JAKOB 3:5 - Khasi CL Bible (BSI)

⁵ Kumta ka long bad u thylliej: La u long uba rit, u lah ban sngewsarong shaphang kiei kiei kiba khraw. Shu pyrkhat kat ka 'lawbah lah ban pynpluh ïa ka da i thylliej ding iba rit!

KA BAIBL

⁵ Kumta ruh, u thylliej u long tang i dkhot i barit, hynrei, u shait kren khraw eh. Ha khmih, katno ka shi stai bah ki dieng i ding i barit i pynmeh noh!

JAKOB 3:5 ပူးပေါင်းရင်းမြစ်များ

Ka Kitab U Job 22:17

Kine ki dei ki briew kiba la kyntait ïa U Blei bad kiba ngeit ba um lah ban leh ei ei ïa ki.

SALM 10:3

U riewbymman u sngewsarong ha la ki jong ki jingkwah basniew; u riewlalot u tim bad kyntait ïa U Trai.

SALM 17:10

kim don jingisynei, bad ki kren sarong.

SALM 39:1

Nga la ong, “Ngan da sumar bha ïa kaei ba nga leh, bad ngan ym shah ïa u thylliej jong nga ban pynleh pop ïa nga; ngan ym ong ei ei katba ki briew basniew ki dang don hajan.”

EKSODOS 15:9

U nongshun u ong, ‘Ngan beh kthong bad kem ïa ki, ngan ïabynta ïa ka spah jong ki, bad ngan shim kat ïa kaba nga mon; ngan sei ïa la ka waitlam, bad ngan shim ïa baroh kaba ki don.’

EKSODOS 5:2

“Uei uta U Trai?” u Pharaoh u kylli. “Balei ba nga dei ban shahshkor ïa u, bad shah ïa ki Israel ban leit? Ngam ithuh ïa U Trai, bad ngam shah ïa ki Israel ban leit.”

PROBERB 12:18

Ki ktien ba khlem da pyrkhat ki lah ban pynmong jylliew kum kano kano ka waitlam, hynrei ki ktien ba kren ha ka jingstad ki lah ban pynkhiah.

PROBERB 15:2

Haba ki briew kiba stad ki kren, ki pynlong ïa ka jingtip kaba pdiang hun, hynrei ki briew kiba mutlop ki khlei ïa ka jingbieit.

PROBERB 18:21

Kaei kaba phi ong ka lah ban ri ïa ka jingim lane pynjot ïa ka; te phi dei ban pdiang ïa ki soh kiba mih na ki ktien jong hi.

PROBERB 26:20

Khlem ka diengïap, ka ding ka lip noh; khlem ka jinglorni, ka jingïakajia ka kut noh.

JEREMAÏAH 18:18

Nangta ki briew ki la ong, “To ngin leh ei ei shaphang u Jeremaïah! Yn don borabor ki lyngdoh ki ban hikai ïa ngi, ki rangbah bastad ban ai jingsyllok ïa ngi, bad ki nongïathuhlypa ban pynbna ïa ka khubor jong U Blei. To ngin wallam ki jingmudui pyrshah ïa u, bad sangeh ban pynshahshkor ïa kaei kaba u ong.”

ESEKIEL 28:2

“Ko khun u briew,” u la ong, “ïathuh ïa u nongsynshar ka Tyros kaei kaba ma nga, U Trai Nongsynshar, nga ong ha u: Ba la pynhieng da ka jingsarong, me kam ba me dei U Blei. Me ong ba kum U Blei me shong ha ka khet, ba la ker sawdong da ki duriaw. Me lah ban leh mynleh kum U Blei, hynrei, em, me long uba kynja briew, ym uba kynja blei.

ESEKIEL 29:3

To ong ba kane ka long kaei kaba U Trai Nongsynshar u ïathuh ïa u syiem ka Ijipt: Nga long u nongshun jong me, ma me u kuratia bakynsha, uba dem ha ka wah. Me ong ba ka wah Nile ka long ka jong me bad ba me la pynlong ïa ka.

DANIEL 3:15

Te mynta, tang mar shu ïohsngew ïa ka sur jong ki turoi, ki tangmuri, ki jingtem ksai, ki marynthing, ki duitara, bad baroh kiwei pat ki tiar put tiar tem, to dem ngon bad mane ïa ka durbriew. Lada phim leh kumta, yn bret kloi lan ïa phi ha ka lawar ding baklang. Hato phi pyrkhat ba don uno uno u blei uba lah ban pyllait im ïa phi?”

DANIEL 4:30

u la ong, “Ha khmih katno khraw ka Babilon ka long! Nga la tei ïa ka kum ka nongbah jong nga ban pyn-i ïa ka bor bad ka jingkhlaiñ jong nga, ka burom jong nga bad ka jinglong syiem jong nga.”

JAKOB 3:4

Lane to pyrkhat ïa ka lieng kaba heh: La ka heh katno katno bad la pynïaid ïa ka da ki lyer bakhlaiñ, la ñiah ïa ka da u boitha uba rit eh, bad ka ïaid kat shaba u nongking lieng u mon ba kan leit.

2 PETROS 2:18

Ki kren ïa ki jingkren sarong bad ba-mutlop, bad ki riam pah da ki jingkwah brai jong ka doh ïa ki briew kiba dang shu sdang ban phet ïap napdeng ki briew kiba im ha ka jingleh bymdei.

JUDAH 1:16

Kine ki briew kiba khñium bad borabor ki kynnoh ïa kiwei; ki ïaid kat kum ki jingkwah brai jong ki; ki kren sarong shaphang ïa lade bad ïaroh arsap ïa kiwei khnang ban ïoh leh ïa kaba ki kwah hi.