JAKOB 3:9 - Khasi CL Bible (BSI)

⁹ Ngi pyndonkam ïa u ban ainguh ïa U Trai bad U Kpa jong ngi bad ban tim ruh ïa la u parabriew, ïa uba la thaw ha ka dur U Blei.

KA BAIBL

⁹ Da une hi, ngi kyrkhu ïa U Blei uba U Kpa; bad da une hi, ngi tim noh ïa ki briew, ïa kiba la thaw kat kum ka dur U Blei.

JAKOB 3:9 ပူးပေါင်းရင်းမြစ်များ

JENESIS 5:1

Kane ka dei ka thup kyrteng jong ki khun ki ksiew u Adam. (Mynba U Blei U la thaw ïa ki briew, u la thaw ïa ki ha ka dur jong U hi.

JENESIS 9:6

Ïa ki briew la thaw ha ka dur jong U Blei hi, kumta uno uno uba pynïap ïa uwei na ki, u ruh un shah pynïap ha uwei pat.

2 SAMUEL 16:5

Haba u Syiem Dabid u la wan poi ha Bahurim, uwei na ki ba-ha-ïing jong u Saul, u Shimei, u khun jong u Gera, u la wan ïakynduh ïa u, u da tim ïa u katba u dang wan.

2 SAMUEL 19:21

U Abishai, u khun jong ka Seruïah u la kren, “Ïa u Shimei dei ban pynïap namar ba u la tim ïa uta uba U Trai u la jied kum u syiem.”

1 KHRONIKL 29:10

Hangta ha khmat uta u paidbah baroh, u syiem Dabid u ïaroh ïa U Trai. U ong “A Trai U Blei jong ki kpa tymmen jong ngi, ai ba yn ïaroh ïa me junom la junom!

1 KHRONIKL 29:20

Nangta u Dabid u la hukum ïa u paidbah, “Ïaroh ïa U Trai U Blei jong phi!” Bad kiba la ïalumlang baroh ki la ïaroh ïa U Trai, U Blei jong ki kpa tymmen jong ki, bad ki la pyndem la ki khlieh bad ai burom ïa U Trai bad ruh ïa u syiem.

SALM 10:7

Ka jingkren jong u, ka dap da ki jingtim, ki jinglamler, bad ki jingbyrngem; u kloi ban kren ki kyntien kiba dap da ka jingisih bad ka jingsniew.

SALM 108:1

Nga don ka jingshaniah tylli, A Blei! Ngan rwai bad ïaroh ïa me! To khie noh, ko ka mynsiem jong nga!

SALM 145:1

Ngan pynbna ïa ka jingkhraw jong me, A U Blei bad u syiem jong nga; ngan ainguh ïa me junom la junom.

SALM 145:21

Ngan ïaroh ïa U Trai borabor; to ai ba ki jingthaw jong u baroh kin ïaroh ïa ka kyrteng bakhuid jong u junom.

SALM 16:9

Bad kumta nga dap da ka jingsngewnguh bad ka jingkmen, bad nga sngewshngain nadong shadong,

SALM 30:12

Kumta ngan ym sngap jar; ngan rwai ïaroh ïa me. A Trai, me long U Blei jong nga, ngan ai ka jingsngewnguh ïa me junom.

SALM 34:1

Ngan ïai ainguh ïa U Trai borabor; ngan ym sangeh ban ïai ïaroh ïa u.

SALM 35:28

Te ngan pynbna ïa ka hok jong me, bad ngan ïaroh ïa me baroh shi sngi.

SALM 51:14

To pynsah ïa ka jingim jong nga, A Blei, bad pyllait im ïa nga, bad ngan pynbna da kaba kmen ïa ka hok jong Me.

SALM 57:8

To khie noh, ko mynsiem jong nga! To khie noh, ko ka duitara bad ka jingtem ksai jong nga! Ngan kyrsiew ïa ka sngi.

