JAKOB 4:2 - Khasi CL Bible (BSI)

² Phi kwah ei ei, hynrei phim ïoh ïa kita, kumta phi pynïap; phi da kwah eh, hynrei phim lah ban ïoh ïa kita, kumta phi ïania bad phi ïaleh thma. Phim ïoh ïa kaei kaba phi kwah, namar ba phim pan na U Blei ïa ka.

KA BAIBL

² Phi kwah eh, bad phim ïoh: phi pynïap noh bad phi sngewpihuiñ, te phim lah ban ïoh; phi ïania bad phi ïaleh thma, hynrei, phim ïoh, namar ba phim pan.

JAKOB 4:2 ပူးပေါင်းရင်းမြစ်များ

1 SYIEM 21:6

U jubab, “Namar ïa kaei kaba u Naboth u ong ïa nga. Nga la tyrwa ban thied ïa ka bri sohwaiñ jong u, lane, lada u sngewdei, ban ai ïa u da kawei pat ha ka jaka jong ka, hynrei u ong ïa nga ba ngam lah ban ïoh ïa ka!”

PROBERB 1:19

Ka jinglute borabor ka shim noh ïa ka jingim jong u nonglute — kane ka dei kaba ju jia ha uno uno uba im da ka jingleh jubor.

EKLESIASTIS 4:8

Hangne don uwei uba shong basah marwei. Um don khun shynrang lymne u para, pynban u ïai trei, um ju sngewhun ïa ka spah kaba u don. Na ka bynta jongno ba u trei shitom haduh katta katta bad ba u khanglad ïa lade hi na kano kano ka jingpynsngewbha? Kane ruh ka long ka bymmyntoi — bad ka lynti ba-isangsot ban im.

ISAÏAH 7:12

U Ahas u jubab, “Ngan ym pan ïa ka dak. Nga kyntait ban tynjuh ïa U Trai.”

HABAKKUK 2:5

Ka spah ka long kaba shukor. Ki briew kiba lalot ki long kiba sarong bad bym lah ban shong khop — kum ka jingïap hi da lei lei kim ju hun. Namarkata ki jop ïa kawei ka hima hadien kawei pat na ka bynta ïa lade.

ÏOANNIS 16:24

Haduh mynta phim ju pan ei ei ha ka kyrteng jong nga; to pan bad phin ïohpdiang, khnang ba ka jingkmen jong phi kan ïoh long kaba dap pura.

ÏOANNIS 4:10

U Jisu u la jubab, “Lada pha tang shu la tip ïa kaei kaba U Blei u ai bad uei uta uba pan umdih na pha, phan jin da la pan na u, bad u un jin da la ai ha pha ïa ka um kaba ai jingim.”

JAKOB 1:5

Hynrei lada uno uno na phi u duna ïa ka jingstad, u dei ban duwai ha U Blei, u ban ai ïa ka ha u; namar U Blei u ai kylluid bad ai ei ïa baroh.

JAKOB 5:6

Phi la pynrem bad phi la pynïap ïa ki briew kiba lui lui, bad kim shym pyneh ïa phi.

1 ÏOANNIS 3:15

Uno uno uba isih ïa la u hynmen u para u long u nongpynïap briew, bad phi tip ba u nongpynïap briew um pat ïoh ka jingim bymjukut ha u.