JAKOB 4:5 - Khasi CL Bible (BSI)

⁵ Wat pyrkhat ba kam don ka jingshisha ha ka Jingthoh Bakhuid kaba ong, “Ka mynsiem kaba U Blei u la buh hapoh jong ngi ka dap da ki jingkwah kiba jur.”

KA BAIBL

⁵ Ne phi mut ba Ka Jingthoh ka ong lehnohei? “Kata ka mynsiem ba u pynshong ha ngi ka kwah eh kat ban sngewpihuiñ”?

JAKOB 4:5 ပူးပေါင်းရင်းမြစ်များ

JENESIS 26:14

Namar ba u don shibun ki kynhun langbrot bad ki kynhun masi, bad bun ngut ki shakri, ki Philistia ki la bishni ïa u.

JENESIS 30:1

Hynrei ka Rakhel kam shym ïoh khun na u Jakob, kumta ka la bishni ïa la ka hynmen, bad ka ong ha u Jakob, “Ai khun ïa nga, lane ngan ïap noh.”

JENESIS 37:11

Ki hynmen u Joseph te ki la bishni ïa u, hynrei u kpa jong u, u ïai puson shaphang kata baroh.

JENESIS 38:9

Hynrei u Onan u la tip ba ki khun kin ym long ki jong u, kumta haba u ïathiah shongkha bad ka tnga u hynmen jong u, u pynhap noh ïa la u symbai sharud, khnang ban yn ym pynïoh khun ïa u hynmen jong u.

JENESIS 6:5

Haba U Trai u la ïohi haduh katno ka jingsniew jong uwei pa uwei u briew ha ka pyrthei bad katno ki jingmut jingpyrkhat bymman jong ki ha ki por baroh,

JENESIS 8:21

Ka jingiw jong ka jingkñia ainguh ka la pynsngewbha ïa U Trai, bad U la ong ha lade, “Lano lano ruh ngan ym buh ïa ka pyrthei hapoh ka jingtim namar kaei kaba ki briew ki leh; nga tip ba naduh ba ki dang samla, ki jingpyrkhat jong ki, ki long kiba sniew. Lano lano ruh ngan ym pynjot shuh ïa ki jingthaw ba-im baroh, kumba nga la leh ha kane ka sien.

SALM 106:16

Hangta ha ka ri shyiap ki la pihuiñ ïa u Moses bad u Aaron, ki shakri bakhuid jong U Trai.

SALM 37:1

Wat pynkhuslai namar ki bymman, wat bishni ïa ki nongleh bymhok.

PROBERB 21:10

Ki briew ba-bymman ki kwah borabor ïa kaba sniew; kim don jingisynei ïano ïano ruh.

EKLESIASTIS 4:4

Nga la tip ruh balei ba ki briew ki trei shitom ban jop: Ka dei namar ba ki bishni ïa kiei kiei kiba ki paramarjan jong ki, ki don. Hynrei ka long ka bymmyntoi. Ka long kum ka jingbeh ïa ka lyer.

ISAÏAH 11:13

Ka hima Israel kan ym bishni shuh ïa ka Judah, bad ka Judah kan ym long shuh ka nongshun jong ka Israel.

JINGKHEIÑ 11:29

U Moses u jubab, “Hato me pyrkhat lem shaphang kiei kiei kiba ïadei bad nga? A ban da U Trai u ai ïa la ka bor mynsiem ha ki briew jong u baroh bad u pynlong ïa ki ban pyrta jam kum ki nongïathuhlypa!”

JINGKHEIÑ 23:19

U Blei um long kum ki briew, kiba kren lamler; Um long kum u briew uba kylla la ka jingmut. Kat kaba u kular, u pyndep; U kren, bad la pyndep ïa kata.

ÏOANNIS 10:35

Ngi tip ba ïa kaei kaba ka Jingthoh Bakhuid ka ong, ka long kaba shisha junom; bad U Blei u la khot ïa kito ki briew ki blei, ki briew ha kiba U Blei u la ai ïa ka khubor jong u.

ÏOANNIS 19:37

Bad don sa kawei pat ka Jingthoh Bakhuid kaba ong, “Ki briew kin ïakhmih ïa uta ïa uba ki la sum.”

ÏOANNIS 7:42

Ka Jingthoh Bakhuid ka ong ba U Messaïah un long uba hiarpateng na u Syiem Dabid bad yn kha ïa u ha Bethlehem, ka shnong ha kaba u Dabid u la im.”

KI KAM 7:9

“Ki khun shynrang jong u Jakob ki la bishni ïa u Joseph u para jong ki bad ki la die ïa u ban long u mraw ha Ijipt. Hynrei U Blei u la don lem bad u bad u la pyllait ïa u na ki jingjynjar jong u baroh.

Ka Shithi U Paul Sha Ki Nong Rom 1:29

La pyndap ïa ki da baroh ki jait jingbymman, ka jingsniew, ka jingkwah lalot bad ka jingthala; ki dap da ka jingbishni, ka jingpynïap briew, ka jingïaleh, ka jingshukor, ka jingshun.

Ka Shithi U Paul Sha Ki Nong Rom 9:17

Naba ka Jingthoh Bakhuid ka ong ïa u syiem ka Ijipt, “Nga la pynlong syiem ïa me khnang ban pyndonkam ïa me ban pyn-i ïa ka bor jong nga bad ban pynphriang ïa ka nam jong nga ha ka pyrthei baroh kawei.”

1 KORINTH 6:19

Hato phim tip ba ka met jong phi ka long ka jaka shong U Mynsiem Bakhuid, uba shong hapoh jong phi bad ïa uba la ai ha phi da U Blei?

2 KORINTH 6:16

Kumno ka templ jong U Blei kan don jingïateh bad ki bleithaw? Naba ngi long ka templ jong U Blei uba im! Kumba U Blei da lade hi u la ong, “Ngan pynlong ïa ka ïing jong nga bad ki briew jong nga bad ngan shong hapdeng jong ki; ngan long U Blei jong ki, bad kin long ki briew jong nga.”

GALATIA 3:8

Ka Jingthoh Bakhuid ka la ong lypa ba U Blei un pynksan ïa ki Jentil ha lade hi da ka jingngeit. Bad kumta ka Jingthoh Bakhuid ka pynbna ïa ka khubor babha ha u Abraham: “Lyngba jong me, U Blei un kyrkhu ïa ka jaitbynriew baroh.”

TITOS 3:3

Naba ngi ruh ngi la long shisien kiba bieit, ki bymkohnguh bad kiba leh bakla. Ngi la long ki mraw ha ki jingkwah brai bad ki jingsngewbha babun jait. Ngi la pynlut ïa la ka jingim ha ka jingsniew bad jingpihuiñ; kiwei ki la isih ïa ngi bad ngi la isih ïa ki.