JAKOB 4:3 - Khasi CL Bible (BSI)

³ Bad haba phi pan, phim ïoh ïa ka, namar ki jingthmu jong phi ki long kiba sniew; phi pan ïa kiei kiei ban pyndonkam na ka bynta ki jingsngewbha jong phi hi.

KA BAIBL

³ Phi pan, te phim ïoh pdiang, naba phi pan bymdei, khnang ba phin ïoh pynlut keiñ ha kita ki jingkwah brai jong phi.

JAKOB 4:3 ပူးပေါင်းရင်းမြစ်များ

1 SYIEM 3:11

bad kumta u ong ha u, “Namar ba me la pan ïa ka jingstad ban synshar hok, ha ka jaka ka jingim bajlan na ka bynta ïa lade lane ka spah lane ka jingïap ki nongshun jong me, ngan leh ïa kaba me la pan.

Ka Kitab U Job 35:12

Ki pyrta ban ïoh jingïarap, hynrei U Blei um jubab, naba ki long kiba sarong bad ba-bymman.

SALM 18:41

Ki kyang ban ïoh jingïarap, hynrei ym don mano mano ba pyllait im ïa ki; ki khot kyrpad ïa U Trai, hynrei um jubab.

PROBERB 1:28

Hangta kin sa khot kyrpad ïa ka jingstad, hynrei ngan ym jubab; phin sa wan wad ïa nga kylleng sawdong, hynrei phin ym shem ïa nga.

PROBERB 15:8

U Trai u sngewbha haba ki briew kiba bha ki duwai, hynrei u isih ïa ki jingkñia kiba ki bymman ki wallam ha u.

PROBERB 21:13

Lada phi kyntait ban shahshkor ïa ka jingud kiba duk, ïa ka jingkyang jingïarap jong phi hi yn ym don ba ïohsngew.

PROBERB 21:27

U Trai u ijli ïa kata, haba ki briew ba-bymman ki ai ki jingkñia ha u, khamtam lada ki leh ïa kata na ki jingthmu bymman.

JEREMAÏAH 11:11

Kumta mynta, ma nga, U Trai, nga maham ïa ki ba ngan wanrah ka jingpynjot halor jong ki, bad kin ym lah ban lait. Bad haba ki kyang sha nga ban ïoh jingïarap, ngan ym shahshkor ïa ki.

JEREMAÏAH 11:14

Ko Jeremaïah, wat duwai ha nga lane ïasaid bad nga na ka bynta kine ki briew. Haba ki don ha ka jingjynjar bad ki pyrta sha nga ban ïoh jingïarap, ngan ym shahshkor ïa ki.”

JEREMAÏAH 14:12

Wat lada ki shahjingit, ngan ym shahshkor ïa ki jingkyang jong ki ban ïoh jingïarap; bad wat lada ki ai ïa nga ki jingainguh thang bad ki jingainguh bam, ngan ym sngewbha ïa ki. Pynban ngan pynïap ïa ki ha ka thma bad da ka jingïapthngan bad ka jingpang.”

MIKAH 3:4

Ka por kan poi haba phin kyang sha U Trai, hynrei un ym jubab ïa phi. Un ym sngap ïa ki jingduwai jong phi, naba phi la leh ïa kaba sniew.

SEKHARAÏAH 7:13

Namar ba kim shym la shahshkor mynba nga la kren, ngam shym la jubab mynba ki la duwai.

MATHAÏOS 20:22

“Phim tip ïa kaei kaba phi pan,” U Jisu u la jubab ïa ki khun shynrang jong ka. “Hato phi lah ban dih ïa ka khuri ka jingshah shitom ïa kaba ngan sa dih?” “Ngi lah,” ki la jubab.

MARKOS 10:38

U Jisu u la ong ïa ki, “Phim tip ïa kaei kaba phi pan. Hato phi lah ban dih na ka khuri jong ka jingshahshitom kaba nga dei ban dih? Hato phi lah ban shah pynbaptis ha ka rukom ba ka dei ïa nga ban shah pynbaptis?”

LOUKAS 11:10

Naba uno uno uba pan un ïohpdiang, bad uta uba wad un shem, bad ïa ka jingkhang yn plie ïa uno uno uba tied.

LOUKAS 15:13

Hadien khyndiat sngi, u khun ba kham rit u la die ïa ka bynta jong ka jingdon jingem jong u bad u la mihnoh na ïing lem bad ka pisa. U la leit sha ka ri kaba jngai, ha kaba u la pynsyrwa ei ïa ka pisa jong u ha ka jingim ba-thurmur.

LOUKAS 15:30

Hynrei une u khun jong phi u la pynsyrwa ei ïa ka jingdon jingem jong phi ha ki nuti, bad haba u wan phai pat sha ïing, phi pynïap na ka bynta jong u ïa u khun masi uba la pynsngaid!’

JAKOB 4:1

Nangno ki mih ki thma bad ki jingïakajia hapdeng jong phi? Ki mih na ki jingkwah brai jong phi ïa ka jingsngewbha, kiba ïai ïaleh hapoh jong phi.

1 ÏOANNIS 3:22

Ngi ïohpdiang na u ïa kano kano kaba ngi pan, namar ba ngi kohnguh ïa ki hukum jong u bad ngi leh ïa kaei kaba pynsngewbha ïa u.

1 ÏOANNIS 5:14

Ngi don ka jingshlur ha khmat U Blei, namar ngi sngewskhem ba u ïohsngew ïa ngi lada ngi kyrpad ïa u na ka bynta kano kano kaba long kat kum ka mon jong u.