phin bam phlang kum u masi dab, bad thiah ha bym don jingkah ei ei, ha kaba ka umjer kan hap halor jong phi. Te phin pdiang ba U Blei Bahakhlieh Tam Eh u bat synshar ïa baroh ki hima ki briew, bad ba u lah ban ai ïa ki ha uno uno uba u jied.

DANIEL 4:32

Ïa me yn beh noh na ka imlang ka sahlang u bynriew, men shong men sah bad ki mradkhlaw, bad bam phlang kum u masi dab haduh hynñiew snem. Nangta men pdiang ba U Blei Bahakhlieh Tam Eh u don ka bor halor baroh ki hima ki briew bad ba u lah ban ai ïa ki ha uno uno uba u jied.”

MATHAÏOS 11:29

To shim ïa ka lyngkor jong nga bad buh ïa ka halor jong phi, bad to hikai na nga, namar nga long uba jemnud bad uba sngewrit ha ka mynsiem; bad phin shem ka jingjahthait.

KI KAM 26:19

“Bad kumta, ko syiem Agrippa, ngam shym la long u bymkohnguh ïa ka jingïohipaw kaba nga la ïoh na bneng.

KI KAM 9:6

“Hynrei, ïeng joit bad leit rung shapoh ka nongbah, ha kaba yn ïathuh ïa me ïa kaei kaba me dei ban leh.”

Ka Shithi U Paul Sha Ki Nong Rom 10:3

Kim shym la tip ïa kata ka lynti kaba U Blei u pynlong ka jingïadei hapdeng ki briew bad ma u hi, bad pynban, ki la pyrshang ban thaw hi da la ka jong ka lynti; bad kumta kim shym la pyndem ïa lade ha ka lynti U Blei ban pynlong ka jingïadei bad ki.

Ka Shithi U Paul Sha Ki Nong Rom 14:11

Naba ka Jingthoh Bakhuid ka ong, “Kumba da shisha nga long U Blei ba-im, ong U Trai, baroh kin dem khohsiew ha khmat jong nga, bad baroh kin phla ba nga long U Blei.”

EPHESOS 4:27

Wat ailad ïa u Soitan.

EPHESOS 5:21

To pyndem ïa lade iwei ha iwei pat namar ka jingsheptieng burom jong phi ïa U Khrist.

EPHESOS 6:13

Kumta to kieng mynta ïa ka jingkieng atiar U Blei! Nangta haba ka sngi basniew ka wan, phin lah ban ïeng ïaleh pyrshah ïa ki bor ïaleh u nongshun; bad hadien ba ka jingïaleh ka la kut, phin dang ïeng skhem ha ka nongrim jong phi.

HEBRU 12:9

Ha kaba ïadei bad ki kpa jong ngi ha kane ka pyrthei, ki sneng sympat ïa ngi bad ngi burom ïa ki. Katno tam, te, ngi dei ban pyndem ha U Kpa ba kynja mynsiem jong ngi bad ïoh im.

1 PETROS 2:13

Na ka bynta U Trai, to pynkohnguh ïa lade ha ki bor synshar baroh: Ha u Patsha uba long ka bor kaba ha khlieh tam,

1 PETROS 5:6

To phin pynrit ïa lade, namarkata, hapoh ka kti badonbor U Blei, khnang ba un ïoh kyntiew ïa phi shajrong ha ka por kaba biang jong u hi.

1 SAMUEL 3:18

Kumta u Samuel u ïathuh ha u nadong shadong; um shym buhrieh ei ei shuh na u. U Eli u ong, “U long U Trai; ieh un leh katba u sngewbit ïa u.”