JAKOB 4:12 - Khasi CL Bible (BSI)

¹² Dei tang U Blei uba long u nongai hukum bad u nongbishar. Dei tang ma u hi uba lah ban pynim bad ban pynjot. Hato phi pyrkhat ba phi dei uei, ban bishar ïa la u parabriew?

KA BAIBL

¹² Don tang uwei u nongai hukum bad u nongbishar, uba lah ban pynim bad ban pynjot: ma me, me long uei ba me bishar ïa uwei pat?

JAKOB 4:12 ပူးပေါင်းရင်းမြစ်များ

Ka Kitab U Job 38:2

Me dei uei uba kylli ïa ka jingstad jong nga da ka jingbymtip jong me, ki ktien ba-thylli?

ISAÏAH 33:22

Baroh ki tyllai teh ha kito ki liengbah kim don jingmyntoi; ki jaiñ pdiang lyer kim lah ban pyiar! Ngin knieh noh ïa baroh ka spah jong ki kynhun shipai nongshun, bad kan bun haduh katta katta ba wat ki briew kiba dkoh ruh kin ïa-ïoh bynta. U Trai hi da lade un long u syiem jong ngi; un synshar halor jong ngi bad un ïada ïa ngi.

MATHAÏOS 10:28

Wat sheptieng ïa kito kiba pynïap ïa ka met hynrei ki bym lah ban pynïap ïa ka mynsiem; hynrei to sheptieng ïa U Blei, uba lah ban pynjot ïa ka met bad ka mynsiem ha dujok.

LOUKAS 12:5

Ngan pyn-i ha phi ïano ban sheptieng: To sheptieng ïa U Blei, uba, hadien ka jingpynïap, u don ka bor ban bret sha ka dujok. To ngeit ïa nga, u long ma u uta uba phi dei ban sheptieng!

Ka Shithi U Paul Sha Ki Nong Rom 14:13

Te kumta, to ngin sangeh noh na kaba ïabishar uwei ïa uwei pat. Hynrei phi dei ban kut jingmut ban ym leh ïa kaei kaei lano lano ruh ka ban pynlong ïa u parabangeit jong phi ban jynthut lane hap ha ka pop.

Ka Shithi U Paul Sha Ki Nong Rom 14:4

Phi dei uei ban bishar ïa u shakri jong uwei pat? U dei u Kynrad jong u hi u ban rai lada un jop ne un rem. Bad un jop, namar U Trai u lah ban pynlah ïa u ban jop.

Ka Shithi U Paul Sha Ki Nong Rom 2:1

Hato, ko paralok jong nga, phi bishar ïa kiwei pat? Phim lah lait satia, lada phi long uei uei ruh. Namar haba phi bishar ïa kiwei bad nangta phi leh ïa kijuh kiei kiei kiba ki leh, phi pynrem ïa lade.

Ka Shithi U Paul Sha Ki Nong Rom 9:20

Hynrei phi, phi long uei, ko paralok jong nga, ban jubab kylla ïa U Blei? U khiew khyndew um lah ban kylli ïa u briew uba la thaw ïa u, “Balei ba me thaw ïa nga kumne?”

HEBRU 7:25

Bad kumta u long uba lah, mynta bad borabor, ban pynim ïa kita kiba wan sha U Blei da u, namar u im junom ban ïasaid bad U Blei na ka bynta jong ki.

JAKOB 5:9

To wat ïakren khñium paralok hi, ko parabangeit jong nga, ba U Blei un ym bishar ïa phi. U Nongbishar u la jan, u la kloi ban wanpaw.

1 SAMUEL 25:10

Nangta ki la ap hangta, bad u Nabal ha kaba khatduh u la jubab, “U Dabid? Uei uta? Ngam pat ju ïohsngew ïa u! Ha kine ki sngi ka ri ka dap da ki mraw kiba phet na la ki kynrad!