JAKOB 4:6 - Khasi CL Bible (BSI)

⁶ Hynrei ka jingaiei kaba U Blei u ai ka long kaba kham khlaiñ shuh shuh. Kumba ka Jingthoh Bakhuid ka ong, “U Blei u pyrshah ïa kiba sarong, hynrei u ai ïa ka jingaiei ha kiba sngewrit.”

KA BAIBL

⁶ Hynrei, u ai ïa ka jingaiei ba kham bun: naba kumta la ong: “U Blei u ïaleh pyrshah ïa kiba sngewkhraw, hynrei, ha kiba sngewrit u ai ka jingaiei.”

JAKOB 4:6 ပူးပေါင်းရင်းမြစ်များ

2 KHRONIKL 32:26

Khatduh pat u Hesekaïah bad ki briew ka Jerusalem ki pynrit ïa lade, bad kumta U Trai um shym pynshitom ïa ki briew haduh hadien ka jingïap u Hesekaïah.

2 KHRONIKL 33:12

Ha ka jingshitom jong u, u la pynrit ïa lade, u phai sha U Trai U Blei jong u, bad u kyrpad ïa ka jingïarap jong u.

2 KHRONIKL 33:19

Ka jingduwai u syiem bad ka jingjubab U Blei ïa ka, bad ka jingthoh shaphang ki pop kiba u la leh ha shuwa ba un kylla-kaba-mut — ka jingsniew kaba u la leh, ki jaka mane blei thala bad ki durblei jong ka blei Asherah kaba u la thaw bad ki bleithaw kiba u la mane — baroh la buh jingthoh ha Ka Histori jong ki Nongïathuhlypa.

2 KHRONIKL 33:23

Hynrei ym kum u kpa jong u, um shym long uba pynrit ïa lade bad phai sha U Trai; u kham long uba pop ban ïa kaba long u kpa jong u.

2 KHRONIKL 34:27

bad to kylla-kaba-mut bad pynrit ïa lade ha khmat jong nga, da kaba kad ïa la ki jaiñ bad da kaba ïam, haba me ïohsngew kumno nga la byrngem ban pynshitom ïa ka Jerusalem bad ïa ki briew jong ka.

Ka Kitab U Job 22:29

U Blei u pynhiar ïa kiba sarong bad u pyllait im ïa uba sngewrit.

SALM 138:6

Wat la me long hajrong eh, me sumar ïa kiba rangli, bad kiba sarong kim lah ban rieh na me.

SALM 9:12

U Blei u kynmaw ïa kito kiba shahshitom; um ju klet ïa ka jingkyang jong ki, bad u pynshitom ïa kito kiba leh bymdei ïa ki.

EKSODOS 18:11

Mynta nga tip ba U Trai u kham khraw ban ïa ki blei baroh, namar u la leh ïa kane mynba ki nong Ijipt ki la lehbeiñ shaba palat ïa ki Israel.”

PROBERB 15:33

Ka jingtiengburom ïa U Trai ka long ka jinghikai na ka hi. Phi dei ban long kiba sngewrit ha shuwa ba phin ïoh ïa ki jingkyntiew burom.

PROBERB 18:12

Ym don uno uno uba ïoh burom lymda u long uba sngewrit; ki briew kiba meng ki don ha ka lynti sha ka jingjot.

PROBERB 22:4

To kohnguh ïa U Trai, da kaba pynrit, bad phin ïoh ïa ka spah, ka burom, bad ka jingim kaba jlan.

PROBERB 29:23

Ka jingsngewmeng kan wanrah ïa ka jinghap jong phi, hynrei lada phi long kiba sngewrit, yn burom ïa phi.

PROBERB 3:34

Um donkam ïa kiba sarong, hynrei u lehsbun ïa kito kiba sngewrit.

ISAÏAH 2:17

Ïa ka jingsarong ba kynja briew yn pynkut bad ïa ka jinglehmeng ki briew yn pynjot. Ki bleithaw kin jah noh plain, bad tang ïa U Trai yn kyntiew burom ha kata ka sngi.

ISAÏAH 54:7

“Tang shipor nga la iehnoh ïa pha; da ka jingieit kaba jylliew ngan shim pat ïa pha.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

DANIEL 4:37

“Bad mynta, ma nga, u Nebukhadnessar, nga ïaroh, nga pyndon burom, bad nga ai burom ïa U Syiem jong ka Bneng. Kaei kaei baroh kaba u leh ka long kaba dei bad kaba hok, bad u lah ban pynhiar ïa uno uno uba leh sarong.”

MATHAÏOS 13:12

Naba ha u briew uba don ei ei yn nang ai shuh shuh, khnang ba un ïoh kham bun; hynrei ha u briew u bym don ei ei yn shim noh na u wat ïa kaba rit tam kaba u don.

MATHAÏOS 23:12

Ïa uno uno uba pynkhraw ïa lade yn pynrit, bad ïa uno uno uba pynrit ïa lade yn pynkhraw.”

LOUKAS 1:52

U la pynhiar ïa ki syiem bakhrawbor na ki khet jong ki, bad u la kyntiew shajrong ïa kiba rangli.

LOUKAS 14:11

Naba ïa uno uno uba pynkhraw ïa lade, yn pynrit; bad ïa uno uno uba pynrit ïa lade, yn pynkhraw.”

LOUKAS 18:14

Nga ong ha phi,” U Jisu u la ong, “u nonglum khajna, bad ym u Pharisi, uba don ha ka liang kaba dei bad U Blei haba u leit noh sha ïing. Naba ïa uno uno uba pynkhraw ïa lade yn pynrit, bad ïa uno uno uba pynrit yn pynkhraw.”

JAKOB 4:10

To phin pynrit ïa lade ha khmat U Trai, bad un pynkhraw ïa phi.

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”

1 SAMUEL 2:3

Sngap noh na kaba kren kob; sngap jar na kaba kren meng. Naba U Trai u long U Blei uba tip lut, bad u bishar ïa ki jingleh ki briew baroh.