JAKOB 3:2 - Khasi CL Bible (BSI)

² Baroh na ngi, ngi bakla bunsien. Hynrei lada u briew um ju bakla ha kaei kaba u kren, u long uba janai bad u long ruh uba lah ban synshar ïa lade nadong shadong.

KA BAIBL

² Namar ha bun kiei kiei ngi jynthut baroh. Lada uno uno ruh um jynthut ha ka ktien, une u long u briew bajanai, uba lah ban synshar ïa ka met ruh baroh kawei.

JAKOB 3:2 ပူးပေါင်းရင်းမြစ်များ

1 SYIEM 8:46

“Haba ki briew jong me ki leh pop pyrshah ïa me — bad ba ym don uwei ruh u briew uba khlem leh pop — bad ha la ka jingbitar me shah ïa ki nongshun jong ki ban jop ïa ki bad ban ring koidi ïa ki sha kawei pat ka ri, wat la kata ka ri ka long kaba jngai, to shahshkor ïa ki jingduwai ki briew jong me.

2 KHRONIKL 6:36

“Haba ki briew jong me ki leh pop pyrshah ïa me — bad ym don uwei ruh uba khlem leh pop — bad ha la ka jingbitar me shah ïa ki nongshun jong ki ban jop ïa ki bad ban ringmraw ïa ki sha kawei pat ka ri, la kata ka ri ka long sha jngai, to shahshkor ïa ki jingkyrpad ki briew jong me.

Ka Kitab U Job 15:13

Me leh bitar ïa U Blei bad me kyntait ïa u.

SALM 34:13

Te sumar na kaba kren sniew, bad na kaba kren lamler.

SALM 39:1

Nga la ong, “Ngan da sumar bha ïa kaei ba nga leh, bad ngan ym shah ïa u thylliej jong nga ban pynleh pop ïa nga; ngan ym ong ei ei katba ki briew basniew ki dang don hajan.”

PROBERB 10:19

Katba phi nang bunktien, katta phi nang leh pop. Lada phi long uba stad phin sngap jar.

PROBERB 13:3

Husiar ïa kaei kaba phi ong bad ri ïa la ka jingim. Uba kren thurmur u pynjot ïa lade.

PROBERB 20:9

Hato don uba lah ban ong da shisha ba ka jingïatiplem jong u ka khuid, ba u la lah ban iehnoh ïa ka pop jong u?

PROBERB 21:23

Lada phi kwah ban lait na ka jingjynjar to sumar ïa kaei kaba phi ong.

EKLESIASTIS 7:20

Ym don uno uno ha ka pyrthei uba leh ïa kaba bha ha ki por baroh bad u bym ju leh bakla.

ISAÏAH 64:6

Baroh na ngi, ngi long kiba pop; wat ki kam babha tam jong ngi ki long ki bymkhuid shi lynter. Namar ki pop jong ngi, ngi long kum ki sla ba la tlor bad ba la rong noh da ka lyer.

LEBITIKOS 13:39

Lada kita ki dak ki long kiba lieh blad, ki dei tang ki dak thohbria ha ka sniehdoh jong u; uta u briew u long uba khuid.

MATHAÏOS 12:34

Phi ki bseiñ — kumno phi lah ban ong ïa kiei kiei kiba bha haba phi long kiba sniew? Namar ka shyntur ka kren ïa kaei kaba la shlei ha ka dohnud.

MATHAÏOS 12:37

Ïa ki kyntien jong phi yn sa pyndonkam ban bishar ïa phi — ban pynbna ïa phi la phi long uba lui lui ne uba shah pynrem.”

Ka Shithi U Paul Sha Ki Nong Rom 3:10

Kumba ki Jingthoh Bakhuid ki ong: “Ym don uno uno uba hok,

Ka Shithi U Paul Sha Ki Nong Rom 7:21

Kumta nga shem ba kane ka hukum ka treikam; haba nga kwah ban leh ïa kaei kaba bha, kaei kaba sniew ka long tang ma ka, ka jingjied kaba nga don.

1 KORINTH 9:27

Nga pyneh ïa la ka met da ki jingshahkura bad nga pyndem ïa ka hapoh ka bor synshar lade, ban sumar ïa lade na kaba shah kyntait hadien ba nga la khot ïa kiwei sha ka jingïakhun.

GALATIA 3:22

Hynrei ka Jingthoh Bakhuid ka ïathuh ba ka pyrthei hi baroh kawei ka don hapoh ka bor jong ka pop; bad kumta ïa ka jingai ïa kaba la kular halor ka nongrim jong ka jingngeit ha U Jisu Khrist la ai ïa kito kiba ngeit.

GALATIA 5:17

Ïa kaei kaba ka jinglong ba kynja briew jong ngi ka kwah ka long marpyrshah ïa kaei kaba U Mynsiem u kwah, bad kaei kaba U Mynsiem u kwah ka long marpyrshah ïa kaei kaba ka jinglong ba kynja briew jong ngi ka kwah. Kine ar ki ïalong nongshun, bad kane ka mut ba phim lah ban leh ïa kaei kaba phi kwah ban leh.

KOLOSSAI 1:28

Kumta ngi ïalap ïa U Khrist ha uwei pa uwei. Da ka jingstad baroh katba lah ngi maham bad hikai ïa ki khnang ban pynïeng ïa uwei pa uwei ha khmat U Blei kum u briew uba la san pura ha U Khrist.

KOLOSSAI 4:12

Ki jingai khublei na u Epaphras, uwei pat u dkhot jong ka kynhun jong phi bad u shakri jong U Khrist Jisu. U ïai duwai shitrhem borabor na ka bynta jong phi, da kaba kyrpad ïa U Blei ban pynlong ïa phi kiba ïeng skhem, kum kiba la san rangbah bha bad kiba skhem pura, ha ka jingkohnguh pura ïa ka mon U Blei.

JAKOB 1:26

Hato don uno uno uba pyrkhat ba u long uba riewblei? Lada um synshar ïa la u thylliej, ka jinglong riewblei jong u kam myntoi bad u shukor ïa lade.

JAKOB 1:4

Pynthikna ba ka jingïaishah jong phi ka rah ïa phi artet ka lynti khlem da hap noh, khnang ba phin long kiba janai bad kiba dap pura, khlem jingduna ei ei.

JAKOB 2:10

Uno uno uba pynkheiñ ïa kawei ka hukum u long uba shah pynrem ha kaba pynkheiñ ïa ki baroh.

1 PETROS 3:10

Kumba ka Jingthoh Bakhuid ka ong, “Uno uno uba kwah ban lehkmen ha ka jingim bad uba kwah ban ïohi ïa ki por kiba bha, u dei ban kiar na kaba kren sniew bad ban nym kren lamler.

1 PETROS 5:10

Hynrei hadien ba phi la shahshitom tang khyndiat por, U Blei jong ka jingaiei baroh, uba la khot ïa phi ban ïoh bynta na ka burom bymjukut jong u ha U Khrist, ma u hi keiñ un pynjanai ïa phi bad un ai ha phi ïa ka jingsngewskhem, ka jingkhlaiñ, bad ka nongrim kaba skhem shisha.