SALM 59:12

Ka pop ka don ha ki rmiang shyntur jong ki; ki ktien jong ki baroh ki long kiba dap da ka pop; to ai ba yn lap ïa ki ha ka jingsarong jong ki! Namar ki tim bad ki shukor,

SALM 62:4

Phi kwah tang ban tan shapoh na ka kyrdan donburom jong u; phi sngewbha ha ki jinglamler. Phi kren ki kyntien kyrkhu, hynrei ha ka dohnud jong phi, phi tim ïa u.

SALM 63:4

Ngan ainguh ïa me katba nga dang im; ngan rah ïa la ki kti sha me ha ka jingduwai.

SALM 71:24

Ngan kren shaphang ka hok jong me baroh shi sngi, namar kito kiba pyrshang ban pynmynsaw ïa nga ki la shahjop bad shah pynlehrain.

EKLESIASTIS 7:22

bad phi tip ïa lade ba phi la ibeiñ ïa kiwei ki briew bun bunsien.

ISAÏAH 29:13

U Trai u la ong, “Kine ki briew ki ong ba ki mane ïa nga, hynrei ki ktien jong ki kim don jingmut ei ei, bad ki dohnud jong ki, ki long shawei pat. Ka niam jong ki kam long ei ei, hynrei ka long tang ki aiñ bad ki rukom briew, kiba ki shu spel lyndet.

MATHAÏOS 26:74

Nangta u Petros u la ong, “Nga smai ba nga ïathuh ïa ka jingshisha! Ai ba U Blei un pynshitom ïa nga lada ngam long kumta! Ngam ithuh ïa uta u briew!” Kumta hi u syiar u la kyn-ih,

MATHAÏOS 5:44

Hynrei mynta nga ong ha phi: ieit ïa ki nongshun jong phi bad duwai na ka bynta kito kiba pynshitom beiñ ïa phi,

KI KAM 2:26

Bad kumta la pyndap ïa nga da ka jingkmen, bad ki kyntien jong nga ki dap da ka jingkmen. Bad ma nga, la nga long tang u briew, ngan ym khuslai ha ka jingkyrmen,

Ka Shithi U Paul Sha Ki Nong Rom 3:14

ka jingkren jong ki ka dap da ki jingtim bakthang.

1 KORINTH 11:7

U briew um donkam ban tap ïa la ka khlieh, namar u pynphalang ïa ka dur bad ka burom U Blei. Hynrei ka briew ka pynphalang ïa ka burom jong u briew; naba ïa u briew ym shym la thaw ïa na ka briew, hynrei ïa ka briew na u briew.

EPHESOS 1:3

To ngin ai ki jingnguh sha U Blei bad U Kpa U Jisu Khrist uba U Trai jong ngi! Naba ha U Khrist, u la kyrkhu ïa ngi da kaba ai ha ngi ïa ka jingkyrkhu ba kynja mynsiem baroh ha ka pyrthei kaba kynja bneng.

JAKOB 1:27

Kaei kaba U Blei uba U Kpa u ñiew ba ka long kaba sngur bad ka jinglong riewblei bashisha ka long kane: Ban leit khmih ïa ki khunswet bad ïa ki riewkynthei ha ka jingshitom jong ki bad ban ri noh ïa lade kiba khlem thohbria na ka jong ka pyrthei.

JAKOB 3:10

Ki kyntien jong ka jingsngewnguh bad ka jingtim ki mihnoh na kajuh ka shyntur. Ko parabangeit jong nga, kane kam dei ban jia.

1 PETROS 1:3

To ngin ainguh ïa U Blei bad ïa U Kpa U Jisu Khrist uba U Trai jong ngi. Namar ka jingisynei bakhraw jong u, u la ai ha ngi ïa ka jingim bathymmai da kaba pynmihpat ïa U Jisu Khrist na ka jingïap.

NONGBISHAR 9:27

Baroh ki ïaleit sha la ki bri sohwaiñ bad kheit ïa ki sohwaiñ, ki shna waiñ na ki, bad ki pynlong ka jingïaleh kmen. Ki leit sha ka templ jong u blei jong ki, ha kaba ki la ïabam bad ïadih bad ki krenbeiñ ïa u Abimelekh.