JAKOB 4:1 - Khasi CL Bible (BSI)

¹ Nangno ki mih ki thma bad ki jingïakajia hapdeng jong phi? Ki mih na ki jingkwah brai jong phi ïa ka jingsngewbha, kiba ïai ïaleh hapoh jong phi.

KA BAIBL

¹ Nangno ki wan ki jingïaleh thma, bad nangno ki jingïania hapdeng jong phi? Ym nangta hi, na kita ki jingkwah brai jong phi kiba ïaleh thma ha kita ki dkhot jong phi?

JAKOB 4:1 ပူးပေါင်းရင်းမြစ်များ

JEREMAÏAH 17:9

“Mano ba lah ban shemphang ïa ka dohnud briew? Ym don kano kano kawei pat kaba shukor katta katta; ka pang jur eh ban ïa kaba ïoh jingkoit.

MATHAÏOS 15:19

Namar na ka dohnud jong u ki mih ki jingpyrkhat basniew kiba ïalam ïa u ban pynïap briew, ban klim, bad ban leh ïa kiwei kiwei ki kam bajakhlia; ban lute, ban lamler, bad ban kren sniew ïa kiwei.

ÏOANNIS 8:44

Phi, phi long ki khun jong u kpa jong phi, u Ksuid, bad phi da kwah ban bud ïa kiba u kpa jong phi u sngewbha. Naduh kaba mynnyngkong u la long u nongpynïap briew bad um ju ïeng ha ka liang jong ka jingshisha, namar ha u kam don ka jingshisha. Haba u ïathuh ïa ka jingshukor, u leh ïa kaei kaba long tynrai ha u, namar u long uba lamler bad u kpa ki jingshukor baroh.

Ka Shithi U Paul Sha Ki Nong Rom 7:23

Hynrei nga ïohi ïa ka hukum kaba pher kaba trei hapoh ka met jong nga — ka hukum kaba ïaleh pyrshah ïa ka hukum kaba ka jingmut jong nga ka mynjur. Ka pynlong ïa nga u koidi ïa ka hukum jong ka pop kaba trei ha ka met jong nga.

Ka Shithi U Paul Sha Ki Nong Rom 7:5

Naba haba ngi la im ka jinglong kum ki briew, ki jingkwah bapop ba la pynkhih da ka Hukum ki trei ha ki met jong ngi, bad baroh kaba ngi leh ka kut ha ka jingïap.

Ka Shithi U Paul Sha Ki Nong Rom 8:7

Bad kumta u briew u long u nongshun jong U Blei haba u shah pynïaid ha ka jinglong ba kynja doh; namar um kohnguh ïa ka hukum U Blei, bad ha ka jingshisha um lah ban kohnguh ïa ka.

GALATIA 5:17

Ïa kaei kaba ka jinglong ba kynja briew jong ngi ka kwah ka long marpyrshah ïa kaei kaba U Mynsiem u kwah, bad kaei kaba U Mynsiem u kwah ka long marpyrshah ïa kaei kaba ka jinglong ba kynja briew jong ngi ka kwah. Kine ar ki ïalong nongshun, bad kane ka mut ba phim lah ban leh ïa kaei kaba phi kwah ban leh.

KOLOSSAI 3:5

Phi dei ban pynïap troiñ, te, ïa ki jingkwah brai ba kynja pyrthei kiba trei hapoh jong phi, kum ka jingawria, ka jingkhlem-akor, ka jingkwah brai, ki jingkwah basniew, bad ka jinglalot (naba ka jinglalot ka long kawei pat ka dur jong ka jingmane bleithaw).

2 TIMOTHI 2:23

Hynrei to kiar noh na ki jingïatainia ba-bieit bad ba khlem jingmut; me tip ba ki kut ha ka jingïakajia.

TITOS 3:3

Naba ngi ruh ngi la long shisien kiba bieit, ki bymkohnguh bad kiba leh bakla. Ngi la long ki mraw ha ki jingkwah brai bad ki jingsngewbha babun jait. Ngi la pynlut ïa la ka jingim ha ka jingsniew bad jingpihuiñ; kiwei ki la isih ïa ngi bad ngi la isih ïa ki.

TITOS 3:9

Hynrei to kiar noh na ki jingïasaid ba-bieit, na ka thup kyrteng ki kpa tymmen, na ki jingïania bad ki jingïaleh shaphang ka Hukum. Kine ki long ki bymmyntoi bad kiba sep-ei.

JAKOB 1:14

Hynrei u briew u shah pynshoi haba u shah ring pah bad shah riam ha ki jingkwah brai jong u hi.

JAKOB 4:3

Bad haba phi pan, phim ïoh ïa ka, namar ki jingthmu jong phi ki long kiba sniew; phi pan ïa kiei kiei ban pyndonkam na ka bynta ki jingsngewbha jong phi hi.

1 PETROS 1:14

To kohnguh ïa U Blei, bad wat shah ba ïa ka jingim jong phi yn pynwandur da kito ki jingkwah brai kiba phi la ju don mynba phi dang don ha ka jingbymtip.

1 PETROS 2:11

Nga kyrpad ïa phi, ko ki paralok jong nga, kum ki sohshnong bad ki nongphetwir ha kane ka pyrthei! Wat aiti noh ha ki jingkwah brai jong ka doh, kiba long borabor ha ka jingïaleh thma pyrshah ïa ka mynsiem.

2 PETROS 2:18

Ki kren ïa ki jingkren sarong bad ba-mutlop, bad ki riam pah da ki jingkwah brai jong ka doh ïa ki briew kiba dang shu sdang ban phet ïap napdeng ki briew kiba im ha ka jingleh bymdei.

2 PETROS 3:3

Nyngkong eh, phi dei ban sngewthuh ba ha kine ki sngi kiba khatduh yn don ki briew kaba ïa ka jingim jong ki la tyllep da ki jingkwah brai jong ki hi.