JAKOB 4:10 - Khasi CL Bible (BSI)

¹⁰ To phin pynrit ïa lade ha khmat U Trai, bad un pynkhraw ïa phi.

KA BAIBL

¹⁰ To phin pynrit ïa lade ha khmat U Trai, te un pynkhraw ïa phi.

JAKOB 4:10 ပူးပေါင်းရင်းမြစ်များ

2 KHRONIKL 7:14

lada ki duwai sha nga bad ki kylla-kaba-mut bad phai noh na ki kam bymman ba ki leh, te ngan shahshkor ïa ki na bneng, ngan map ïa ki pop jong ki, bad ngan pynmanbha biang ïa ka ri jong ki.

Ka Kitab U Job 22:29

U Blei u pynhiar ïa kiba sarong bad u pyllait im ïa uba sngewrit.

Ka Kitab U Job 5:11

Ho-oid, dei U Blei uba kyntiew ïa uba sngewrit bad u ai jingkmen ïa baroh kiba sngewsih.

SALM 113:7

U kyntiew ïa kiba duk na ka khyndew; u rah ïa kiba kyrduh na ka jingsangsot jong ki,

SALM 147:6

U kyntiew ïa kiba sngewrit, hynrei u pynlwet ïa ki bymman ha ka khyndew.

SALM 27:6

Kumta ngan ïoh jop halor ki nongshun kiba ker sawdong ïa nga. Ryngkat bad ki jingrisa jingkmen ngan ai ki jingkñia ha ka Templ jong u; ngan rwai, ngan ïaroh ïa U Trai.

SALM 28:9

Pynim ïa ki briew jong me, A Trai, bad kyrkhu ïa kito kiba dei ki jong me. Long u nongaplangbrot jong ki, bad sumar bha ïa ki junom.

SALM 30:1

Nga ïaroh ïa me, A Trai, namar me la ri pynim ïa nga bad khang ïa ki nongshun jong nga na kaba leh risa halor jong nga.

EKSODOS 10:3

Kumta u Moses bad u Aaron ki leit sha u Pharaoh, bad ki ong ha u, “U Trai, U Blei jong ki Hebru, u ong, ‘Sa katno te men kyntait ban pyndem ha nga? Pyllait ïa ki briew jong nga ba kin ïoh mane ïa nga.

PROBERB 29:23

Ka jingsngewmeng kan wanrah ïa ka jinghap jong phi, hynrei lada phi long kiba sngewrit, yn burom ïa phi.

ESEKIEL 21:26

Ma nga, U Trai Nongsynshar, nga la kren. To law noh ïa la ka pansngiat bad ka jaiñspong jong me. Yn ym don kaei kaei ruh ka ban sah kumjuh. Kyntiew ïa kiba duk sha ka bor! Pynhiar ïa kito kiba synshar!

MATHAÏOS 23:12

Ïa uno uno uba pynkhraw ïa lade yn pynrit, bad ïa uno uno uba pynrit ïa lade yn pynkhraw.”

LOUKAS 1:52

U la pynhiar ïa ki syiem bakhrawbor na ki khet jong ki, bad u la kyntiew shajrong ïa kiba rangli.

LOUKAS 14:11

Naba ïa uno uno uba pynkhraw ïa lade, yn pynrit; bad ïa uno uno uba pynrit ïa lade, yn pynkhraw.”

LOUKAS 18:14

Nga ong ha phi,” U Jisu u la ong, “u nonglum khajna, bad ym u Pharisi, uba don ha ka liang kaba dei bad U Blei haba u leit noh sha ïing. Naba ïa uno uno uba pynkhraw ïa lade yn pynrit, bad ïa uno uno uba pynrit yn pynkhraw.”

1 PETROS 5:6

To phin pynrit ïa lade, namarkata, hapoh ka kti badonbor U Blei, khnang ba un ïoh kyntiew ïa phi shajrong ha ka por kaba biang jong u hi.

1 SAMUEL 2:7

U pynduk ïa ki katto katne bad u pynriewspah ïa kiwei pat; U pynrit ïa ki katto katne bad u pynkhraw ïa kiwei pat.

1 SAMUEL 2:9

“U ïada ïa ka jingim jong kito kiba shaniah ha u, hynrei kiba bymman kin shu jah lngaid ha ka jingdum; u briew u jop ym da ka bor la jong.