JAKOB 3:3 - Khasi CL Bible (BSI)

³ Ngi pyndait lakam ha ka shyntur jong u kulai lada ngi kwah ba un kohnguh ïa ngi, bad kumta ngi lah ban pynïaid ïa u kat shaba ngi mon.

KA BAIBL

³ Ha khmih, ngi buh ïa ki lakam ha ki shyntur ki kulai khnang ba kin kohnguh ïa ngi, ngi pynphai ruh ïa ka met jong ki baroh kawei.

JAKOB 3:3 ပူးပေါင်းရင်းမြစ်များ

2 SYIEM 19:28

Nga la ïohpdiang ïa ka jingtip shaphang ka jingbitar shla jong me bad ïa kata ka jingsarong jong me, bad mynta ngan buh ïa u khwai lyngba ka khmut jong me bad u lakam ha ka shyntur jong me, bad ban ïalam pat ïa me na kajuh ka lynti ba me wan.”

Ka Kitab U Job 41:13

Ym don mano mano ba lah ban tar noh ïa ka jingsop bashabar jong u lane pynpei ïa ka atiar jingïada kaba u phong.

SALM 32:9

Wat long uba bieit kum u kulai ne u khashor, ïa uba hap ban pynïaid da u nar-bniat bad u lakam, ban pynlong ïa u ban pyndem.”

SALM 39:1

Nga la ong, “Ngan da sumar bha ïa kaei ba nga leh, bad ngan ym shah ïa u thylliej jong nga ban pynleh pop ïa nga; ngan ym ong ei ei katba ki briew basniew ki dang don hajan.”

ISAÏAH 37:29

Nga la ïohpdiang ïa ka khubor jong kata ka jingbitar shla bad ka jingsarong jong me, bad mynta ngan buh ïa u khwai ha ka khmut jong me bad u bnoh ha ka shyntur jong me bad ngan pynphai pat na ka lynti ha kaba me la wan.”

JAKOB 1:26

Hato don uno uno uba pyrkhat ba u long uba riewblei? Lada um synshar ïa la u thylliej, ka jinglong riewblei jong u kam myntoi bad u shukor ïa lade.

JAKOB 3:4

Lane to pyrkhat ïa ka lieng kaba heh: La ka heh katno katno bad la pynïaid ïa ka da ki lyer bakhlaiñ, la ñiah ïa ka da u boitha uba rit eh, bad ka ïaid kat shaba u nongking lieng u mon ba kan leit.